ຫວຽດນາມ ຜະລິດຊີມັງເປັນອັນດັບ 3 ຂອງໂລກ

    ຄວາມສາມາດໃນການຜະລິດຊີມັງຂອງ ສສ ຫວຽດນາມ ເປັນ ອັນດັບ 3 ຂອງໂລກ, ສ່ວນ ສປ ຈີນ ເປັນອັນດັບ 1 ຂອງໂລກ.

ຕາມຂ່າວ Cri ລາຍງານວ່າ Global Cement ໄດ້ລະບຸວ່າ: ນັບ ມາຮອດເດືອນທັນວາປີ 2018 ຜ່ານມາ, ຈີນເປັນປະເທດຜະລິດຊີມັງ ໃຫຍ່ທີ່ສຸດໃນໂລກ, ກຳລັງຕິດຕັ້ງບັນລຸເຖິງ 1.484 ລ້ານໂຕນຕໍ່ປີ, ຖັດ ມາແມ່ນປະເທດອິນເດຍບັນລຸ 437 ລ້ານໂຕນ ແລະຫວຽດນາມບັນລຸ 148 ລ້ານໂຕນປະຈຳປີ. ຂໍ້ມູນສະຖິຕິໄດ້ຊີ້ໃຫ້ເຫັນວ່າ: ຫວຽດນາມມີ ໂຮງງານຊີມັງ 74 ແຫ່ງ ຊຶ່ງທີ່ຈິງແລ້ວ, ໂຮງງານດັ່ງກ່າວຍັງບໍ່ໄດ້ດຳ ເນີນການຜະລິດຢ່າງເຕັມສ່ວນແຕ່ຊີມັງກໍມີປະລິມານຫຼາຍ ຊຶ່ງເກີດສະພາບການໆສະໜອງຫຼາຍກວ່າຄວາມຕ້ອງການຂອງຕະຫຼາດໃນຊຸມປີ ຜ່ານມາ.

ປະລິມານການຜະລິດຊີງມັງ ແລະຜູ້ລົງທຶນຂະແໜງການນີ້ຂອງຫວຽດ ນາມເພີ່ມຂຶ້ນຢ່າງວ່ອງໄວ. ປະລິມານການຜະລິດຊີມັງຂອງຫວຽດນາມ ບັນລຸ 78 ລ້ານໂຕນໃນປີ 2017, ສ່ວນໃນປີ 2018 ບັນລຸເຖິງ 83 ລ້ານ ໂຕນ ແລະຄາດວ່າຈະບັນລຸ 90 ລ້ານໂຕນໃນປີ 2019.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์