ຮູ້ຈັກ “ວາເນດຊາ ເຄີບີ້” ສາວງາມ ຈາກຮູບເງົາ Hobbs & Shaw

ນັກສະແດງຍິງບາງຄົນກວ່າ ຈະໄດ້ສະເໜ່ໃຫ້ຄົນເບິ່ງຕຶງໃຈໄດ້ ກໍຕ້ອງໃຊ້ເວລາຢູ່ໃນວົງການພໍສົມ ຄວນ ຫຼື ອາດຈະຕ້ອງເຂົ້າອາຍຸ 30 ປີ ກ່ອນ ຊຶ່ງວາເນດຊາ ເຄີບີ້ ຄືຕົວຢ່າງ: ໂດຍວາເນດຊາ ເປັນ ສາວອັງກິດເຕີບໂຕມາໃນເມືອງ ວິມເບີລດັນ.

ນາງເຂົ້າວົງການສະແດງມາ ຕັ້ງແຕ່ປີ 2010 ດ້ວຍໄວພຽງແຕ່ 22 ປີ, ມີງານສະແດງຫຼາຍຮັບງານໝົດທັງລະຄອນເວທີ, ຮູບເງົາສັ້ນ, ທີວີຊີຣີ. ເລີ່ມໄດ້ຮັບບົດສົມ ທົບໃນຮູບເງົາຮອນລີວູດໃນປີ  2013 ໃນຮູບເງົາຮັກທີ່ຫຼາຍຄົນປະທັບໃຈ About Time ແຕ່ຍັງບໍ່ມີໃຜຈື່ ນາງໄດ້. ປີ 2015 ໄດ້ຮ່ວມສະ ແດງໃນຮູບເງົາຟອມໃຫຍ່ຂຶ້ນ Jupiter Ascending ແຕ່ຮູບເງົາບໍ່ ປະສົບຜົນສຳເລັດຢ່າງໜັກແຖມ ຖືກນັກວິຈານຈັດໜັກອີກ. ປີຖັດມາ 2016 ໃນ Me Before You ໜັງຮັກສຸດຊຶ້ງທີ່ຊື່ ເອມິເລຍຄລາກແມ່ມັງກອນຮອບນີ້ນາງໄດ້ຮັບບົດເດັ່ນຂຶ້ນເປັນ “ອະລິເຊຍ” ອະດີດຄົນຮັກຂອງ “ວິນ” ພະເອກຂອງ ເລື່ອງ. ພໍພະເອກເປັນອຳມະພາດ ກໍເລີຍລາຈາກກັນໄປເຊັ່ນເຄີຍບໍ່ ມີໃຜຈື່ນາງໄດ້.

ໂອກາດມາຮອດນາງແທ້ໆໃນ ປີ 2018 ເມື່ອເຂົ້າອາຍຸ 30 ປີບໍ ລິບູນ ມີການປັບປ່ຽນພາບລັກທີ່ ເບິ່ງມີສະເໜ່ຂຶ້ນ.  ແລ້ວໃນປີນີ້ນາງ ໄດ້ຮັບບົດນາງເອກແລ້ວ  ແລະເປັນຮູບເງົາຟອມໃຫຍ່ອີກດ້ວຍ: Miss ion: Impossible–Fallout ບົດ “ແມ້ໝ້າຍຂາວ” ທີ່ນາງໄດ້ ຄູ່ກັບ ທອມ ຄຣູສ ພະເອກເບີ້ຕົ້ນ ຂອງຮອນລີວູດ. ທັງບົດທີ່ເດັ່ນ ແລະເທື່ອນີ້ນາງສາຍສະເໜ່ໄດ້ຢ່າງຮຸນແຮງມຸມກ້ອງກໍຕັ້ງໃຈຊ່ວຍສົ່ງນາງຢ່າງຈິງຈັງ.ທັງປາກທັງ ຂົນຕາທີ່ຍາວງອນປະທັບໃຈຄົນເບິ່ງເພດຊາຍໄປທົ່ວໂລກ. ເມື່ອ ທັງຊື່ ແລະໃບໜ້ານາງກາຍເປັນ ທີ່ຈື່ຈຳຫົນທາງສົດໃສໃນຮອນລີ ວູ້ດກໍທອດຍາວຢ່າງເດັ່ນແຈ້ງ ແລະໃນປີນີ້ກໍມາເຖິງກ້າວທີ 2 ຂອງ ນາງກັບຮູບເງົາຟອມຍັກອີກຄັ້ງ: Hobbs & Shaw ບົດ “ແຮັດຕີ” ຂອງນາງຕ້ອງຢູ່ສູນກາງລະຫວ່າງ 2 ຕົວລະຄອນຫຼັກຮັອບ ແລະຊໍຕອກຢໍ້າເສັ້ນທາງສູ່ນາງເອກແຖວ ໜ້າຂອງຮອນລີວູດຢ່າງເດັ່ນແຈ້ງ. ພົ້ນຈາກ Hobbs & Shaw ວາເນດຊາ ມີຮູບເງົາທີ່ສຳເລັດແລ້ວ ແລະຢູ່ໃນຂັ້ນຕອນດຳເນີນງານສ້າງອີກ 3 ເລື່ອງ. ຈາກນີ້ໄປຄໍຮູບ ເງົາຈະໄດ້ເຫັນໜ້ານາງເລື້ອຍໆຂຶ້ນ ແລ້ວ.

  ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์