ຮອບຕັດສິນ ມິສຢູນິເວີຣສລາວ ຈະຈັດຂຶ້ນທ້າຍເດືອນນີ້

    ໂຄງການປະກວດ ມິສຢູນິເວີຣສລາວ 2019 ໄດ້ກໍາ ນົດການປະກວດຮອບຕັດສິນໃນ ຄໍ່າຄືນຂອງວັນທີ 24 ສິງຫານີ້ທີ່ໂຮງແຮມແລນມາກນະຄອນ ຫຼວງວຽງຈັນ, ຊຶ່ງໃນວັນທີ 3 ສິງຫາຜ່ານມາ ໄດ້ເປີດຕົວ 30 ສາວງາມຜູ້ເຂົ້າປະກວດຢ່າງເປັນທາງການໂດຍມີທ່ານ ບຸນຕາ ເທບພະ ວົງ ຄະນະບໍລິຫານງານສູນກາງຊາວໝຸ່ມປະຊາຊົນປະຕິວັດລາວ ທັງເປັນປະທານຊີ້ນໍາທຸກໂຄງການ ປະກວດນາງງາມລາວ, ທ່ານ ນວນທອງ ສຸວັນມີໄຊ ຄະນະພັກ ຫົວໜ້າຫ້ອງການສູນກາງຊ່າວ ໜຸ່ມປະຊາຊົນປະຕິວັດລາວ, ມີ ຕາງໜ້າຈາກສູນກາງສະຫະພັນ ແມ່ຍິງລາວ, ຕາງໜ້າຈາກກະຊວງ ຖະແຫຼງຂ່າວວັດທະນະທໍາ ແລະ ທ່ອງທ່ຽວ, ພ້ອມດ້ວຍແຂກຖືກເຊີນ ແລະພາກສ່ວນກ່ຽວຂ້ອງ ເຂົ້າຮ່ວມ.

ທ່ານ ຈັນທະເສນ ພິມມະສອນ ປະທານຈັດງານ Miss Universe Laos 2019, ທັງເປັນປະທານ ບໍລິສັດພັດທະນາເສດຖະກິດລາວ ລ້າງຊ້າງຈໍາກັດ ກ່າວວ່າ: ໂຄງ ການປະກວດມິສຢູນິເວີຣສລາວ ຖືເປັນເວທີສົ່ງເສີມ ແລະຕໍ່ຍອດວັດ ທະນະທໍາອັນດີງາມຂອງລາວເພື່ອຄົ້ນຫາສາວງາມທີ່ມີຄວາມພ້ອມ ທາງດ້ານຄວາມຮູ້ຄວາມສາມາດ ຮູບຮ່າງໜ້າຕາ, ກິລິຍາບຸກຄະລິກ ກະພາບເພື່ອມາປະຕິບັດໜ້າທີ່ທູດວັດທະນະທໍາການທ່ອງທ່ຽວຂອງ ລາວ ໃຫ້ດັງໄກໄປທົ່ວໂລກ.

ການເປີດຮັບສະໝັກມິສຢູນິເວີຣສລາວ 2019 ແມ່ນຕັ້ງແຕ່ ເດືອນມິຖຸນາທີ່ຜ່ານມາ ແລະມີ ການຄັດເລືອກເຂົ້າຮອບ 30 ຄົນສຸດທ້າຍໃນລະຫວ່າງວັນ 29-30 ກໍລະກົດ ໃນນັ້ນມີນາງອາລິດນ້ອຍແກ້ວມະນີພັນ, ນາງ ຈັນທາ  ອິນທະ ວົງ, ຄອນສະຫວັນ ແພງທອງ, ສຸພາພອນ ເທບສັກເມືອງ, ໂນມະລິສາ ສີພອນໄຊ, ສຸກດາວັນ ສິລີວາດ, ດາລິກາ ຈໍານົງ, ທິບສະ ຫວັນ ມະນີດອນ, ປາວິນາ ສຸພັນທະວົງ, ວຽງສະຫວັນ ປະດິດວຽງ,ຈັນທິດາ ພົມດວງດີ, ຄອນສະ ຫວັນ ອາໄພ, ຟຸດຕີ້ ສິນທະວົງ, ປາວິນາ ຍົງວົງສິດທິ, ພອນມະນີ ຝົນພະຈັນ, ເມກຂະຫຼາ ຈະເລີນໄຊ, ທິບອັກສອນ ວົງວິຈິດ, ທິບເກສອນ ໄຝ່ເມດຕາ, ພູມະນີທິບ ສຸຍາວົງ, ສຸນິສາ ວິໄລຄໍາ, ວິໄລວັນ ແສງ ອາລຸນ, ດານຕາ ວິໄລວົງ, ອາລິ ຍາ ອິນທະວົງ, ປາລິຕາ ສີສົງ ຄາມ,ສິມມະນີ ວົງພະຈັນ, ລັດຕະນະ ໝັ້ນວິໄລ, ໄຜ່ທິດາ ໂພທິສານ, ແພງ ຫອມບຸນທີ, ວິຈິດຕາ ພອນ ວິໄລ ແລະນາງ ສຸກສະຫວັນ ສີສົມບັດ; ໂດຍທັງ 30 ຄົນທີ່ໄດ້ ຖືກຄັດເລືອກຈະໄດ້ຮຽນຮູ້ເພີ່ມ ເຕີມເພື່ອເພີ່ມທັກສະໃຫ້ຄົບ ແລະ ຮອບດ້ານທີ່ສາວງາມຍຸກນີ້ຕ້ອງມີ ລວມທັງການເຂົ້າຮ່ວມກິດຈະກໍາ ເກັບຕົວກັບກອງປະກວດຈົນຮອວັນທີ 17 ສິງຫາ ກ່ອນທີ່ຈະປະກວດຮອບຕັດສິນໃນຄໍ່າຄືນຂອງວັນທີ 24 ສິງຫາ 2019 ທີ່ໂຮງ ແຮມແລນມາກນະຄອນຫຼວງວຽງ ຈັນ.

ບັນດາທ່ານສາມາດຕິດຕາມກິດຈະກໍາຕ່າງໆ ຂອງໂຄງການປະກວດມິສຢູ  ນິເວີຣສລາວ  2019 ໄດ້ທີ່ເຟສບຸກ Miss UniverseLaos ມິສຢູນິເວີຣສລາວເພື່ອໃຫ້ກໍາລັງໃຈນ້ອງທັງ 30 ສາວງາມທີ່ໄດ້ຮັບໂອກາດຂຶ້ນສະແດງຄວາມສາມາດເພື່ອຊິງມຸງກຸດແຫ່ງກຽດຕິຍົດໃນປີນີ້.

--------------

  ພາບ  ແລະຂາ່ວຈາກ:  ໜັງສືິພິມເສດຖະກິດ-ສັງຄົມ

แชร์