ສີສຸດາ ຢູວາເຢ່ຍປ່າວ ຄວ້າມົງກຸດ ນາງສາວເຜົ່າມົ້ງ ນວ 2019

   ການຈັດປະກວດນາງສາວ ເຜົ່າມົ້ງ ນະຄອນຫຼວງວຽງຈັນ (ນວ) ປະຈໍາປີ  2019 ແມ່ນໄດ້ສຳເລັດລົງໄປດ້ວຍດີໂດຍທັງໝົດມີ 20 ນາງສາວທີ່ໄດ້ຖືກຄັດເລືອກເຂົ້າຮ່ວມແຂ່ງຂັນຜ່ານການປະກວດນາງສາວງາມເຜົ່າມົ້ງທີ່ໄດ້ຄວ້າຕຳແໜ່ງປະຈຳປີ 2019 ຂອງນະຄອນຫຼວງວຽງຈັນໄດ້ແກ່ນາງສາວ ສີສຸດາ ຢູວາເຢ່ຍປ່າວ ພ້ອມຄອງມົງກຸດເພັດຈາກຮ້ານຄຳພູວົງມູນຄ່າ 50 ລ້ານກີບ.

  ພິທີປະກວດຮອບຊະນະເລີດແມ່ນໄດ້ຈັດຂຶ້ນວັນທີ 13 ມັງກອນ2019 ທີ່ສວນພຶກສາບ້ານດ່ານຊີ ເມືອງນາຊາຍທອງ ນະຄອນຫຼວງວຽງ ຈັນ ໃຫ້ກຽດເຂົ້າຮ່ວມໂດຍທ່ານ ນາງ ຍອດແກ້ວມະນີ ສຸພານຸວົງ ຮອງປະທານສູນກາງແນວລາວສ້າງຊາດ, ທ່ານ ພູວົງ ພະມີສິດ ປະທານສວນພຶກສາ ແລະທ່ານຫົວໜ້າຫ້ອງການ ຖວທ ເມືອງນາຊາຍທອງ ບັນດາກອງເຊຍເຂົ້າຮ່ວມຢ່າງຄຶກຄື້ນ, ປີນີ້ນາງສາວທີ່ໄດ້ຜ່ານຄັດ ເລືອກເຂົ້າຮ່ວມແຂ່ງຂັນມີ 20 ຄົນ ຜ່ານປະກວດຜູ້ທີ່ໄດ້ຄວ້າຕຳແໜ່ງນາງສາວເຜົ່າມົ້ງ ນະຄອນຫຼວງວຽງຈັນ ປະຈຳປີ 2019 ໄດ້ແກ່ໝາຍເລກ M15 ນາງສາວ ສີສຸດາ ຢູວາເຢ່ຍປ່າວ ໄດ້ຮັບເງິນລາງວັນ 5 ລ້ານກີບ ພ້ອມສາຍສະພາຍ ແລະຄອງມົງກຸດເພັດຈາກຮ້ານຄຳພູວົງໃນມູນຄ່າ 50 ລ້ານກີບ, ຮອງອັນດັບໜຶ່ງແມ່ນໝາຍເລກ M13 ນາງສາວ ໄມກໍທ່າວ ໄດ້ຮັບລາງວັນ 4 ລ້ານກີບ ພ້ອມສາຍສະພາຍ, ຮອງອັນດັບ ສອງ M3 ນາງສາວ ລີລໍ່ ເບຼ່ຍຢໍ້ ໄດ້ຮັບລາງວັນເງິນສົດ 3 ລ້ານກີບ ພ້ອມສາຍສະພາຍ ແລະຮອງອັນດັບສາມ ມີ 4 ນາງສາວ ແລະ4 ລາງວັນຄື: ໝາຍເລກ M19 ນາງສາວ ປາເຢົາ ວາງ, M4 ນາງສາວ ເມນູ ຊາວາ, M9 ນາງສາວ ມະໂຫສົດ  ຢ່າທໍ່ຕູ້, M7 ນາງສາວ ດາລູນີຢ່າ ພ້ອມຄອງສາຍສະພາຍ ແລະ ໄດ້ຮັບລາງວັນເງິນສົດ 1,5 ລ້ານກີບ. ນອກນັ້ນຍັງມີລາງວັນພິເສດ 3 ລາງ ວັນຄື: ລາງ ວັນຂວັນໃຈມວນຊົນແມ່ນໝາຍເລກ M18 ນາງສາວເຊ້ຍ ທອງວັນວື, ລາງວັນນາງ ສາວມິດຕະພາບ ໝາຍເລກ M6 ປາລີ ເພັດສະຫວ່າງ ແລະລາງວັນຂວັນໃຈຊ່າງພາບໝາຍເລກ M8 ນາງ ສາວ ແກ້ວບຸນໄຊ ມາວື ໄດ້ຮັບເງິນສົດ 1,5 ລ້ານກີບ.

แชร์