ທາເລີຍ ອອນວິໂນ ຄ້ວາມົງກຸດ ມິສເວເນຊູເອລາ 2019

  ການປະກວດນາງງາມມິສເວເນຊູເອລາ 2019 ຮອບສຸດ ທ້າຍທີ່ນະຄອນຫຼວງກາຣາກັສໃນ ທ້າຍອາທິດທີ່ຜ່ານມາ ປາກົດວ່າ ນາງສາວ ທາເລີຍ ອອນວິໂນ ນັກ ສຶກສາສາຂາການຕະຫຼາດອາຍຸ  19 ປີ ຄວ້າມົງກຸດມິສເວເນຊູເອລາໄປ ຄອງ ແລະກາຍເປັນຜູ້ຊະນະການ ປະກວດປີທຳອິດທີ່ບໍ່ມີການເປີດ ເຜີຍສັດສ່ວນແອວ, ກະໂພກ ແລະໜ້າເອິກຂອງຜູ້ເຂົ້າຮ່ວມການປະກວດທຸກຄົນ.

ການປະກວດນາງງາມມິສເວ ເນຊູເອລາໃນແຕ່ລະປີທີ່ຜ່ານມາພິທີກອນເທິງເວທີຈະປະກາດອັດຕາ ສ່ວນຂອງສາວງາມທຸກຄົນທີ່ເຂົ້າຮ່ວມປະກວດຊຶ່ງຜູ້ເຂົ້າຮ່ວມແຂ່ງຂັນຈຳນວນຫຼາຍຜ່ານການຜ່າຕັດ ສັນຍາກຳ ຫຼື ຄວບຄຸມອາຫານຢ່າງ ເຂັ້ມງວດເພື່ອໃຫ້ໄດ້ອັດຕາສ່ວນ ມາດຕະຖານນາງງາມຂອງປະ       ເທດຄື ຮອບເອິກ 90 ຊັງຕີແມັດ, ຮອບແອວ 60 ຊັງຕີແມັດ ແລະ ຮອບກະໂພກ 90 ຊັງຕີແມັດ, ແຕ່ ປີນີ້ຄະນະຜູ້ຈັດການປະກວດພະຍາ ຍາມປັບປ່ຽນແນວທາງແບບເກົ່າໆ ຫັນມາເນັ້ນທາງດ້ານໄຫວພິບທາງ ປັນຍາຂອງຜູ້ປະກວດນອກເໜືອຈາກຄວາມງາມຂອງຮູບຮ່າງໜ້້າຕາ.

ມິສເວເນຊູເອລາເລີ່ມຈັດການ ປະກວດນັບຕັ້ງແຕ່ປີ 1952 ນັບ ວ່າເປັນໜຶ່ງໃນທຸລະກິດທີ່ສ້າງລາຍໄດ້ບໍ່ໜ້ອຍໃນປະເທດທີ່ມີເສດຖະກິດທີ່ບໍ່ຄ່ອຍດີ ຊຶ່ງສາວງາມຕົວ ແທນຈາກເວເນຊູເອລາສ້າງຊື່ສຽງ ໃຫ້ປະເທດຄ້ວາມົງກຸດລາຍການໃຫຍ່ລະດັບໂລກຕະຫຼອດ.

   ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์