ອັດຕະປື ມີ 150 ໂຄງການລົງທຶນ

ໃນປີ 2019 ນີ້ແຂວງອັດຕະປື ມີ 150 ໂຄງການລົງທຶນທີ່ສະພາຮັບຮອງ, ມີມູນຄ່າ 727 ກວ່າຕື້ກີບ, ປະຕິບັດໄດ້ແລ້ວ26 ຕື້ກວ່າກີບ,ໃນນັ້ນຢູ່ຂັ້ນເມືອງຄຸ້ມຄອງມີ 49 ໂຄງການ, ມູນຄ່າ 117 ຕື້ກວ່າກີບ, ປະຕິບັດໄດ້ແລ້ວ 8 ຕື້ກວ່າກີບ, ເຊິ່ງບັນດາໂຄງການລົງທຶນທັງໝົດປະກອບມີ 4 ບ້ວງຄື: ບ້ວງປົກກະຕິ, ບ້ວງຈັດສັນພູມລໍາເນົາ ແລະ ບ່ອນທໍາມາຫາກິນແບບຖາວອນ, ບ້ວງພັດທະນາຊົນນະບົດ ແລະລຶບລ້າງຄວາມທຸກຍາກ ແລະບ້ວງແຜນຟື້ນຟູໄພພິບັດ .

 ທ່ານ ສຸລິຈັນ ພອນແກ້ວ ຫົວໜ້າພະແນກແຜນການ ແລະການລົງທຶນ ແຂວງອັດຕະປື ໃຫ້ສໍາພາດວ່າ: ