ຊຽງຂວາງ ລົງຊຸກຍູ້ການສອບເສັງ ມຕ ບໍາລຸງສໍາລັບປະຊາຊົນ

    ວັນທີ 8 ສິງຫາ ຜ່ານມາ ທ່ານ ນາງ ຂັນທອງ ພົມມະວັນຮອງຫົວໜ້າຂະແໜງການສຶກສານອກໂຮງຮຽນ (ກສນ) ພະແນກສຶກສາທິການ ແລະກີລາ ແຂວງ (ສກຂ) ຊຽງຂວາງ ພ້ອມຄະນະ ລົງຕິດຕາມຊຸກຍູ້ການສອບເສັງຈົບຊັ້ນມັດທະຍົມຕອນຕົ້ນ (ມຕ) ມ4 ລະບົບບໍາລຸງສໍາລັບປະຊາຊົນຢູ່ ບ້ານນາຍອງ ເມືອງຄໍາ, ໂດຍມີ ໜ່ວຍງານທີ່ກ່ຽວຂ້ອງຂອງຫ້ອງ ການສຶກສາທິການ ແລະກີລາເມືອງ ຄໍາເຂົ້າຮ່ວມ.

ໂອກາດນີ້ທ່ານ ນາງ ຂັນທອງພົມມະວັນ ໄດ້ໃຫ້ກຽດຂຶ້ນຕັດຫົວ ບົດສອບພ້ອມທັງກ່າວລາຍງານຈຸດປະສົງເປົ້າໝາຍຂອງການຈັດການສອບເສັງເທື່ອນີ້ແມ່ນເພື່ອທົດສອບເບິ່ງຄວາມຮູ້ຂອງນັກຮຽນ ແລະ ປະເມີນການສິດສອນຂອງຄູພາຍຫຼັງທີ່ໄດ້ດໍາເນີນການຮຽນ-ການ ສອນຈົບຕາມຫຼັກສູດໂຄງການ,ຜົນໄດ້ຮັບໜ້ອຍຫຼາຍສໍ່າໃດ, ໄດ້ຕາມ ເປົ້າໝາຍທີ່ກໍານົດໄວ້ ຫຼື ບໍ່ ແລະ ຈະມີວິທີທາງວາງແຜນການເຄື່ອນ ໄຫວໃນຕໍ່ໜ້າຄືແນວໃດພ້ອມນັ້ນຍັງເປັນການຊ່ອມແຊມຄືນໃຫ້ແກ່ນັກຮຽນຜູ້ທີ່ຍັງບໍ່ທັນຈົບສາຍສາມັນເພື່ອເປີດໂອກາດໃຫ້ເຂົາເຈົ້າໄດ້ເຂົ້າເຖິງການສຶກສາຢ່າງເທົ່າທຽມກັບສາຍອື່ນໆ.

ສໍາລັບວິຊາທີ່ນໍາມາສອບເສັງ ຄັ້ງນີ້ມີທັງໝົດ 5 ວິຊາຄື: ວິຊາ ພາສາລາວ-ວັນນະຄະດີ,ຄະນິດ ສາດ,ສຶກສາພົນລະເມືອງ, ວິທະຍາສາດທໍາມະຊາດວິທະຍາສາດສັງຄົມ,ແຕ່ລະວິຊາໃຊ້ເວລາສອບເສັງ 90 ນາທີ, ຍົກເວັ້ນວິຊາພາສາລາວ-ວັນນະຄະດີ ແລະຄະນິດສາດໃຊ້ເວລາສອບ 120 ນາທີ, ໃນນັ້ນມີນັກສອບທັງໝົດ 40 ຄົນ, ຍິງ 25 ຄົນ ພ້ອມທັງວາງຄາດ ໝາຍຜົນການສອບຈະໃຫ້ບັນລຸ 95% ຂຶ້ນໄປ.

ພາບ ແລະຂາ່ວຂາກ: ໜັງສືພິມເສດຖະກິດ-ສັງຄົມ

แชร์