ອິນເດຍ ສ້າງລະບົບຂົນສົ່ງໄຮເປີລຸບ

  ການຂົນສົ່ງທາງບົກປະຈຸບັນໄວສຸດກໍ່ຄືລົດໄຟຄວາມໄວສູງ ແຕ່ອີກບໍ່ດົນກຳລັງຈະກາຍເປັນ ນ້ອງຂອງໄຮເປີລຸບ (Hyper loop) ຊຶ່ງອິນເດຍເປັນປະເທດທຳ ອິດທີ່ຈະສ້າງລະບົບຂົນສົ່ງຜ່ານ ທໍ່ອາກາດດັ່ງກ່າວ ທີ່ເມືອງມຸມໄບ ໂດຍຈະໃຊ້ງົບປະມານຫຼາຍເຖິງ 10 ລ້ານໂດລາສະຫະລັດ.

ຕາມຂ່າວຕ່າງປະເທດລາຍ ງານວ່າການສ້າງລະບົບຂົນສົ່ງ ໄຮເປີລຸບທີ່ອິນເດຍຄາດວ່າເປັນປະເທດທຳອິດຂອງໂລກເສັ້ນທາງມີໄລຍະໄກ 117,5 ກິໂລແມັດ ຈາກເມືອງມຸມໄບຫາເມືອງປູເນຈະໃຊ້ເວລາພຽງແຕ່ 23 ນາທີ ເທົ່ານັ້ນໃນການເດີນທາງ.ຂະນະ ທີ່ການເດີນທາງດ້ວຍລົດສ່ວນຕົວ ໃນປະຈຸບັນໃຊ້ເວລາປະມານ 3 ຊົ່ວໂມງເຄິ່ງຂຶ້ນໄປ. ໄຮເປີລຸບ (Hyperloop) ເປັນລະບົບຂົນສົ່ງຮູບແບບໃໝ່ປະກອບມີອຸປະ ກອນສໍາຄັນຄືທໍ່ແຮງດັນຕໍ່າແລະ ແຄບຊູນ ຫຼື ຫ້ອງໂດຍສານທີ່ສາມາດແລ່ນໄດ້ທັງຄວາມໄວສູງ ແລະຄວາມໄວຕໍ່າໄປຕາມທໍ່ ໂດຍ ແຄບຊູນໂດຍສານນີ້ຈະເລ່ງຄວາມ ໄວດ້ວຍລະບົບເຫຼັກກ້າໄຟຟ້າ ຊຶ່ງຕິດຕັ້ງໄປຕາມທໍ່ຈາກຕົ້ນທາງ ໄປປາຍທາງ, ຜູ້ໂດຍສານສາມາດຂຶ້ນລົງໄດ້ທີ່ສະຖານີຕົ້ນທາງ ແລະປາຍທາງ ຫຼື ອາດຈະມີສະຖານີລະຫວ່າງທາງກໍໄດ້ໂດຍເຮັດເປັນ ອຸໂມງເດ່ອອກໄປ.

ຕາມຂໍ້ສະເໜີຂອງ ເວີຈິນ ອົງ ການພັດທະນາພາກພື້ນນະຄອນປູ ເນໃຫ້ຮູ້ວ່າ: ໄຮເປີລຸບວັນ-ດີພີ ເວິນນັ້ນ ເປັນໄຮເປີລຸບທີ່ຈະຮອງຮັບຜູ້ໂດຍສານໄດ້ປີລະ 200 ລ້ານຄົນ.ປະຈຸບັນນີ້ມີຜູ້ຄົນເດີນ ທາງລະຫວ່າງເມືອງທັງສອງປະມານປີລະ 75 ລ້ານຄົນ ແລະຄາດ ວ່າຈະສູງຂຶ້ນເຖິງ 130 ລ້ານຄົນ ໃນປີ 2026 ທາງການອິນເດຍ ຄາດວ່າ: ໃນໄລຍະທໍາອິດຂອງ ການກໍ່ສ້າງຈະມີໄລຍະ 11,8 ກິ ໂລແມັດ ໃຊ້ເວລາໃນການກໍ່ສ້າງ ເຄິ່ງປີ ຫຼື ສອງປີດ້ວຍເງິນລົງທຶນ 50 ຕື້ຣູປີອິນເດຍ.

  • ພາບ  ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์