ສໍາເລັດຝຶກອົບຮົມຄູຝຶກກີລາເເລ່ນ-ລານ ຢູ່ເມືອງໝອກ

   ພະແນກສຶກສາທິການ ແລະກີລາແຂວງຊຽງຂວາງ ສໍາເລັດການຝຶກອົບຮົມຄູຝຶກກີລາ ແລ່ນ-ລານ ໃຫ້ຄູສອນກຸ່ມເປົ້າໝາຍ ຢູ່ເມືອງໝອກ ໃນວັນທີ 6 ສິງຫາ ຜ່ານມາ ທີ່ສະໂມສອນໃຫຍ່ ຂອງເມືອງ ໂດຍເປັນກຽດເຂົ້າ ຮ່ວມຂອງທ່ານ ສີຈັນ ຈິດຕະປັນຍາ ພະນັກງານກໍ່ສ້າງຮາກຖານ ກະຊວງສຶກສາທິການ ແລະກີລາ, ທ່ານ ທອງຄໍາ ທໍາມະວົງ ຮອງ ຫົວໜ້າຫ້ອງການສຶກສາທິການ ແລະກີລາເມືອງໝອກ, ມີຄູຝຶກ ແລະສໍາມະນາກອນທັງໝົດຈາກ 10 ໂຮງຮຽນເຂົ້າຮ່ວມ.

ຜ່ານການຝຶກອົບຮົມເຮັດໃຫ້ ສໍາມະນາກອນຮັບຮູ້ເຂົ້າໃຈກ່ຽວ ກັບລະບຽບຫຼັກການຂອງປະເພດກີລາແລ່ນ-ລານ ທັງພາກທິດສະດີ ແລະພາກປະຕິບັດຕົວຈິງເຊັ່ນວ່າ: ການແລ່ນ  100  ແມັດ  ຊາຍ, 200 ແມັດ ຍິງ-ຊາຍ, 400  ແມັດ ຍິງ-ຊາຍ, 800 ແມັດ ຊາຍ, 1.500 ແມັດ ຍິງ-ຊາແລະ10.000  ແມັດ ຊາຍ, ການອົບອຸ່ນຮ່າງກາຍ, ການແລ່ນໄລຍະສັ້ນ, ການແລ່ນ ໄລຍະກາງ,ການແລ່ນໄລຍະຍາວ, ການແລ່ນປ່ຽນສົ່ງ, ການແລ່ນຂ້າມ ຮົ້ວ, ການເຕັ້ນສູງ, ເຕັ້ນຍາວການ ເຕັ້ນ 3 ກ້າວ, ການແກວ່ງຈ່ານ, ການຊັດຫຼາວ, ການຊຸກນໍ້າໜັກ, ລວມມີທັງໝົດ 13 ບົດ ແຕ່ລະບົດ ໄດ້ເນັ້ນໃຫ້ຄູສອນປະຈໍາໂຮງຮຽນ ໄດ້ເຮັດຕົວຈິງເປັນສ່ວນໃຫຍ່, ນອກນັ້ນສໍາມະນາກອນຍັງໄດ້ສົນ ທະນາແລກປ່ຽນບົດຮຽນນໍາກັນ ຢ່າງກົງໄປກົງມານໍາຄູຝຶກ ເພື່ອໃຫ້ ເຂົ້າໃຈຕໍ່ບົດຮຽນເວລານໍາໄປຈັດຕັ້ງປະຕິບັດຢູ່ຂັ້ນພື້ນຖານໃຫ້ໄດ້ຮັບ ຜົນດີ, ພ້ອມທັງຍັງໄດ້ທົບທວນຄືນກ່ຽວກັບກະຕິກາບານເຕະທີ່ໄດ້ ຝຶກໄປແລ້ວນັ້ນຕື່ມອີກເພື່ອໃຫ້ມີ ຄວາມເຂົ້າໃຈຢ່າງກະຈ່າງແຈ້ງ.

--------------

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์