ສູນຝຶກອົບຮົມແພດ ສາລະວັນ ມອບໝວກໃຫ້ນັກສຶກສາ

   ເພື່ອເຮັດໃຫ້ນັກສຶກສາສູນຝຶກອົບຮົມໂຮງຮຽນສ້າງແພດແຂວງສາລະວັນມີຄວາມຮັບຮູ້ເຂົ້າໃຈຢ່າງເລິກເຊິ່ງຕໍ່ກັບເນື້ອໃນບົດຮຽນທັງພາກທິດສະດີ ແລະຕົວຈິງ,ຮັບປະກັນໃນດ້ານປະລິມານ ແລະ ຄຸນນະພາບ, ພາຍຫຼັງໄດ້ສຶກສາຮໍ່າຮຽນພາກທິດສະດີມາແລ້ວ 1 ປີ ຈະຕ້ອງໄດ້ລົງຝຶກປະຕິບັດຕົວຈິງ ກ່ຽວກັບພະຍາບານພື້ນຖານຢູ່ໂຮງ ໝໍແຂວງໄລຍະ 5 ອາທິດ.

ນັກສຶກສາຊັ້ນສູງພະຍາບານສາຍກົງ ຮຸ່ນທີ 2 ມີທັງໝົດ 34 ຄົນ, ຍິງ 24 ຄົນ, ຊຶ່ງໃນນັ້ນມາ ຈາກແຂວງສາລະວັນ 12  ຄົນ, ຄົງເຊໂດນ, ຕະໂອ້ຍ ແລະຕຸ້ມລານ, ເມືອງລະ 3 ຄົນ, ເມືອງສະໝ້ວຍ ແລະວາປີ 1 ຄົນ, ມາຈາກແຂວງ ອັດຕະປື 9 ຄົນ, ເຊກອງ ແລະ ແຂວງຈຳປາສັກ 1 ຄົນ, ຊື່ງໄດ້ ຮຽນໃນຫຼັກສູດຊັ້ນສູງໄລຍະ 3 ປີ ແລະໄດ້ສຶກສາຮໍ່າຮຽນມາແລ້ວ 2 ພາກຮຽນ, ມີທັງໝົດ 17 ວິຊາ ລວມມີ 944 ຊົ່ວໂມງ ຫຼື ເທົ່າກັບ 41 ໜ່ວຍກິດ, ໃນນັ້ນ ມີທັງພາກທິດສະດີ,ພາກທົດລອງ ແລະພາກຝຶກປະຕິບັດຄຽງຄູ່ກັນ  ນັ້ນ, ເພື່ອລະນຶກເຖິງຄຸນງາມຄວາມດີຜູ້ໃຫ້ກຳເນີດວິຊາຊີບພະຍາບານ ຄື: ມີສຟໍເຣັນ ໄນຕິງເກຼວ ແລະ ຍົກສູງຄວາມພູມໃຈໃນວິຊາອາຊີບ ພະຍາບານໃຫ້ສຶກສາຮັບຮູ້ຢ່າງ ເລິກເຊິ່ງ,ທັງເປັນການໃຫ້ຄຳໝັ້ນ ສັນຍາຕໍ່ການປະຕິບັດໜ້າທີ່ວຽກ ງານໃນດ້ານສຸຂະພາບ ແລະກຽມຄວາມພ້ອມທີ່ຈະລົງຝຶກປະຕິບັດ ຕົວຈິງຢູ່ໂຮງໝໍແຂວງ ເພື່ອເກັບ ກ່ຽວບົດຮຽນ, ຄວາມຮູ້ ແລະປະສົບການ.

ໃນວັນທີ 13 ສິງຫາ 2019, ທີ່ສູນຝຶກອົບຮົມໂຮງຮຽນສ້າງ ແພດ ແຂວງສາລະວັນ ກໍ່ໄດ້ມີພິທີ ມອບ-ຮັບ ໝວກພະຍາບານກຽມລົງປະຕິບັດຕົວຈິງ, ໂດຍໃຫ້ກຽດ ເຂົ້າຮ່ວມ ແລະມອບຂອງທ່ານ ດຣ ຄຳຄ້າຍຄຳສິງສະຫວັດຮອງຫົວໜ້າພະແນກສາທາລະນະສຸກ ແຂວງ,ມີບັນດາພາກສ່ວນທີ່ກ່ຽວຂ້ອງພ້ອມດ້ວຍຄູ-ອາຈານ ແລະນັກສຶກສາເຂົ້າຮ່ວມ.

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์