ເປີດນຳໃຊ້ຫ້ອງການກັມມາທິການ ການຕ່າງປະເທດ ສູນກາງອົງການພຸດທະສາສະໜາ

  ພິທີຫ້ອງການກັມມາທິການ ການຕ່າງປະເທດສູນກາງອົງການ ພຸດທະສາສະໜາສັມພັນແຫ່ງ  ສປປ ລາວທີ່ຫໍທັມມະສະພາວັດພະທາດຫຼວງເໜືອ ເມືອງໄຊເຊດຖາ ນະ ຄອນຫຼວງວຽງຈັນ ໄດ້ຈັດຂຶ້ນໃນວັນທີ 1 ສິງຫາ 2019 ເປັນປະ ທານ ໂດຍພະອາຈານໃຫຍ່ມະຫາງອນດໍາຣົງບຸນ ປະທານສູນກາງອົງສັມພັນໜາສັມພັນແຫ່ງ ສປປ, ທ່ານ ສົມອົກກິ່ງສະດາ ຮອງປະທານສູນກາງແນວລາວສ້າງຊາດພ້ອມດ້ວຍແຂກຖືກເຊີນ ແລະມ່ວນຊົນເຂົ້າຮ່ວມ.

ທີ່ສ້າງຕັ້ງຂຶ້ນພາຍໃຕ້ທັມມະນູນສົງລາວ ສະບັບປັບປຸງປີພະພຸດທະສັງກາດ 2561 ປະກາດໃຊ້ໂດຍນາຍົກລັດຖະມົນຕີສະບັບເລກ ທີ 37/ນຍ ລົງວັນທີ 15 ກຸມພາ 2019 ແລະເປັນກັມມາທິການທີ່ຜ່ານຄວາມເຫັນດີຮັບຮອງເອົາໃນມະຕິກອງປະຊຸມສະໄໝສາມັນເທື່ອ ທີ 4 ຂອງຄະນະບໍລິຫານງານສູນ ກາງອົງການພຸດທະສາສະໜາສັມ ພັນແຫ່ງ ສປປ ລາວ ຊຸດທີ VII ຄັ້ງວັນທີ 20 ທັນວາ 2018 ຊຶ່ງມີຊື່ເອີ້ນວ່າກັມມາທິການ ການຕ່າງ ປະເທດສູນກາງອົງການພຸດທະສາສະໜາສັມພັນແຫ່ງ ສປປ ລາວ ຂຽນເປັນຕົວອັກສອນຫຍໍ້ວ່າ “ກຕປ”, ຂຽນເປັນພາສາອັງກິດວ່າ The Committee of Sangha Foreign Affair of the Central Buddhist FellowshipOrganizationofLaoPDR ໂດຍມີຈຸດປະສົງເພື່ອເຮັດ ໃຫ້ການພົວພັນການຕ່າງປະເທດຂອງສູນກາງອົງການພຸດທະສາສະໜາສັມພັນແຫ່ງ ສປປ ລາວ ໃຫ້ວ່ອງໄວແທດເໝາະກັບສະພາບການ ໂດຍປະສານສົມທົບກັບບັນດາກະຊວງ, ອົງການທຽບເທົ່າກະຊວງ,ສູນກາງແນວລາວສ້າງຊາດ,ພະແນກການແລະພາກສ່ວນທີ່ກ່ຽວຂ້ອງ ແລະເພື່ອແນະນໍໃຫ້ການນໍາພັກລັດ, ຄອບຄົວການນໍາ ພັກລັດ,ທ່ານແຂກຜູ້ຊົງກຽດຕະຫຼອດຮອດບັນດາທ່ານ ພຸດທະສາສະນິກະຊົນທັງຫຼາຍໄດ້ຮັບຮູ້ກັມມາທິການການຕ່າງປະເທດເພື່ອປະກອບສ່ວນຊຸກຍູ້ເຂົ້າໃນວຽກ ງານການຕ່າງປະເທດຂອງສູນ ກາງອົງການພຸດທະສາສະໜາສັມ ພັນແຫ່ງ ສປປ ລາວ ຢ່າງຕັ້ງໜ້າ.

