ເມືອງໄຊຍະບູລີ ປະກວດສິລະປະວັນນະຄະດີບັນດາເຜົ່າ

   ຄໍ່າຄືນວັນທີ່ 7 ສິງຫາ 2019  ເມືອງໄຊຍະບູລີ ແຂວງໄຊຍະບູລີ ໄດ້ຈັດງານປະກວດສິລະປະວັນນະຄະດີບັນດາເຜົ່າ,ຂັບລໍາທ້ອງຖິ່ນ,ນັກຮ້ອງສຽງດີຕິດພັນ ກັບງານຕະຫຼາດນັດຂຶ້ນທີ່ເດີ່ນທະນາຄານພົງສະຫວັນ ໂດຍການໃຫ້ກຽດເຂົ້າຮ່ວມຂອງທ່ານ ບຸນແທນ ທີແກ້ວ ເຈົ້າເມືອງໄຊຍະບູລີ, ມີບັນ ດາທ່ານຄະນະປະຈຳພັກເມືອງ,ກຳມະການພັກເມືອງ, ຫົວໜ້າ, ຮອງຫົວໜ້າຫ້ອງການພະນັກງານ ວິຊາການພ້ອມດ້ວຍມວນຊົນຊາວໄຊຍະບູລີ ເຂົ້າຮ່ວມ.

ທ່ານ ບຸນແທນທີແກ້ວ ໄດ້ກ່າວ ເປີດພິທີວ່າ:ຈຸດປະສົງຂອງການ ເປີດງານໃນຄັ້ງນີ້ກໍ່ແມ່ນເພື່ອເປັນ ການສືບຕໍ່ອານຸລັກຮັກສາ ແລະ ເສີມຂະຫຍາຍວັດທະນະທຳ, ຮີດຄອງປະເພນີອັນດີງາມທີ່ເປັນເອ ກະລັກຂອງບັນດາເຜົ່າໃນແຂວງກໍ່ ຄືເມືອງໄຊຍະບູລີ ໄດ້ປູກຈິດສຳນຶກໃຫ້ໄວໜຸ່ມ ແລະຄົນຮຸ່ນຫຼັງເຂົ້າໃຈ ເຖິງສີລະປະວັດທະນະທຳ,ວິຖີຊີວິດວັດທະນະທຳເພື່ອກາຍເປັນຮຸ່ນສືບທອດໃນອະນາຄົດ ແລະເພື່ອເປັນການສ້າງຂະບວນການຂໍ່ານັບ ຮັບຕ້ອນ 5 ວັນປະຫັວດສາດຂອງ ຊາດ ແລະຕ້ອນຮັບກອງປະຊຸມໃຫ່ຍຄັ້ງທີ  IX ຂອງອົງຄະນະພັກເມືອງ ໄຊຍະບູລີ ທີ່ຈະໄຂຂຶ້ນໃນມໍ່ໆນີ້ໃຫ້ເປັນຂະບວນການຟົດຟື້ນ.ສຳລັບການສະແດງສີລະປະວັນນະຄະດີໃນຄັ້ງນີ້ແມ່ນໄດ້ດຳເນີນເປັນເວລາ 3 ວັນ ແຕ່ວັນທີ່ 7 ຫາ 9 ສິງຫາ 2019 ນີ້, ລາຍການທີ່ສະແດງປະກອບມີບົດຟ້ອນ, ຮ້ອງເພງ ແລະ ຄັບລໍາທີ່ມາຈາກບ້ານ, ໂຮງຮຽນ ພາຍໃນເມືອງໄຊຍະບູລີ ແລະສູນພັດທະນາເດັກຂອງແຂວງປະກອບມີ 26 ລາຍການໃນນີ້ບົດຟ້ອນມີ 8 ລາຍການ, ຮ້ອງເພງ 12 ລາຍການ ແລະຄັບລຳມີ 4 ລາຍການ.

ພາບ  ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์