ວິທະຍາໄລລາວ-ອາເມລິກາ ພ້ອມຮັບນັກສຶກສາສົກຮຽນໃໝ່

  ວິທະຍາໄລລາວ-ອາເມລິກາໜຶ່ງວິທະຍາໄລເອກະຊົນທີ່ມີຊື່ສຽງທີ່ທຸ່ມເທທຸກດ້ານເພື່ອຮັບປະກັນທາງດ້ານປະລິມານ ແລະຄຸນນະພາບ ການສຶກສາ ຊຶ່ງສົກຮຽນ 2019-2020 ທາງວິທະຍາໄລມີຄວາມ ພ້ອມຮັບນັກສຶກສາ 100% ໃນຫຼັກ ສູດຊັ້ນສູງສາຂາບໍລິຫານທຸລະກິດ ແລະພາສາອັງກິດຈຳນວນ 300 ກວ່າຄົນ.

ເມື່ອບໍ່ດົນມານີ້ທ່ານ ວົງສະທິດ ສຸວໍລະວົງ ຮອງອຳນວຍການວິທະ ຍາໄລລາວ-ອາເມລິກາ ໃຫ້ສຳ ພາດວ່າ: ວິທະຍາໄລລາວ-ອາເມລິກາ ເລີ່ມສ້າງຕັ້ງປີ 1993 ເລີ່ມ ຈາກສູນພາສາອັງກິດ ແລະມາປີ 1997 ຫັນມາຮ່ວມທຶນລະຫວ່າງ ລາວ-ອາເມລິກາ ແລະເປີດສອນ ຫຼັກສູດປະລິນຍາຕີ ແລະປີ 2004 ເປີດສອນສາຍສາມັນ, ເປີດສອນພາສາອັງກິດ ແລະຄອມພິວເຕີໄລ ຍະສັ້ນສຳລັບຜົນງານຜ່ານມາທາງ ວິທະຍາໄລເປັນວິທະຍາໄລທຳອິດ ທີ່ສົ່ງນັກສຶກສາຮ່ວມແຂ່ງຂັນແບບ ແຜນທຸລະກິດ ແລະນັກສຶກສາສ່ວນ ໃຫຍ່ຈົບອອກໄປແມ່ນສາມາດເຮັດ ວຽກງານທຳ 100%.

ປະຈຸບັນການຮຽນ-ການສອນ ວິທະຍາໄລແມ່ນຮຽນຊັ້ນສູງ 2 ຫຼັກສູດບໍລິຫານທຸລະກິດ, ພາສາອັງກິດ ທົ່ວໄປສຳລັບການກະກຽມເປີດສົກ ຮຽນໃໝ່2019-2020 ທາງວິ ທະຍາໄລແມ່ນມີຄວາມພ້ອມ ໂດຍ ສະເພາະຕຶກອາຄານ, ຫ້ອງຮຽນ ຄູ-ອາຈານ ແລະອື່ນໆ 100% ແລະຮອງຮັບນັກສຶກສາ 350 ຄົນ.

ແນວໃດກໍ່ຕາມປະຈຸບັນວິທະຍາແມ່ນໄດ້ເອົາໃຈໃສ່ຈັດຕັ້ງປະຕິບັດການຮຽນ-ການສອນໃຫ້ມີຄຸນນະພາບສູງຂຶ້ນເພື່ອທຽບເທົ່າສາກົນ ແລະຕາມຍຸກສະໄໝ ໂດຍຫັນປ່ຽນໃຊ້ເຕັກໂນໂລຊີຫຼາຍຂຶ້ນເນັ້ນ ໃສ່ການຮ່ວມມືຂະນະແຜນການຕໍ່ໜ້າທາງວິທະຍາໄລແມ່ນເລັ່ງກະກຽມເອກະສານຫຼັກສູດຕ່າງໆ ເພື່ອນຳໃຊ້ເປີດເປັນສະຖາບັນປະຈຸ ບັນແມ່ນໄດ້ 90%.

ສຸດທ້າຍຮອງອຳນວຍການຝາກເຖິງນ້ອງນັກຮຽນຈົບ ມ7 ຫຼື ນັກສຶກສາສະຖາບັນອື່ນໆຕ້ອງການຮຽນກໍ່ສາມາດເຂົ້າມາຕິດຕໍ່ພົວ ພັນໄດ້ ຊຶ່ງວິທະຍາໄລພ້ອມແລ້ວເປັນສ່ວນໜຶ່ງໃນການສ້າງບຸກຄະລາກອນຈົບໄປໄດ້ມາດຖານຄຸນນະ ພາບຕາມຕະຫຼາດແຮງງານຕ້ອງ ການ.ປະຈຸບັນວິທະຍາໄລມີຄູ-ອາຈານ 55 ທ່ານ ນັກສຶກສາ1ພັນ ກວ່າຄົນ,ສະນັ້ນທ່ານໃດສົນໃຈກໍ່ ສາມາດເຂົ້າມາພົວພັນທາງວິທະຍາ ໄລເພິ່ນຕັ້ງຢູ່ບ້ານໂພນເຄັງ ເມືອງ ໄຊເສດຖານະຄອນຫຼວງວຽງຈັນ ໂທ 02190045.

ພາບ  ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์