ນຳສະເໜີລົດມາສດ້າ 3 ອໍນິວ

  ວັນທີ 3 ສິງຫາ 2019 ບໍລິສັດ ແກ້ວໂອໂຕກຣຸບ ໄດ້ນຳສະເໜີລົດລຸ້ນໃໝ່ມາສດ້າ 3 ອໍນິວ ໂດຍໃຫ້ກຽດເຂົ້າຮ່ວມ ທ່ານ ບຸນມີ ມະນີວົງຮອງລັດຖະມົນຕີກະຊວງ ອຸດສາຫະກຳ ແລະການຄ້າ, ທ່ານ ກົງເພັດ ແກ້ວມະນີ ຜູ້ຈັດການທົ່ວໄປບໍລິສັດ ແກ້ວໂອໂຕກຣຸບ, ທ່ານ Susumu Niinai ຜູ້ບໍລິຫານທົ່ວໄປບໍລິສັດ MAZDA Motor ປະເທດຍີ່ປຸ່ນ, ບັນດາຫົວໜ່ວຍທຸລະກິດ, ພາກສ່ວນກ່ຽວຂ້ອງເຂົ້າຮ່ວມ.

 ທ່ານ ທິບພະເນດ ແກ້ວມະນີວົງ ຜູ້ບໍລິຫານຝ່າຍຂາຍບໍລິສັດແກ້ວໂອໂຕກຣຸບກ່າວວ່າ: ລົດມາສດ້າ 3 ອໍນິວທີ່ນຳສະເໜີຄັ້ງນີ້ປະກອບມີສອງປະເພດຄື: ລົດເກັງ ແລະລົດສະປອດ ທັງສອງລຸ້ນໄດ້ຖືກພັດທະນາໃຫ້ເຫັນຄຸນຄ່າແກ່ຜູ້ ຊົມໃຊ້ ຊຶ່ງໄດ້ອອກແບບສີລະປະທີ່ປະສົມກັບຍຸກໃໝ່ຂອງຍີ່ປຸ່ນເພື່ອໃຫ້ມີຄວາມງົດງາມຫຼູຫຼາທັນສະໄໝເປັນລະບົບເຄື່ອງຈັກ 1,5 Lskyactiv-G phase 2 ໃຫ້ ແຮງບິດສູງໃນຮອບຈັກຕໍ່າພ້ອມ ເພີ່ມປະຍັດນ້ຳມັນຂຶ້ນສ່ວນການຂັບຂີ່ຜູ້ໂດຍສານທຸກຈຸດແມ່ນມີການຄວບຄຸມສະດວກສະບາຍ ດ້ວຍລະບົບນະວັດຕະກຳເຕັກໂນ ໂລຊີໃໝ່ເຊັ່ນ: ເບາະນັ່ງຜູ້ໂດຍ ສານເປັນຮູບໂຕ S ສາມາດຫຼຸດ ອາການເຈັບແອວ, ກ້ອງຖອຍ HD 360 ອົງສາ ສາມາດເບິ່ງໄດ້ທຸກ ມູມ, ລະບົບເຄື່ອງສຽງເປັນ Pre mium ແລະມີຈໍ DVD ຂະໜາດ 8,8 ນີ້ວ ມີລໍາພວງ Bose 12 ໜ່ວຍສາມາດປັບສຽງຂຶ້ນລົງໄດ້ ຢູ່ເບາະນັ່ງຜູ້ໂດຍສານທຸກດ້ານ, ມີລະບົບເຕືອນຄວາມປອດໄພເວ ລາຂັບຂີ່ແລ່ນອອກຈາກເລນທາງ ພ້ອມນັ້ນຍັງສາມາດຊ່ວຍເບກອັດຕະໂນມັດໃນເວລາຄົນແລ່ນຕັດໜ້າລົດ ແລະມີລົດແລ່ນຜ່ານທີ່ກຳລັງຖອຍ, ມີລະບົບລັອກຄວາມໄວປັບໄລຍະຫ່າງ ແລະຄວບຄຸມໄຟຕາສູງຕໍ່າແບບອັດຕະໂນມັດສ່ວນແວ່ນຂ້າງສາມາດປັບຕຳແໜ່ງຕາມປຸ່ມບັນທຶກຂອງເບາະໜ້າພ້ອມຕັດແສງສະທ້ອນ.

 ນອກນັ້ນງານດັ່ງກ່າວຍັງໄດ້ເປີດໂຊຣູມຫ້ອງຂາຍພາຍຫຼັງໄດ້ມີການປັບປຸງໃໝ່ເພື່ອໃຫ້ MAZDA ປະຈຳລາວກ້າວເຂົ້າສູ່ການພັດທະນາທີ່ສ້າງຄວາມໄວ້ວ່າງໃຈຕໍ່ລູກຄ້າທຸກກຸ່ມ ແລະ ໃຫ້ກາຍເປັນສ່ວນໜຶ່ງໃນການດຳລົງຊີວິດປັບປຸງເພີ່ມຄວາມສຸກໃນການໂດດເດັ່ນໃຫ້ຢາວນານສຳລັບລົດມາສດ້າ 3 ອໍນິວໂສມ ໃໝ່ທັງສອງລຸ້ນນີ້ແມ່ນໄດ້ເປີດວາງຂາຍແລ້ວ.

---------------

ຂຽນໂດຍ: ແພງຕາ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์