ສຳເລັດກອງປະຊຸມຜູ້ບໍລິຫານການສຶກສາ ທົ່ວແຂວງຫົວພັນ

  ກອງປະຊຸມໃຫຍ່ຜູ້ບໍລິຫານການສຶກສາ ແລະກີລາທົ່ວແຂວງ ຫົວພັນປະຈຳສົກຮຽນ 2018-2019 ໄດ້ອັດລົງຢ່າງທາງການໃນວັນທີ 9 ສິງຫາຜ່ານມາທີ່ ຫ້ອງປະຊຸມພະແນກສຶກສາທິການ ແລະກີລາແຂວງພາຍໃຕ້ການເປັນປະທານຂອງທ່ານ ມົນທອງ ລຽນ ຕິກຸນ ຫົວໜ້າພະແນກສຶກສາທິການ ແລະກີລາແຂວງຫົວພັນ, ເຂົ້າຮ່ວມຂອງທ່ານ ພູໂຊນ ທຳມະວິໄຊຮອງເຈົ້າແຂວງ, ຜູ້ຊີ້ນໍາຂົງເຂດ ວັດທະນາທໍາ-ສັງຄົມຂັ້ນແຂວງ, ມີບັນດາຜູ້ຕາງໜ້າຈາກກະຊວງ ສຶກສາທິການ ແລະກີລາ, ວິທະຍາ ໄລຄູຄັງໄຂ, ເຈົ້າເມືອງ, ຮອງເຈົ້າ ເມືອງ, ຜູ້ບໍລິຫານການສຶກສາທົ່ວ ແຂວງຫົວພັນພ້ອມດ້ວຍແຂກຖືກ ເຊີນ ແລະພາກສ່ວນທີ່ກ່ຽວຂ້ອງ ເຂົ້າຮ່ວມ.

ທ່ານ ມົນທອງ ລຽນຕິຄຸນ ກ່າວວ່າ: ໃນສົກຮຽນ 2018-2019 ທົ່ວແຂວງຫົວພັນ ມີໂຮງ ຮຽນທັງໝົດ 1.242 ແຫ່ງ ໃນ                                ນັ້ນມີໂຮງຮຽນລ້ຽງເດັກ-ອະນຸ ບານ 372 ແຫ່ງ, ເອກະຊົນ 9 ແຫ່ງ, ໂຮງຮຽນປະຖົມ  724  ແຫ່ງ, ເອກະຊົນ 3 ແຫ່ງ, ໂຮງຮຽນມັດ ທະຍົມຕອນຕົ້ນ 91 ແຫ່ງ ເອກະ ຊົນ 1 ແຫ່ງ, ໂຮງຮຽນມັດທະຍົມ ຕອນປາຍ 1 ແຫ່ງ, ມັດທະຍົມສົມ ບູນ 52 ແຫ່ງ, ເອກະຊົນ 1 ແຫ່ງ; ມີນັກຮຽນທັງໝົດ 91.853 ຄົນ, ຍິງ  42.318  ຄົນ,  ມີຫ້ອງຮຽນທັງ ໝົດ 3.607 ຫ້ອງ; ມີຄູສອນ 4.704 ຄົນ, ຍິງ 2.223 ຄົນ, ໃນນັ້ນມີຄູອາສາສະໝັກ 214 ຄົນ; ມີສູນການສຶກສານອກໂຮງຮຽນ 2 ແຫ່ງ, ມີນັກຮຽນທັງໝົດ 150 ຄົນ, ຍິງ 53 ຄົນ, ມີຄູສອນ 22  ຄົນ, ຍິງ 16 ຄົນ; ມີໂຮງຮຽນວິ ຊາຊີບ 2 ແຫ່ງ,ເອກະຊົນ 1 ແຫ່ງ, ມີນັກຮຽນທັງໝົດ 319 ຄົນ, ຍິງ 1 91 ຄົນ; ທົ່ວແຂວງມີພະນັກງານ ລັດຖະກອນສຶກສາທັງໝົດ  4.941 ຄົນ, ຍິງ2.166 ຄົນ, ພະນັກງານ ບໍລິຫານ 413  ຄົນ , ຍິງ 130 ຄົນ.

ຜ່ານມາຜູ້ບໍລິຫານການສຶກສາ ແລະກີລາຂັ້ນແຂວງໄດ້ເອົາໃຈໃສ່ປຸກລະດົມສ້າງໂອກາດໃຫ້ເດັກທີ່ມີ ເກນອາຍຸໄດ້ເຂົ້າຮຽນໃນແຕ່ລະຊັ້ນ ຫຼາຍຂຶ້ນເຊັ່ນ: ອັດຕາເຂົ້າຮຽນ ຂອງເດັກ 3-5 ປີ ປະຕິບັດໄດ້ 69,41%, ອັດຕາຂອງເດັກ 5 ປີ ປະຕິບັດໄດ້ 80,36%, ອັດຕາ ເຂົ້າຮຽນໃໝ່ສຸດທິຊັ້ນປະຖົມປະ     ຕິບັດໄດ້ 98,80%, ອັດຕາເຂົ້າ ຮຽນສຸດທິຊັ້ນປະຖົມປະຕິບັດໄດ້ 98,83%, ອັດຕາເຂົ້າຮຽນລວມຊັ້ນມັດທະຍົມຕອນຕົ້ນປະຕິບັດໄດ້ 96,07%, ອັດຕາເຂົ້າຮຽນລວມ ຊັ້ນມັດທະຍົມຕອນປາຍປະຕິບັດ ໄດ້ 60,10%, ສາມາດປະກາດ ຈົບຊັ້ນມັດທະຍົມຕອນຕົ້ນບຳລຸງ ດ້ 2 ເມືອງຄື: ເມືອງຊຳເແລະເມືອງກັວນ,  ສ້າງເງື່ອນໄຂໃຫ້ ນັກຮຽນທີ່ຈົບຊັ້ນ ມ4 ໄດ້ເຂົ້າ ຮຽນວິຊາຊີບປະຕິບັດໄດ້ 1,41% ນັກຮຽນທີ່ຈົບ ມ7 ເຂົ້າຮຽນໂຮງ ຮຽນວິຊາຊີບ ຂອງແຂວງ ແລະ ອະຊີວະສຶກສາໃນລະດັບຕ່າງໆໄດ້ 28,02%.

ໃນສົກຮຽນ 2019-2020 ແຂວງຫົວພັນໄດ້ມີແຜນສູ້ຊົນເພື່ອພັດທະນາການສຶກສາ ແລະກີລາ ໂດຍຈະຕ້ອງສົ່ງເສີມໃຫ້ເດັກນ້ອຍໄດ້ເຂົ້າໂຮງຮຽນຕາມເກນອາຍຸ,ຂະຫຍາຍໂຮງຮຽນລ້ຽງເດັກ,ຫ້ອງກຽມປະຖົມ,ສ້າງໂຮງຮຽນ ອະນຸບານໃຫ້ສາມາດຮັບເດັກເຂົ້າ ຮຽນໝົດມື້ໄດ້ເມືອງລະ 1 ແຫ່ງຂຶ້ນ ໄປ, ສ້າງຄວາມເຂັ້ມແຂງໃຫ້ແກ່ຜູ້ ບໍລິຫານໂຮງຮຽນ,ຄູສອນ, ຄູສຶກສານິເທດແຕ່ລະຊັ້ນ, ຕິດຕາມຊ່ວຍ ເຫຼືອໃນການຄຸ້ມຄອງການຮຽນ-ການສອນຢູ່ຂັ້ນໂຮງຮຽນໃຫ້ມີປະ ສິດທິພາບສູງ, ແບ່ງຄວາມຮັບຜິດຊອບຂຶ້ນແຜນດຳເນີນງານສ້າງ ໂຮງຮຽນຕົວແບບດ້ານວິຊາການ ໃຫ້ບັນລຸຕາມເປົ້າໝາຍ.

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์