ຜາແດງ ໜອງຂຽວ ມົນສະເໜທາງທຳມະຊາດທີ່ສວຍງາມ

ແຂວງຫຼວງພະບາງ ເປັນ ແຂວງໜຶ່ງທີ່ມີແຫຼ່ງທ່ອງທ່ຽວທີ່ ໂດດເດັ່ນສວຍງາມທາງທຳມະຊາດທີ່ໜ້າສົນໃຈຢູ່ຫຼາຍແຫ່ງ,ຜາແດງທີ່ຕັ້ງຢູ່ບ້ານໜອງຂຽວ ເມືອງງອຍ ແຄມແມ່ນໍ້າອູ ຫ່າງ ຈາກຕົວເມືອງຫຼວງພະບາງ ປະມານ 150 ກິໂລແມັດ ໃຊ້ເວລາ ໃນການເດີນທາງປະມານ 3-4 ຊົ່ວໂມງ ແຕ່ກໍ່ຍັງຖືວ່າເປັນຈຸດທ່ອງ ທ່ຽວແຫ່ງໜຶ່ງທີ່ສາມາດດຶງດູດນັກ ທ່ອງທ່ຽວທັງພາຍໃນ ແລະຕ່າງ ປະເທດເຂົ້າມາທ່ຽວຊົມເປັນຈຳ ນວນຫຼວງຫຼາຍ.

ຜາແດງເປັນທີ່ຮູ້ຈັກໃນກຸ່ມນັກທ່ອງທ່ຽວທີ່ຊື່ ໜອງຂຽວ ເມືອງ ງອຍ, ສະຖານທີ່ທ່ອງທ່ຽວທາງ ທຳມະຊາດທີ່ອ້ອມຮອບໄປດ້ວຍ ພູຜາຫີນປູນທີ່ສູງຊັ້ນລຽນກັນເປັນ ແຖວ ຊຶ່ງປົກຄຸ້ມໄປດ້ວຍປ່າໄມ້ອັນ ດົກໜ້າຂຽວງາມຕະຫຼອດປີ. ເຮັດ ໃຫ້ອາກາດເຂດນີ້ປອດໂປ່ງບໍລິສຸດ ດີເປັນສະເໜອັນໜຶ່ງທີ່ສາມາດດຶງ ດູດນັກທ່ອງທ່ຽວທັງພາຍໃນ ແລະຕ່າງປະເທດໄດ້ເປັນຢ່າງດີ,ເມື່ອມາຮອດໜອງຂຽວ ຈະໄດ້ພົບເຫັນຂົວເກົ່າແກ່ຂ້າມແມ່ນໍ້າອູ ທີ່ຖືກສ້າງຂຶ້ນໃນປີ ຄສ 1973 ເປັນຈຸດທີ່ນັກ ທ່ອງທ່ຽວມມັກຈະແວ່ເກັບພາບຈຸດນີ້ເປັນສະຖານທີ່ໜຶ່ງທີ່ບົ່ງບອກວ່າທ່ານມາເຖິງໜອງຂຽວ ເມືອງ ງອຍ ແລ້ວນັ້ນເອງ,ຜາແດງແຫ່ງນີ້ຖືເປັນຈຸດໜຶ່ງທີ່ສາມາດດຶງດູດມັດ ໃຈນັກທ່ອງທ່ຽວທີ່ມັກຄວາມທ້າ ທາຍໄດ້ເປັນຢ່າງດີ. ໃນການຍ່າງຂຶ້ນໄປເທິງຈອມພູ ໃຊ້ເວລາປະ ມານ 2 ຊົ່ວໂມງ ເພື່ອຂຶ້ນໄປສຳພັດ ຄວາມເປັນທຳມະຊາດແບບ 360 ອົງສາ ເປັນຈຸດຊົມວິວທິວທັດທາງ ທຳມະຊາດທີ່ບອກໄດ້ເລີຍວ່າເມື່ອ ທ່ານມາເຖິງຈອມພູແຫ່ງນີ້ທ່ານຈະ ລືມຄວາມອິດເມື່ອຍທີ່ມີມາທັງໝົດເລີຍກໍ່ວ່າໄດ້, ໃນຊ່ວງເດືອນຕຸລາ-ກຸມພາຖ້າມາຊ່ວງນີ້ແມ່ນຈະໄດ້ ສຳພັດກັບທະເລໝອກ ແລະອາກາດທີ່ໜາວເຢັນບໍລິສຸດປອດໂປ່ງ ດີເປັນພິເສດ.

ນອກຈາກຜາແດງນີ້ແລ້ວພາຍ ໃນໜອງຂຽວ ເມືອງງອຍ ຍັງມີ ແຫຼ່ງທ່ອງທ່ຽວ ແລະກິດຈະກຳທ້າ ທາຍອີກຫຼາຍຢ່າງໄວ້ບໍລິການບໍ່ວ່າຈະເປັນໂຫນສະລິງ, ພາຍເຮືອ...ມີ ທີ່ພັກຮ້ານອາຫານລາວ ແລະຕ່າງ ປະເທດໄວ້ບໍລິການຮັບຮອງວ່າ ທ່ານຈະບໍ່ຜິດຫວັງທີ່ໄດ້ມາຢ້ຽມຢາມທ່ຽວຊົມສະຖານທີ່ແຫ່ງນີ້ແນ່ນອນ.

--------------

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์