ຜູ້ເຂົ້າຮອບ 20 ຄົນ ປະກວດມິສເຕີອິນເຕີ ເນຊັນແນວລາວ

  ໂຄງການປະກວດມິສເຕີ ອິນເຕີເນຊັນແນວລາວ 2019 ທີ່ ໄດ້ເປີດຮັບສະໝັກມາແຕ່ເດືອນມິຖຸນາ ໃນການຄັດເລືອກເອົາຊາຍໜຸ່ມລາວໜ້າຕາດີ, ມີຄວາມພ້ອມດ້ານຄວາມຮູ້ຄວາມສາມາດທີ່ມີ ເງື່ອນໄຂຄົບຖ້ວນ ເພື່ອມາປະຕິບັດ ໜ້າທີ່ທູດວັດທະນະທໍາຮ່ວມສ້າງ ກິດຈະກຳໃນສັງຄົມ.

ໃນວັນທີ 10 ສິງຫາ 2019 ທີ່ສູນການຄ້າວຽງຈັນເຊັນເຕີໄດ້ ເຜີຍໂສມໜ້າຜູ້ເຂົ້າຮ່ວມ 20 ຄົນ ເພື່ອກຽມເຂົ້າແຂ່ງຂັນຊີງຕຳແໜ່ງຊາຍໜຸ່ມລາວໜ້າຕາດີ, ມີຄວາມ ຮູ້ຄວາມສາມາດ ເພື່ອເປັນຕົວແທນ ໃຫ້ກັບປະເທດເຂົ້າຮ່ວມປະກວດ ມິສເຕີອິນເຕີເນຊັນແນວໃນລະດັບ ເວທີສາກົນໃຫ້ກຽດເຂົ້າຮ່ວມງານ ດັ່ງກ່າວຂອງທ່ານ ນວນທອງ ສຸວັນວິໄຊ ຫົວໜ້າຫ້ອງການສູນກາງຊາວໜຸ່ມປະຊາຊົນປະຕິວັດ ລາວ ທັງເປັນປະທານໂຄງການປະກວດຕ່າງໆ ຂອງຊາວໜຸ່ມ,ທ່ານ ສົມສະໜຸກມີໄຊ ຮອງປະທານສະມາຄົມນັກຂ່າວທັງເປັນທີ່ປຶກສາກອງປະກວດມິສເຕີອິນເຕີເນຊັນແນວລາວ 2019 ມີບັນດາແຂກຖືກເຊີນ, ພາກສ່ວນກ່ຽວ ຂ້ອງ ແລະມວນຊົນເຂົ້າຮ່ວມ.

ທ່ານ ນວນທອງ ສຸວັນວິໄຊໄດ້ກ່າວໃຫ້ຮູ້ວ່າ: ໂຄງການປະ ກວດມິສເຕີອິນເຕີເນຊັນແນວລາວ 2019 ໄດ້ເລີ່ມເປີດຮັບສະໝັກແຕ່ ວັນທີ 8 ມິຖຸນາ ຊຶ່ງເປັນໂຄງການ ໜຶ່ງທີ່ເລືອກເຟັ້ນເອົາຊາຍໜຸ່ມລາວ ໜ້າຕາດີ, ສຸຂະພາບດີ, ມີຄວາມຮູ້ ຄວາມສາມາດທາງດ້ານບຸກຄະລິກ ກິລິຍາມາລະຍາດດີເພື່ອມາປະຕິ ບັດໜ້າທີ່ທູດວັດທະນະທໍາໃນເທິງ ເວທີໃຫ້ເປັນການແລກປ່ຽນວັດທະ ນະທໍາເຊິ່ງກັນ ແລະກັນ, ທັງເປັນ ການສົ່ງເສີມໂຄສະນາການທ່ອງທ່ຽວລາວແລະພັດທະນາວົງການບັນເທີງໃຫ້ກ້າວຂຶ້ນສູ່ເວທີສາກົນ.

ສໍາລັບຜູ້ທີ່ຜ່ານຄັດເລືອກຮອບ 20 ຄົນສຸດທ້າຍແມ່ນຈະໄດ້ເຂົ້າຮ່ວມຝຶກທັກສະແຂ່ງຂັນຄວາມ ສາມາດເພື່ອຍາດຊີງຕຳແໜ່ງມິສເຕີອິນເຕີເນຊັນແນວລາວປະຈຳປີ 2019 ທີ່ຈະຈັດຂຶ້ນວັນທີ 12  ຕຸລາ ຢູ່ໂຮງແຮມຄຣາວພາຊາ  ນະຄອນ ຫຼວງວຽງຈັນ ຄື:MR01 ທ້າວ ອາລິ ສຸລິພອນ ຈາກແຂວງຫຼວງ     ພະບາງ,  MR02 ທ້າວ ວຽງແກ້ວໃຈທີວົງຈາກແຂວງຜົ້ງສາລີ,  MR 03 ທ້າວ ທະນູພົນ  ໄຊຖາວອນ ນະຄອນຫຼວງວຽງຈັນ, MR04 ທ້າວ ເດດອາລຸນ ລັດຕະນາ ນະ ຄອນຫຼວງວຽງຈັນ, MR05  ທ້າວ ຈິດຕະກອນ ພົມພິທັກ ຈາກແຂວງ ວຽງຈັນ, MR06 ທ້າວ ອານັນ ດາ ພະສະຫວັດ ຈາກແຂວງສະ ຫວັນນະເຂດ, MR07 ທ້າວ ວິລະສັນ ທິບພະວົງພັນ ຈາກແຂວງ ວຽງຈັນ, MR08 ທ້າວ ກິ່ງທອງ ໄຊຍະວົງ ຈາກແຂວງບໍ່ແກ້ວ, MR09 ທ້າວ ຖາວອນ ຈັນທະວົງ ນະຄອນຫຼວງວຽງຈັນ, MR10 ທ້າວ ຈອນທະຈັກ ນວນແສງສີ ນະຄອນຫຼວງວຽງຈັນ, MR11 ທ້າວ ວິໄຊ ສິນບັນດິດ ນະຄອນ ຫຼວງວຽງຈັນ, MR12 ທ້າວ ວິໄລສັກ ໄຊຍະວົງສີ ຈາກແຂວງ ຈໍາປາສັກ, MR13 ທ້າວ ແມັກກີ້ສິງຫາລາດ ນະຄອນຫຼວງວຽງ ຈັນ,MR14 ທ້າວ ສົມສຸກສະດີ  ວົງພັນສີ ນະຄອນຫຼວງວຽງຈັນ, MR15 ທ້າວ ສຸກປະເສີດ  ສຸດາ ວົງ  ນະຄອນຫຼວງວຽງຈັນ, MR 16 ທ້າວ ແກ້ວສຸພາ ແກ້ວພິລາ ຈາກແຂວງບໍ່ແກ້ວ, MR17 ທ້າວ ບົວວອນ ບຸດສະດີ ນະຄອນຫຼວງ ວຽງຈັນ, MR18  ທ້າວ ຖິ່ນ ພົມໄມ ຈາກແຂວງຊຽງຂວາງ, MR 19 ທ້າວ ພອນໄຊ ແກ້ວວົງກົດ ຈາກແຂວງຈໍາປາສັກ, MR20 ທ້າວ ຕິ່ງລີ ນະຄອນຫຼວງວຽງຈັນ.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์