ມວຍຊິງສາຍແອວຫົວໜ້າພະແນກສຶກສາທິ ການ ແລະກີລາ ນວ ຈັດ ເສົານີ້

  ການແຂ່ງຂັນມວຍຮອບຮຸ່ນນໍ້າໜັກ 55 ກິໂລກຣາມ ຊິງ ແຊ້ມສາຍແອວທ່ານຫົວໜ້າພະແນກສຶກສາທິການ ແລະກີລາ ນະຄອນຫຼວງວຽງຈັນ (ນວ) ເປັນ ການພົບກັນລະຫວ່າງຂຸນເຫຼັກສະໂມສອນມວຍ ຄຳເສັງ ພົບກັບ ກັບຕັນ ຂວັນໃຈສີໂຄດຈະຈັດຂຶ້ນ ໃນຕອນແລງວັນທີ 10 ສິງຫານີ້ ທີ່ສະໂມສອນກີລາໃນຮົ່ມພະແນກ ສຶກສາທິການ  ແລະກີລາ ນວ ບ້ານ ບຶງຂະຫຍອງ ເມືອງສີສັດຕະນາກ ນະຄອນຫຼວງວຽງຈັນ.

ພາຍຫຼັງທີ່ໄດ້ເປີດການແຂ່ງຂັນລາຍການດັ່ງກ່າວມາແຕ່ຕົ້ນ ເດືອນມິຖຸນາ ຜ່ານມາ ໂດຍມີນັກ ສົກສີມືດີ 8 ຄົນ ຈາກ 6 ຄ້າຍມວຍອ້ອມຂ້າງນະຄອນຫຼວງວຽງ ຈັນ  ສົ່ງເຂົ້າຮ່ວມແຂ່ງຂັນຈັດແບ່ງ ອອກເປັນ 2 ກຸ່ມ ແຕ່ລະກຸ່ມແຂ່ງ ຂັນພົບກັນໝົດຄັດເອົາຜູ້ທີ່ສາມາດ ຊະນະຄະແນນໄດ້ຫຼາຍທີ່ສຸດຜ່ານ ເຂົ້າຮອບຕໍ່ໄປ ແລະການກັບມາ ແຂ່ງຂັນກັນໃນຮອບຄັ້ງນີ້ກໍເປັນການຮ່ວມມືກັນລະຫວ່າງສະຫະພັນມວຍລາວ ນະຄອນຫຼວງວຽງ ຈັນ ຮ່ວມກັບບໍລິສັດ ກໍກຽດບ໋ອກ ຊີງກຣຸບ ຈາກປະເທດໄທ ໂດຍຈະມີການຖ່າຍທອດສົດຜ່ານທາງໂທ ລະພາບລາວສະຕຣາອີກດ້ວຍສຳລັບການແຂ່ງຂັນມວຍຮອບຄູ່ຊິງ ຊະນະເລີດເປັນການພົບກັນລະຫວ່າງຂຸນເຫຼັກ ສະໂມສອນມວຍ  ຄຳເສັງ ພົບກັບ ກັບຕັນ ຂວັນໃຈ ສີໂຄດ ຄູ່ດັ່ງກ່າວຈະຂຶ້ນເວທີແຂ່ງ ຂັນເປັນຄູ່ທີ 2 ຫຼັງຈາກ ຄູ່ຊິງທີ 3 ລະຫວ່າງແມັກນ້ອຍ  ສໍຈະເລີນສິງ ພົບກັບ ເກົ້າແສນ ຂວັນໃຈສີໂຄດ ໃນຮຸ່ນນໍ້າໜັກດັ່ງກ່າວແຂ່ງຂັນແລ້ວ.

ນອກຈາກການແຂ່ງຂັນມວຍ ຮອບຮຸ່ນນໍ້າໜັກ 55 ກິໂລກຣາມ ຊິງແຊ້ມສາຍແອວທ່ານຫົວໜ້າພະແນກສຶກສາທິການ ແລະກີລາ ນວ ກໍຍັງມີການແຂ່ງຂັນມວຍຄູ່ເອກ ແລະມວຍໃນລາຍການອີກ 4 ຄູ່, ໃນນັ້ນມີ 2 ນັກຊົກຈາກຄ້າຍມວຍສໍທະວີຊັບຈາກແຂວງຂອນແກ່ນ ປະເທດໄທ ເຂົ້າຮ່ວມຄູ່ທຳອິດເປັນມວຍຄູ່ເອກ ຮຸ່ນນໍ້າໜັກ 63 ກິໂລກຣາມ ຄູ່ທີ 3 ເປັນການພົບກັນລະ ຫວ່າງຂຸນພົນ ສະໂມສອນ ຄຳເສັງ ຕ້ອນຮັບການມາຢາມຂອງມົງຄຸນ ເພັດ ສໍທະວີຊັບ ນັກຊົກທີ່ມີປະ ສົບການເຄີຍຜ່ານສັງວຽນມວຍ ອາຊີບ.ຫຼັງຈາກນັ້ນ, ກໍແມ່ນຄູ່ທີ 4 ບິກແບັງ ສິດຈານເລ້ ບ້ານບໍ່ ເຫຼັກ ພົບກັບ ຮ້ອຍເອັດ ຄູເອັດ ຮຸ່ນນໍ້າໜັກ 45 ກິໂລກຣາມ, ຄູ່ ທີ 5 ຍອດຫຼ່ຽມ ເພັດນະຄອນ ພົບກັບ ຂຸນສິດນ້ອຍ ສໍທະວີຊັບ ຮຸ່ນນໍ້າໜັກ 46 ກິໂລກຣາມ ແລະ ຄູ່ທີ 5 ເໜືອ ພະຍຸ ຂວັນໃຈສີໂຄດ ພົບກັບ ເໜືອທໍລະນີ ສິດຈານຊົ່ງ ຮຸ່ນນໍ້າໜັກ 70 ກິໂລກຣາມ. ການຮ່ວມຂອງທັງສອງພາກ ສ່ວນດັ່ງກ່າວມີເປົ້າໝາຍຫຼັກກໍເພື່ອເປັນການສົ່ງເສີມນັກຊົກຮຸ່ນສືບ ທອດຈາກບັນດາຄ້າຍມວຍຕ່າງໆ ອ້ອມຂ້າງ 9 ຕົວເມືອງ ທົ່ວນະ ຄອນຫຼວງວຽງຈັນ ໄດ້ມີເວທີແຂ່ງ ຂັນເພື່ອພັດທະນາຕົນເອງກ້າວຂຶ້ນມາເປັນນັກຊົກມືອາຊີບ ແລະສາມາດຕາງໜ້າທັບນັກກີລານະຄອຫຼວງວຽງຈັນ ເຂົ້າຮ່ວມງານມະ ຫາກຳກີລາແຫ່ງຊາດ ຄັ້ງທີ Xl ຫຼື ຊຽງຂາວາງ ເກມ ຈະຈັດຂຶ້ນ ໃນລະຫວ່າງວັນທີ 22 ມີນາ ຫາ 1 ເມສາ 2020.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์