ຜົນແຂ່ງຂັນກີລາກາຍະກຳທົ່ວກອງທັບຄັ້ງທີ 2

   ຕອນບ່າຍຂອງວັນທີ 13 ມັງກອນ 2019 ນີ້ທີ່ສະໜາມກີລາມະຫາວິທະຍາໄລແຫ່ງຊາດໄດ້ມີການປິດການແຂ່ງຂັນກີລາກາຍະກຳທົ່ວກອງທັບຄັ້ງທີ 2 ໃນໂອກາດສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວຄົບຮອບ 70 ປີ. ໂດຍການເຂົ້າຮ່ວມເປັນປະທານຂອງທ່ານ ພົນໂທ ສຸວອນ ເລືອງບຸນມີ ຮອງລັດຖະມົນຕີກະຊວງປ້ອງກັນປະເທດຫົວໜ້າກົມໃຫຍ່ເສນາທິການກອງທັບປະທານຈັດງານແຂ່ງຂັນກີລາກາຍະກຳທົ່ວກອງທັບຄັ້ງທີ 2 ແລະເຂົ້າຮ່ວມມີທ່ານ ສົມສີ ຍໍພັນໄຊ ອະທິການບໍດີມະຫາວິທະຍາໄລແຫ່ງຊາດ, ມີບັນດາສະຫາຍຄະນະນຳ-ຄະນະບັນຊາ, ຄູຝຶກ, ນັກກີລາ ແລະເຈົ້າໜ້າທີ່ນາຍ ແລະພົນທະຫານເຂົ້າຮ່ວມ.

  ທ່ານ ພົນຕີ ຈັນທອງສອນຕະອາດຮອງຫົວໜ້າກົມໃຫຍ່ເສນາທິການກອງທັບໄດ້ສະຫຼຸບການຈັດຕັ້ງແຂ່ງຂັນກີລາທີ່ດຳເນີນມາເປັນເວລາ 8 ວັນ (ເລີ່ມແຕ່ວັນທີ 5-13/1/ 2019) ຊຶ່ງໄດ້ສຳເລັດລົງຕາມແຜນການວາງອອກເຕັມໄປດ້ວຍບັນຍາກາດເບີກບານມ່ວນຊື່ນ, ສ້າງໄດ້ຄວາມສາມັກຄີ, ແລກປ່ຽນບົດຮຽນເຊິ່ງກັນ ແລະກັນຮັກສາໄດ້ຄວາມສະຫງົບ, ຄວາມເປັນລະບຽບຮຽບຮ້ອຍທຸກປະການ.

