ເຄິ່ງປີ ນວ ປະກາດບ້ານວັດທະນະທຳ ໄດ້ 58,33%

  ກອງປະຊຸມສະຫຼຸບວຽກ ງານຮອບດ້ານໃນຂົງເຂດຖະແຫຼງ ຂ່າວ ວັດທະນະທຳ ແລະທ່ອງທ່ຽວ ຂອງພະແນກຖະແຫຼງຂ່າວວັດທະນະທຳ ແລະທ່ອງທ່ຽວນະຄອນ ຫຼວງວຽງຈັນ (ຖວທ ນວ) ໄດ້ຈັດຂຶ້ນວັນທີ 5 ສິງຫາ 2019 ຢູ່ພະແນກດັ່ງກ່າວ ໂດຍເປັນປະ ທານຂອງທ່ານ ຄຳປະດິດ ເຂັມ ມານິດ ຫົວໜ້າພະແນກ ຖວທ ນວ, ມີຮອງຫົວໜ້າພະແນກ, ຫ້ອງການ ແລະຂະແໜງການກ່ຽວຂ້ອງເຂົ້າ ຮ່ວມ.

ທ່ານ ນາງ ສີພາພອນ ລັດສະ ໝີ ຫົວໜ້າຫ້ອງການພະແນກ ຖວທ ນວ ໃຫ້ຮູ້ວ່າ: 6 ເດືອນ ຜ່ານມາ ພະແນກ ຖວທ ນວ ໄດ້ສຸມໃສ່ປະຕິບັດໜ້າວຽກຕ່າງໆຢ່າງຕັ້ງໜ້າ ເປັນຕົ້ນການກະກຽມດຳເນີນການອອກອາກາດຂອງສະຖານີໂທລະພາບ ນວ, ປັບປຸງຄຸ້ມຄອງສະຖາ ນີວິທະຍຸ ແລະໜັງສືພິມວຽງຈັນໃໝ່  ແລະວຽງຈັນ ທຸລະກິດສັງຄົມ, ອະນຸຮັກປະຕິສັງຂອນບູຮານສະຖານ, ຄຸ້ມຄອງການເຄື່ອນໄຫວ ທຸລະກິດບໍລິການດ້ານວັດທະນະທຳແລະທ່ອງທ່ຽວ,ປັບປຸງກົງຈັກ ແລະ ກົນໄກການເຄື່ອນໄຫວບໍລິການທ່ອງທ່ຽວພາກລັດ ແລະພາກທຸລະ ກິດ, ຈັດກິດຈະກຳເປີດແຫຼ່ງທ່ອງ ທ່ຽວຂະຫຍາຍຕາໜ່າງໂທລະໂຄ່ງ,     ຍົກສູງລະດັບວຽກງານສື່ໃຫ້ມີ ຄວາມວ່ອງໄວ.ນອກນີ້ຍັງໄດ້ເອົາໃຈ ໃສ່ສ້າງຄອບຄົວວັດທະນະທຳໄດ້ 33%, ປະກາດບ້ານວັດທະນະທຳ 58,33%, ດຶງດູດນັກທ່ອງທ່ຽວ ເຂົ້າມາທ່ຽວຊົມນະຄອນຫຼວງວຽງ ຈັນ 784.443 ເທື່ອຄົນທຽບໃສ່ ແຜນການທີ່ວາງໄວ້ (2 ລ້ານຄົນ) ປະຕິບັດໄດ້ 39,22%.

ສ່ວນແຜນການ 6 ເດືອນທ້າຍປີພະແນກ ຖວທ ນວ ຈະສຸມໃສ່ ສ້າງບ້ານ ແລະຄອບຄົວວັດທະນະທຳໃຫ້ບັນລຸຕາມແຜນ, ສືບຕໍ່ຈັດຕັ້ງປະຕິບັດມະຕິກອງປະຊຸມໃຫຍ່ຂອງອົງຄະນະພັກ ນວ ແລະກະຊວງ ຖວທ ເພີ່ມທະວີການນຳພາທຸກຂະແໜງການຍົກສູງຄວາມຮັບຜິດຊອບ ແລະປະສານສົມທົບກັບຂະ  ແໜງການກ່ຽວຂ້ອງເພື່ອເຮັດໃຫ້ ວຽກງານມີປະສິດທິຜົນ, ເອົາໃຈໃສ່ກວດກາສະຖານທີ່ບັນເທີງ ຢ່າງເປັນປົກກະຕິ, ສືບຕໍ່ປະຕິບັດ ໂຄງການບໍລິການແຫຼ່ງທ່ອງທ່ຽວ 15 ໂຄງການທີ່ຮຽກການລົງທຶນ ຕິດຕາມກວດການຳເຂົ້າສິລະປິນຈາກຕ່າງປະເທດທີ່ມາເຄື່ອນໄຫວຕາມຮ້ານບັນເທີງໃຫ້ເຂົ້າສູ່ລະບຽບ ແລະຂະແໜງການອື່ນໆ ໃຫ້ຖືກ ຕ້ອງຕາມລະບຽບກົດໝາຍ.

 ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์