ຖໍ້ານໍ້າລອດເຊບັ້ງໄຟ ສະຖານທີ່ທ່ອງທ່ຽວ ທາງທໍາມະຊາດທີ່ສວຍສົດງົດງາມ

  ແຂວງຄໍາມ່ວນ ເປັນໜຶ່ງ ໃນບັນດາແຂວງພາກກາງລາວ ທີ່ອຸດົມສົມບູນໄປດ້ວຍຊັບໃນດິນ ສິນໃນນໍ້າ, ມີທໍາມະຊາດ ແລະພູຜາປ່າໄມ້ທີ່ກວ້າງໃຫຍ່ພ້ອມທັງມີສະຖານທີ່ທ່ອງທ່ຽວທາງດ້ານປະຫວັດສາດ ແລະທໍາມະຊາດອັນໂດດເດັ່ນຢູ່ຫຼາຍແຫ່ງໃນນັ້ນເດັ່ນກວ່າໝູ່ໄດ້ແກ່ທີວທັດຖໍ້າຄູນ ຫຼື ຖໍ້ານໍ້າລອດເຊບັ້ງໄຟ.

ຖໍ້າຄູນ ຫຼື ຖໍ້ານໍ້າລອດເຊບັ້ງໄຟ ເປັນສະຖານທີ່ທ່ອງທ່ຽວທາງດ້ານທໍາມະຊາດທີ່ມີຄວາມສວຍສົດງົດງາມ ແລະໂດດເດັ່ນອີກແຫ່ງໜຶ່ງ ຊຶ່ງອ້ອມຮອບໄປດ້ວຍທໍາມະຊາດ ປ່າໄມ້ອັນດົກໜາຂຽວງາມອຸ່ມທຸ່ມປົກຄຸມຫຸ້ມຫໍ່ໄປທົ່ວບໍລິເວນຖໍ້າແຫ່ງ ນີ້ ຈຶ່ງເຮັດໃຫ້ອາກາດມີຄວາມຊຸ່ມ ຊື່ນດີ ໂດຍມີສາຍລົມເຢັນພັດຜ່ານ ມາຕະຫຼອດເວລາພາໃຫ້ຈິດໃຈສົດ ຊື່ນແຈ່ມໃສໄປດ້ວຍບັນຍາກາດຂອງສິ່ງແວດລ້ອມ ແລະທໍາມະ ຊາດແຫ່ງນີ້ຕະຫຼອດເວລາເໝາະແກ່ການທີ່ມາທ່ຽວຊົມ ແລະພັກຜ່ອນຢ່ອນໃຈ ຫຼື ກິນເຂົ້າປ່າສາມັກຄີກັນໃນໂອກາດພັກວຽກພັກງານ.

 ຖໍ້ານໍ້າລອດເຊບັ້ງໄຟເປັນຖໍ້າທີ່ມີຄວາມຍາວເລິກເຂົ້າໄປເຖິງ 9,5 ກິໂລແມັດ,ທາງດ້ານໃນຂອງ ຖໍ້າທ່ານສາມາດຂີ່ເຮືອລອດຖໍ້າເພື່ອຊົມຄວາມງົດງາມຂອງຖໍ້າທີ່ມີສາຍ ນໍ້າໄຫຼລອດຖໍ້າໄສເຢັນດີ ຊຶ່ງມີບາງບ່ອນທ່ານສາມາດຂຶ້ນໄປຍ່າງເລາະລຽບໄປຕາມຜາພະໜັງຖໍ້າເພື່ອຊົມປູຫີນຜານັບແຕ່ພື້ນຂຶ້ນໄປຮອດເທິງຈະເຫັນເປັນຮູບແບບຕ່າງໆນາໆບາງບ່ອນທ່ານກໍຈະສັງ ເກດເຫັນຄ້າຍຄືຮູບຄົນ, ໂຕສັດ ແລະຄ້າຍຄືກັບພຸ່ມໄມ້-ເຫົ້ງາໄມ້ທີ່ ກາຍເປັນຫີນ.

ຖໍ້າແຫ່ງນີ້ຕັ້ງຢູ່ເຂດບ້ານໜອງ ປີງ ເມືອງບົວລະພາ ແຂວງຄໍາ ມ່ວນ ຊຶ່ງຫ່າງຈາກຕົວເມືອງໄປທາງທິດຕາເວັນອອກສຽງເໜືອປະມານ 15 ກິໂລແມັດ ໂດຍໄປຕາມເສັ້ນທາງເລກທີ 12 ມຸ້ງໜ້າສູ່ເມືອງມະຫາໄຊ ແລ້ວລ້ຽວຂວາກໍຈະຮອດຖໍ້າ.

--------------

  ພາບ ແລະຂາ່ວຈາກ: ໜັງສືິພິມເສດຖະກິດ-ສັງຄົມ

• 07/08/2019