  ຜົນຂອງການແຂ່ງຂັນປະເພດຍິງປືນສັ້ນ k-59 (ບຸກຄົນ) ອັນດັບ 1 ໄດ້ແກ່ຮ້ອຍເອກສົມຈິດສຸລິວົງສັກຈາກກົມໃຫຍ່ເສນາທິການກອງທັບ, ອັນດັບ 2 ຮ້ອຍເອກສູນທອນວົງຜາສຸກຈາກກົມ 213, ອັນດັບ 3 ຮ້ອຍເອກຕິກແກ້ວບົວລະພັນຈາກກອງພົນທີ 2, ປະເພດ ປືນ AK ບົດ1 ປະເພດທີມ (ຍິງເປົ້າເປີດ-ປິດ) ອັນດັບ 1 ໄດ້ແກ່ ກົມໃຫຍ່ເສນາທິການກອງທັບ, ອັນດັບ 2 ກອງພົນທີ 1, ປະເພດ 3 ກອງບັນຊາການທະຫານແຂວງເຊກອງ, ປືນ AK ບົດ 2 ປະເພດທີມ (ຍິງເປົ້າຈານເຫຼັກ) ອັນດັບ 1 ກົມໃຫຍ່ເສນາທິການກອງທັບ, ອັນ ດັບ 2 ກອງພົນທີ 1, ອັນດັບ 3 ກອງບັນຊາການທະຫານແຂວງຜົ້ງສາລີ, ປືນ RPK ອັນດັບ 1 ກອງບັນຊາການທະຫານແຂວງບໍ່ແກ້ວ, ອັນດັບ 2 ວິທະຍາຄານກົມມະດຳ, ອັນດັບ 3 ກອງບັນຊາການທະຫານແຂວງບໍລິຄຳໄຊ. ກີລານັກຮົບແຂງແຮງບຸກຄົນ ແລະ ລວມໝູ່ປະເພດບຸກຄົນອັນດັບ 1 ຊັ້ນຄຳປີງມິດວັນທອງກອງພົນທີ 1, ອັນດັບ 2 ສິບຕີສົມພອນອະຄະປາສາກອງພົນທີ 4, ອັນດັບ 3 ສິບເອກລຳເງິນແລບສະຫວັນ, ປະເພດລວມໝູ່ອັນດັບ 1 ກອງພົນທີ 4, ອັນດັບ 2  ກອງພົນທີ 1, ອັນດັບ 3 ກົມໃຫຍ່ເສນາທິການກອງທັບ. ກີລາແລ່ນມ້າງປະກອບອາວຸດປະເພດບຸກຄົນອັນດັບ 1 ສິບຕີດວງຕາດວງມາລາຈາກກອງພົນທີ 1, ອັນດັບ 2 ຮ້ອຍຕີເປີ້ມມະນີຈາກກອງພົນທີ 1, ອັນດັບ 3 ສິບເອກພອນສັກດີວັນນາຈາກກອງບັນຊາການທະຫານແຂວງໄຊຍະບູລີ, ປະເພດລວມໝູ່ອັນດັບ 1 ກອງພົນທີ 1,  ອັນ  ດັບ 2 ກອງບັນຊາການທະຫານ ແຂວງເຊກອງ, ອັນດັບ 3 ກອງບັນ ຊາການທະຫານແຂວງໄຊຍະບູລີ. ສຳລັບກີລາເປຕັງທີມປະສົມ (2    ຊາຍ-1 ຍິງ) ອັນດັບ 1 ວິທະຍາ ຄານການແພດກອງທັບ, ອັນດັບ 2 ກົມໃຫຍ່ພະລາທິການກອງທັບ, ອັນດັບ 3 ກອງບັນຊາການທະຫານ   ແຂວງອຸດົມໄຊ, ອັນດັບ 4 ກອງບັນຊາການທະຫານແຂວງສະຫວັນນະເຂດ. ສ່ວນກະຕໍ້ທີມດ່ຽວຊາຍອັນດັບ 1 ກົມໃຫຍ່ເຕັກນິກກອງ ທັບ, ອັນດັບ 2 ກົມໃຫຍ່ເສນາທິການກອງທັບ, ອັນດັບ 3 ກອງ ບັນຊາການທະຫານແຂວງສະຫວັນນະເຂດ, ອັນດັບ 4 ກອງບັນຊາການທະຫານແຂວງບໍ່ແກ້ວ. ບານສົ່ງຍິງ (ໃນຮົ່ມ) ອັນດັບ 1 ໄດ້ແກ່ກອງພັນໃຫຍ່ 11, ອັນດັບ 2 ກົມວສ-ປສການທະຫານ, ອັນດັບ 3 ວປກ, ອັນດັບ 4 ກອງບັນຊາການທະຫານແຂວງໄຊຍະບູລີ. ບານສົ່ງຊາຍ (ໃນຮົ່ມ) ອັນດັບ 1 ກົມໃຫຍ່ເສນາທິການກອງທັບ, ອັນດັບ 2 ຫ້ອງວ່າການກະຊວງປ້ອງກັນປະເທດ, ອັນດັບ 3 ເຫຼົ່າຮົບລົດຕັງຍານເກາະ, ອັນດັບ 4 ກອງບັນຊາການທະຫານແຂວງໄຊຍະບູລີ. ເຕະບານຊາຍອັນດັບ 1 ກອງບັນຊາການທະຫານແຂວງຈຳປາສັກ, ອັນດັບ 2 ກອງພັນ ໃຫຍ່ 279, ອັນດັບ 3 ວິທະຍາຄານົມມະດຳ, ອັນດັບ 4 ກອງພົນທີ 1 ບັນດານັກກີລາ ແລະທີມກີລາທີ່ໄດ້ ທີ 1, ທີ 2 ແລະທີ 3 ແມ່ນໄດ້ຮັບຫຼຽນຄຳ, ຫຼຽນເງິນ ແລະຫຼຽນ ທອງຕາມລຳດັບພ້ອມດ້ວຍເງິນສົດຈຳນວນໜຶ່ງ.

  ໃນໂອກາດດັ່ງກ່າວທ່ານ ພົນໂທສຸວອນ ເລືອງບຸນມີ ໄດ້ມີຄຳເຫັນຕໍ່ພິທີວ່າບັນດາຄະນະພັກ-ຄະນະບັນຊາກົມກອງຕ້ອງສຶກສາອົບຮົມການເມືອງ, ນຳພາແນວຄິດໃຫ້ພະນັກງານ-ນັກຮົບທຸກກົມກອງຈົ່ງເຊື່ອມຊຶມກຳແໜ້ນແນວທາງນະໂຍບາຍພັກ-ລັດ ແລະມະຕິຄຳສັ່ງຂອງກະ ຊວງປ້ອງກັນປະເທດ, ເອົາໃຈໃສ່ວຽກງານອົບຮົມ-ຫັດແອບການທະຫານການເມືອງ, ວິຊາສະເພາະໂດຍສະເພາະແມ່ນຝຶກແອບກີລາການທະຫານ, ກີລາມວນຊົນໃຫ້ນັບມື້ມີເຕັກນິກການຫຼິ້ນນັບມື້ດີຂຶ້ນ.

แชร์