ພູຊ້າງ ຈຸດຊົມທິວທັດທໍາມະຊາດຂອງເມືອງແປກ

   ເມືອງແປກ ແຂວງຊຽງ ຂວາງຖືໄດ້ວ່າເປັນໜຶ່ງໃນຈຸດໝາຍປາຍທາງຂອງການທ່ອງທ່ຽວ,ທັງນີ້ກໍຍ້ອນມີສິ່ງດຶງດູດໃຈຫຼາກຫຼາຍສີສັນ ແລະມີຄວາມເປັນເອກະ ລັກທີ່ສວຍງາມ,ສະຖານທີ່ທ່ອງທ່ຽວແຕ່ລະແຫຼ່ງເຮັດໃຫ້ເປັນຄວາມ ປະທັບໃຈຂອງນັກທ່ອງທ່ຽວ,ດິນ ແດນແຫ່ງນີ້ກາຍເປັນມົນສະເໜພີ ເສແມ່ນທັດສະນິຍະພາບທາງທໍາມະຊາດທີ່ສວຍງາມຂອງສະຖານທີ່ຕ່າງໆທີ່ເຕັມໄປດ້ວຍທິວທັດທໍາມະຊາດສວຍງາມ.

ພູຊ້າງ (ໂຮງແຮມພູຊ້າງ) ເປັນຈຸດຊົມທິວທັດທໍາມະຊາດ ຂອງຕົວເມືອງເທສະບານ ແຂວງ ຊຽງຂວາງຊຶ່ງອ້ອມຮອບໄປດ້ວຍສາຍພູທີ່ມີທົ່ງຫຍ້າອັນກວ້າງໃຫຍ່ ໄພສານພ້ອມດ້ວຍປ່າໄມ້ແປກອັນ ດົກໜາຂຽວງາມປົກຄຸມໄປຕາມ ສາຍພູທີ່ຍາວຢຽດຈົນສຸດສາຍຕາເຮັດໃຫ້ອາກາດເຂດນີ້ຊຸ່ມເຢັນຕະຫຼອດປີເໝາະໃຫ້ແກ່ການມາພັກຜ່ອນຢ່ອນໃຈເພື່ອຜ່ອນຄາຍ ຄວາມເຫງົາໃຫ້ຫາຍຈາກຄວາມເຄັ່ງຕຶງພ້ອມທັງໄດ້ສໍາພັດກັບທໍາມະຊາດທີ່ມີອາກາດປອດໂປ່ງສົດໃສດີ.

ພູຊ້າງເປັນຈຸດຊົມວິວທີ່ໜ້າປະທັບໃຈ ແລະມີຄວາມໂດດເດັ່ນອີກແຫ່ງໜຶ່ງໂດຍສະເພາະແມ່ນໃນລະດູໜາວ ຊຶ່ງເລີ່ມແຕ່ເດືອນຕຸລາ-ເດືອນມີນາຈະເຮັດໃຫ້ທ່ານໄດ້ສໍາພັດກັບຄວາມຊຸ່ມເຢັນຂອງທະເລ ໝອກສີຂາວນວນປົກຄຸມຕົວເມືອງ ແປກນີ້ໄວ້ໄດ້ປະສານກັບແສງອາ ທິດສີເຫຼືອງສອດສ່ອງລົງມາໃນ ຍາມເຊົ້າ ແລະເປັ່ງປະກາຍລົງສູ່ ພື້ນດິນໂດຍຜ່ານປ່າແປກທີ່ມີໝອກຄ້າງຕົກລົງມາເປັນເມັດໆກາຍເປັນພາບທີ່ເຫຼື້ອມລະຍິບລະຍັບສ້າງຄວາມປະທັບໃຈໃຫ້ກັບຜູ້ທີ່ມາທ່ຽວຊົມ.

ພາບ ແລະຂາ່ວຂາກ: ໜັງສືພິມເສດຖະກິດ-ສັງຄົມ

แชร์