ຢ່າວາງສິ່ງນີ້ໄວ້ ໃນຫ້ອງນໍ້າເດັດຂາດ

  ຫຼາຍຄົນຊິນເຄີຍກັບການທີ່ໃຊ້ຫ້ອງນໍ້າເປັນບ່ອນເກັບເຄື່່ອງຂອງເຊັ່ນ: ຢາຂ້າເຊື້ອ, ນໍ້າຢາຊັກ  ຟອກ, ນໍ້າຢາລ້າງຫ້ອງນໍ້າວາງໄວ້ໃນຫ້ອງນໍ້າທ່ານຮູ້ ຫຼື ບໍ່ ນໍ້າຢາທຳຄວາມສະອາດທົ່ວໄປມີສ່ວນປະ ສົມຂອງເຄມີທີ່ເປັນທັງກົດ ແລະດ່າງການເອົາສິ່ງຂອງເຫຼົ່ານີ້ມາລວມກັນໃນຫ້ອງນໍ້າຖືເປັນເລື່ອງ ອັນຕະລາຍຫຼາຍເພາະເມື່ອປະສົມປົນເປກັນແລ້ວຈະມີປະຕິກິລິຍາເຄມີເມື່ອເຮົາສູດດົມສານລະເຫີຍເຫຼົ່ານີ້ເຂົ້າໄປອະໄວຍະວະໃນຮ່າງກາຍຈະຖືກທຳລາຍເຮັດໃຫ້ເກີດໂລກພະຍາດ.

ນອກນັ້ນ, ບາງຄົນຍັງມັກເອົາຜ້າເຊັດໂຕ, ຜ້າ ເຊັດໜ້າ, ເສື້ອຜ້າທີ່ນຸ່ງແລ້ວ, ຜ້າອານະໄມ, ທິດຊູ ບາງຄັ້ງກໍຕາກຊຸດຊັ້ນໃນໄວ້ໃນຫ້ອງນໍ້າສິ່ງເຫຼົ່ານີ້ເມື່ອຢູ່ໃນຈຸດທີ່ມີຄວາມຊຸ່ມສູງຈະເກີດເຊື້ອໂລກ ງ່າຍ ຈຶ່ງຄວນວາງໄວ້ສະເພາະສິ່ງຂອງທີ່ຈຳເປັນ ແລະສຳຄັນໃນບ່ອນທີ່ມີອາກາດຖ່າຍເທ.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์