ຄນລ ມອບເຄື່ອງຊ່ວຍເຫຼືອໃຫ້ຜູ້ປະສົບໄພ ເມືອງສະໜາມໄຊ

   ວັນທີ 10 ສິງຫາ ຜ່ານມາ ຄະນະນິຕິສາດ-ລັດຖະສາດ (ຄນລ) ມະຫາວິທະຍາໄລແຫ່ງ ຊາດລາວ ໄດ້ລົງເຄື່ອນໄຫວມອບ ເຄື່ອງຊ່ວຍເຫຼືອໃຫ້ຜູ້ປະສົບໄພ ພິບັດຢູ່ເມືອງສະໜາມໄຊ ຊຶ່ງນຳ ໂດຍທ່ານ ວຽງວິໄລ ທ່ຽງຈັນໄຊ ຄະນະບໍດີຄະນະນິຕິສາດ ແລະລັດຖະສາດມະຫາວິທະຍາໄລແຫ່ງ ຊາດລາວພ້ອມດ້ວຍຄະນະ, ເຄື່ອງ ທີ່ນຳມາຊ່ວຍເຫຼືອລວມມີອຸປະກອນການຮຽນປຶ້ມຂຽນ 600 ຫົວ, ບິກຂຽນ 750 ກ້ານ, ຢາງ ລຶບ 280 ອັນ ແລະໄມ້ບັນທັດ 500 ອັນ, ສໍາລັບເຄື່ອງຊ່ວຍເຫຼືອ ປະເພດອາຫານແຫ້ງລວມມີໝີ່ 10 ແກັດໃຫຍ່, ປາກະປ໋ອງ 4 ແກັດ ໃຫຍ່, ນໍ້າດື່ມ 15 ແພັກ ແລະເຄື່ອງນຸ່ງຫົ່ມອີກຈຳນວນໜຶ່ງ, ລວມມູນຄ່າທັງໝົດ 16 ລ້ານກວ່າກີບ, ເຄື່ອງຊ່ວຍເຫຼືອດັ່ງກ່າວແມ່ນໄດ້ ມອບໃຫ້ 5 ບ້ານ ແລະ1 ຄຸ້ມທີ່ ໄດ້ຮັບຜົນກະທົບຈາກໄພພິບັດໃນ ປີຜ່ານມາ .

ພິທີມອບ-ຮັບໄດ້ຈັດຂຶ້ນທີ່ສູນພັກຊົ່ວຄາວຜູ້ປະສົບໄພຈຸດດົງບາກ ກ່າວມອບໂດຍແມ່ນທ່ານ ວຽງວິໄລ ທ່ຽງຈັນໄຊ ຄະນະບໍດີຄະ ນະນິຕິສາດ ແລະລັດຖະສາດມະ ຫາວິທະຍາໄລແຫ່ງຊາດລາວຕາງ ໜ້າປະຊາຊົນກ່າວຮັບໂດຍທ່ານ ພູວັນ ມະນີໂຊດຮອງເລຂາພັກ ເມືອງ ໂດຍຊ້ອງໜ້າພາກສ່ວນທີ່ ກ່ຽວຂ້ອງ .

ໂອກາດດັ່ງກ່າວທາງຄະນະນິຕິສາດ-ລັດຖະສາດມະຫາວິທະຍໄລແຫ່ງຊາດລາວ ແລະທິມງານ ໂຄງການທີ່ມາຈາກປະເທດລຸກຊຳບວກຍັງໄດ້ຈັດກິດຈະກໍາປູກຈິດ ສຳນຶກ, ການສະແດງລະຄອນທີ່ສະທ້ອນໃຫ້ເຫັນການໃຊ້ຄວາມຮຸນ ແຮງຕໍ່ແມ່ຍິງ ແລະເດັກນ້ອຍ, ການ ຂຶ້ນທະບຽນທີ່ດິນຢ່າງເປັນລະບົບ.

ພາບ ແລະຂາ່ວຂາກ: ໜັງສືພິມເສດຖະກິດ-ສັງຄົມ

แชร์