ຍົກລະດັບຄູສອນພາກເອກະຊົນ

   ພິທີເປີດການຝຶກອົບຮົມຄວາມຮູ້ພື້ນຖານກ່ຽວກັບການ ຮຽນ-ການສອນໃຫ້ແກ່ຄູອະນຸບານ ແລະຄູຊັ້ນປະຖົມຂອງໂຮງຮຽນ ເອກະຊົນຊຶ່ງໄດ້ຈັດຂຶ້ນວັນທີ 3 ສິງຫາ 2019  ທີ່ວິທະຍາໄລລາວ ນາໆຊາດນະຄອນຫຼວງວຽງຈັນໃຫ້ກຽດເຂົ້າຮ່ວມຂອງທ່ານ ເກດພັນລັກຫົວໜ້າກົມສ້າງຄູກະຊວງ ສຶກສາທິການ ແລະກີລາ, ທ່ານ ຄຳແສນ ສີລະວົງປະທານສະມາ ຄົມການສຶກສາພາກເອກະຊົນ, ທ່ານ ນາງ ວິລາ ແສງສະຫວ່າງ ຜູ້ອຳນວຍການວິທະຍາໄລຄູດົງຄຳຊ້າງບັນດາທ່ານຈາກພາກ ສ່ວນກ່ຽວຂ້ອງ ແລະສຳມະນາ ກອນເຂົ້າຮ່ວມ.

ການຝຶກອົບຮົມຄັ້ງນີ້ເປັນບັນຫາສຳຄັນໃນການຍົກລະດັບບຸກ ຄະລາກອນຄູຕາມແນວທາງນະໂຍບາຍຂອງກະຊວງສຶກສາທິການ ແລະກີລາກໍຄືສະມາຄົມການສຶກສາເອກະຊົນໄດ້ຈັດຂຶ້ນເພື່ອສົ່ງເສີມໃຫ້ໂຮງຮຽນມີຄູສອນຢ່າງມີປະສິດຕິຜົນ ແລະຮັບປະກັນຄຸນນະພາບຫຼັກສູດການສິດສອນເຂົ້າພັດທະນາຕໍ່ເດັກໃນນີ້ມີຄູສອນພາກເອກະຊົນເຂົ້າຮ່ວມຝຶກອົບຮົມທັງໝົດມີ 50 ໂຮງຮຽນທີ່ມາຈາກ ເມືອງຈັນທະບູລີ, ໄຊເສດຖາ,ສີສັດຕະນາກ,ຫາດຊາຍຟອງ,ນາ ຊາຍທອງ ແລະສີໂຄດຕະບອງຊຶ່ງລວມທັງໝົດມີ 119 ຄົນ, ຄູສາຍອະນຸບານ 97 ຄົນ ແລະສາຍ ປະຖົມ 22 ຄົນ ໂດຍແມ່ນຄູ ແລະ ນັກວິທະຍາກອນຈາກວິທະຍາໄລຄູດົງຄຳຊ້າງເປັນຜູ້ອອກຫຼັກສູດຝຶກອົບຮົມ ແລະບັນລະຍາຍສິດສອນຊຶ່ງຈະດຳເນີນເປັນເວລາ 10 ວັນ ໂດຍກຳນົດເອົາວັນເສົາ-ອາທິດເລີ່ມແຕ່ວັນທີ 3 ສິງຫາຈົນຮອດວັນທີ 1 ກັນຍາ 2019 ໃນນີ້ສຳລັບຄູອະນຸບານແມ່ນໄດ້ຝຶກຫຼັກສູດກ່ຽວກັບຄວາມພ້ອມຂອງ ເດັກກ່ອນໄວຮຽນ, ແຕ່ງບົດສອນ ແລະຜະລິດອຸປະກອນ, ສອນທົດ ລອງ ແລະຖອດຖອນບົດຮຽນສ່ວນຄູສາຍປະຖົມແມ່ນໄດ້ຝຶກຫຼັກສູດການຈັດການຮຽນ-ການສອນວິຊາວິທະຍາສາດ ແລະສິ່ງແວດ ລ້ອມ, ວິຊາຄະນິດຊາດ, ວິຊາພາສາລາວ ແລະຫຼັກສູດອື່ນໆ.

ຈຸດປະສົງເພື່ອເປັນການຝຶກຄວາມຮູ້ ແລະຍົກລະດັບຄວາມສາມາດໃຫ້ແກ່ຄູສອນພາກເອກະຊົນໄດ້ກ້າວໜ້າຂຶ້ນພ້ອມນັ້ນທັງໄດ້ປະຕິບັດການຊີ້ນຳຂອງຄະນະສະມາຄົມການສຶກສາພາກເອກະຊົນຂອງແຜນການເຄື່ອນໄຫວປະຈຳຫ້ອງການ ແລະຂອງພະແນກກິດຈະກຳຝຶກອົບຮົມພາກເອກະຊົນທັງໝົດໃຫ້ບັນລຸເປົ້າໝາຍທີ່ວາງໄວ້.

 ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์