ອຸທິຍານພູຜາສຸກ ແຫຼ່ງທ່ອງທ່ຽວທີ່ສວຍງາມ

  ແຂວງສາລະວັນ ເປັນແຂວງໜຶ່ງທີ່ມີຄວາມຫຼາກຫຼາຍ ດ້ານສະຖານທີ່ທ່ອງທ່ຽວບໍ່ວ່າຈະ ເປັນທາງດ້ານປະຫວັດສາດ, ວັດ ທະນະທຳ ແລະແຫຼ່ງທ່ອງທ່ຽວ ທາງທຳມະຊາດລ້ວນແຕ່ໄດ້ຮັບຄວາມນິຍົມຈາກບັນດານັກທ່ອງ ທ່ຽວທັງພາຍໃນ ແລະຕ່າງປະເທດໜຶ່ງໃນນັ້ນແມ່ນແຫຼ່ງທ່ອງທ່ຽວອຸທິຍານພູຜາສຸກ ທີ່ເປັນແຫຼ່ງທ່ອງ ທ່ຽວທີ່ສວຍສົດງົດງາມທີ່ສຸດອີກ ແຫ່ງໃນແຂວງສາລະວັນ.

ອຸທິຍານພູຜາສຸກຕັ້ງຢູ່ບ້ານ ປາກປົ່ງ-ຄຳທອງ, ເມືອງສາລະ ວັນແຂວງສາລະວັນ ຢູ່ຫ່າງຈາກ ເທສະບານ ເມືອງສາລະວັນປະມານ 29 ກິໂລແມັດ, ຖໍ້າພູຜາສຸກ ມີຄວາມສູງ 100 ແມັດ, ກວ້າງ ສຸດ 120 ແມັດ ແລະຍາວ 7 ກິໂລ ແມັດ. ພາຍໃນຖໍ້າມີຫີນງອກ, ຫີນ ຍ້ອຍ, ເຫຼື້ອມຍິບຍັບ, ອາກາດເຢັນດີເພາະມີສາຍນໍ້າໄຫຼຜ່ານພາຍໃນຖໍ້າຕະຫຼອດປີ.

ອຸທິຍານພູຜາສຸກ ໄດ້ເປີດໃຫ້ ນັກທ່ອງທ່ຽວເຂົ້າທ່ຽວຊົມໃນ 2017 ເປັນຕົ້ນມາປະຈຸບັນມີສິ່ງ ອຳນວຍຄວາມສະດວກຫຼາຍຢ່າງ ຊຶ່ງເຫັນວ່າປະຈຸບັທ່ອງທ່ຽວທັງພາຍໃນ ແລະຕ່າງປະເທດໃຫ້ ຄວາມສົນໃຈຫຼາຍເປັນພິເສດເນື່ອງ ຈາກຖໍ້າດັ່ງກ່າວມີຄວາມສວຍງາມເມື່ອໄດ້ໄປເຫັນແລ້ວກໍຢາກໄປທ່ຽວຊົມອີກ.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์