ໃນໄລຍະຜ່ານມາສູນກາງອົງ ການພຸດທະສາສະໜາສັມພັນ ແຫ່ງ ສປປ ລາວ ແມ່ນມີ 1 ຫ້ອງການບໍ ລິຫານງານ ແລະ4 ກັມມາທິການຄືກັມມາທິການປົກຄອງສົງ, ກັມມາທິການສຶກສາສົງ, ກັມມາທິການ ເຜີຍແຜ່ສີລະທັມ ແລະປະຕິບັດກັມມະຖານ, ກັມມາທິການສາທາຣະນູ ປະການຊຶ່ງເຮັດໜ້າທີ່ເປັນເສນາທິ ການ  ແລະຕອບສະໜອງວຽກງານໃຫ້ແກ່ການບໍລິຫານງານຂອງສູນ ກາງອົງການພຸດທະສາສະໜາສັມ ພັນແຫ່ງ ສປປ ລາວ ອີງໃສ່ສະ ພາບການພັດທະນາທັງທາງໂລກ ແລະທາງສາສະໜາໃນທົ່ວໂລກມີການປ່ຽນແປງພັດທະນາຢ່າງວ່ອງໄວ ໂດຍສະເພາະໃນດ້ານພະ ພຸດທະສາສະໜາໄດ້ມີການພົວພັນ ເຊື່ອມຈອດກັນລະຫວ່າງບັນດາ ປະເທດໃນພາກພື້ນອາຊຽນ ແລະ ສາກົນເຮັດໃຫ້ມີການພົວພັນແລກປ່ຽນກັບບັນດາປະເທດຕ່າງໆ ນັບມື້ນັບຫຼາຍຂຶ້ນດັ່ງນັ້ນ, ສູນກາງອົງ ການພຸດທະສາສະໜາສັມພັນລາວຈຶ່ງຈໍາເປັນຕ້ອງໄດ້ເພີ່ມກັມມາທິການການຕ່າງປະເທດຂຶ້ນມາ ຊຶ່ງເປັນກັມມາທິການທີ 5 ຂອງກາງອົງການພຸດທະສາສະໜາສັມພັນແຫ່ງ ສປປ ລາວ ເພື່ອເຮັດ ໃຫ້ວຽກງານການພົວພັນ ແລະຮ່ວມມືກັບຕ່າງປະເທດກ່ຽວກັບວຽກງານພະພຸດທະສາສະໜາ ແລະສາສະໜາອື່ນໆລວມທັງວຽກ ງານທີ່ກ່ຽວຂ້ອງທີ່ສາມາດເຄື່ອນ ໄຫວໄດ້ຕາມພາຣະບົດບາດ, ສິດ ແລະໜ້າທີ່ຂອງຕົນທີ່ໄດ້ກໍານົດໄວ້ ໃນທັມມະນູນສົງລາວມາດຕາ 31 ໃຫ້ເຮັດໜ້າທີ່ການພົວພັນການຕ່າງປະເທດ ໂດຍມີການປະສານສົມ ທົບກັບກະຊວງ, ອົງການທຽບເທົ່າ ກະຊວງ, ພະແນກການ ແລະພາກ ສ່ວນທີ່ກ່ຽວຂ້ອງ.

ສ່ວນວຽກງານຕໍ່ໜ້າຈະຈັດຕັ້ງຝຶກອົບຮົມການເຮັດເອກະສານທາງການຕ່າງໆ,ວຽກງານການພົວພັນການຕ່າງປະເທດ ແລະວຽກງານຟັງປາຖະກະຖາບັນຍາຍພິເສດກ່ຽວກັບການພົວພັນການຕ່າງປະ ເທດ ນອກຈາກນີ້ ຍັງມີແຜນການ ທີ່ຈະລົງເຄື່ອນໄຫວວຽກງານກັມມາທິການການຕ່າງປະເທດຂອງ ສູນກາງອົງການພຸດທະສາສະໜາສັມພັນ ແຫ່ງ ສປປ ລາວໃນຕ່າງແຂວງກ່ຽວກັບວຽກງານກັມມາທິການການຕ່າງປະເທດອີກດ້ວຍ.

   ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์