ນໍ້າຖ້ວມອິນເດຍ-ປາກິດສະຖານ-ມຽນມາ ເສຍຊີວິດ 239 ຄົນ

   ເກີດເຫດນໍ້າຖ້ວມຄັ້ງໃຫຍ່ຢູ່ ອິນເດຍ, ປາກິດສະຖານ ແລະມຽນມາ ເຮັດໃຫ້ມີຜູ້ເສຍຊີວິດລວມ 239 ຄົນ ຖ້າຫາກແຍກອອກເປັນແຕ່ລະປະເທດອິນເດຍມີຜູ້ເສຍຊີ ວິດ 170 ຄົນ, ປາກິດສະຖານ 17 ຄົນ ແລະມຽນມາເສຍຊີວິດເພີ່ມ ເປັນ 52 ຄົນ.

ຕາມຂ່າວຕ່າງປະເທດລາຍ ງານວ່າ ເຈົ້າໜ້າທີ່ກູ້ໄພອິນເດຍເລັ່ງຊ່ວຍເຫຼືອຊາວບ້ານທີ່ໄດ້ຮັບ ຄວາມເດືອດຮ້ອນຈາກນໍ້າຖ້ວມ ຮຸນແຮງໃນລັດເກຣລະທາງພາກ ໃຕ້ ແລະລັດກໍທາກະທາງຕາເວັນ ຕົກເຮັດໃຫ້ມີຜູ້ເສຍຊີວິດແລ້ວຢ່າງ ໜ້ອຍ 170 ຄົນ, ຊາວບ້ານຫຼາຍ ກວ່າ 165.000 ຄົນບໍ່ມີທີ່ຢູ່ອາ ໄສ, ບ້ານເຮືອນ, ຖະໜົນຫົນທາງ ຫຼາຍສາຍຖືກນໍ້າຖ້ວມເສຍຫາຍ ໜັກ, ສ່ວນປາກິດສະຖານກໍ່ປະເຊີນ ກັບນໍ້າຖ້ວມຢ່າງໜັກເຊັ່ນກັນ ໂດຍສະເພາະນະຄອນກາຣາຈີ ຝົນຕົກໜັກຫຼາຍກວ່າ 180 ມິລິລິດ ເກີດນໍ້າຖ້ວມກະທັນຫັນມີຜູ້ເສຍ ຊີວິດແລ້ວ 17 ຄົນ. ດ້ານທະຫານມຽນມາຖືກສົ່ງລົງພື້ນທີ່ຊ່ວຍເຫຼືອ ຊາວບ້ານທີ່ໄດ້ຮັບຄວາມເດືອດ ຮ້ອນຈາກນໍ້າຖ້ວມ ແລະດິນ ເຈື່ອນໃນລັດມອນຈາກຝົນຕົກໜັກ ຕໍ່ເນື່ອງຕັ້ງແຕ່ວັນທີ 9 ສິງຫາທີ່ຜ່ານມາຂະນະທີ່ຍອດຜູ້ເສຍຊີວິດ ເພີ່ມເປັນ 52 ຄົນແລ້ວ ແລະມີຜູ້ ສູນຫາຍອີກຫຼາຍສິບຄົນ.

ໜັງສືພິມນິວລາຍອອຟມຽນ ມາຂອງທາງການມຽນມາລາຍ ງານວ່າ ນໍ້າຖ້ວມບ້ານເຮືອນຫຼາຍ ກວ່າ 4.000 ຫຼັງ ໃນລັດມອນ ແລະເຮັດໃຫ້ປະຊາຊົນຫຼາຍກວ່າ 25.000 ຄົນ ຕ້ອງອົບພະຍົບອອກ ຈາກບ້ານເຮືອນໄປອາໄສຢູ່ວັດ.ຮອງປະທານາທິບໍດີ ເຮນຣີ່ ວານ ທຽວ ເດີນທາງໄປຢ້ຽມຢາມຜູ້ລອດຊີວິດຈາກດິນເຈື່ອນໃນເມືອງ ປອງ ແລະສະແດງຄວາມເສຍ ໃຈພ້ອມກັບໃຫ້ສັນຍາວ່າຈະໃຫ້ ຄວາມຊ່ວຍເຫຼືອບັນເທົາທຸກ.

  • ພາບ  ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์