ຊຽງຂວາງ ຈັດກິດຈະກໍາຫຼິ້ນກີລາແທັກຄີວບາເລ່ ແລະຈ່ານບິນ

  ຊຽງຂວາງ ຈັດກິດຈະກໍາ ຫຼິ້ນກີລາແທັກຄີວບາເລ່ ແລະຈ່ານ ບິນ ສໍາລັບຄົນພິການໃນວັນທີ 12 ສິງຫາຜ່ານມາທີ່ສະໂມສອນກີລາ ດອກປີກໄກ່ຂອງແຂວງ  ໂດຍໃຫ້ ກຽດເຂົ້າຮ່ວມເປັນປະທານຂອງທ່ານ ທອງຜີວ ສີປັນຍາ ຮອງຫົວ ໜ້າພະແນກສຶກສາທິການ ແລະ ກີລາແຂວງທ່ານ ມິດສຸໂລ ໂອກິໂສະ ຊ່ຽວຊານ ກີລາຄົນພິການຈາກປະເທດຍີ່ປຸ່ນ, ທ່ານ ສີວິໄຊແສງດາວົງຮອງຫົວໜ້າພະແນກ ກີລາຄົນພິການກົມກີລາມວນຊົນກະຊວງສຶກສາທິການ ແລະກີລາ,ມີບັນ ດາທ່ານຄະນະຮັບຜິດຊອບ, ຄູຝຶກແລະນັກກີລາຄົນພິການເຂົ້າຮ່ວມ.

ໂອກາດນີ້ທ່ານ ທອງຜີວ ສີປັນຍາ ໄດ້ຂຶ້ນກ່າວລາຍງານເຖິງ ຈຸດປະສົງຂອງການຈັດກິດຈະ ກໍາຄັ້ງນີ້ແມ່ນເພື່ອເປັນການສ້າງ ຄວາມແຂງແກ່ນໃຫ້ແກ່ນັກກີລາ ທາງດ້ານຮ່າງກາຍ, ມັນສະໝອງ, ເທັກນິກ ແລະກະຕິກາຂອງການ ຫຼິ້ນກີລາແທັກຄີວບາເລ່  ແລະຈ່ານ ບິນ ເພື່ອໄວ້ຮອງຮັບເຂົ້າຮ່ວມແຂ່ງ ຂັນລະດັບຕ່າງໆທັງພາກພື້ນ ແລະ ສາກົນ, ພິເສດແມ່ນກະກຽມຄວາມ ພ້ອມຮັບໃຊ້ງານມະຫາກໍາກີລາຄົນ ພິການທົ່ວປະເທດຄັ້ງທີ III ທີ່ ແຂວງຊຽງຂວາງ ເປັນເຈົ້າພາບ ໃນປີໜ້ານີ້.

ສໍາລັບກິດຈະກໍາຄັ້ງນີ້ປະກອບ ມີການຫຼິ້ນກີລາ 2 ປະເພດຄື:  ແທັກຄີວບາເລ່ ແລະຈ່ານບິນ ຊຶ່ງເປັນກີລາໃໝ່ບາງຄົນອາດຍັງບໍ່ຄຸ້ນເຄີຍກັບກີລາປະເພດນີ້ແຕ່ບາງຄົນກໍ ເປັນນັກກີລາເກົ່າເຄີຍໄດ້ແຂ່ງຂັນ ມາແລ້ວ, ໃນນັ້ນມີນັກກີລາຄົນພິ ການເຂົ້າຮ່ວມທັງ 30  ຄົນ, ໂດຍ ມີຊ່ຽວຊານຈາກປະເທດຍີ່ປຸ່ນຄອຍ ໃຫ້ການແນະນໍາຊ່ວຍເຫຼືອຝຶກຊ້ອມ,ຈາກນັ້ນໄດ້ມີການແຂ່ງຂັນຕົວຈິງ ເພື່ອເປັນການປະເມີນຄວາມເຂົ້າ ໃຈ ແລະຄວາມສາມາດຂອງນັກ ກີລາແຕ່ລະຄົນເພື່ອຄັດເລືອກເປົ້າໝາຍເຂົ້າຮ່ວມແຂ່ງຂັນກີລາແທັກ ຄີວບາເລ່  ແລະຈ່ານບິນ  ໃນລະດັບ ຕ່າງໆທີ່ທາງຂັ້ນເທິງຈັດຂຶ້ນ.

ທ່ານ ທອງຜີວ ສີປັນຍາ ຍັງ ໄດ້ຮຽກຮ້ອງໃຫ້ນັກກີລາທຸກຄົນຈົ່ງພ້ອມກັນເອົາໃຈໃສ່ຝຶກຊ້ອມນໍາຄູຝຶກດ້ວຍຄວາມຕັ້ງໃຈເຕັມເມັດ ເຕັມໜ່ວຍນໍາເອົາຄວາມຮູ້ຈາກ ການຫຼິ້ນກີລາຄັ້ງນີ້ໝູນໃຊ້ເຂົ້າໃນການແຂ່ງຂັນຕົວຈິງໃຫ້ປະສົບຜົນ ສໍາເລັດ.

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

• 16/08/2019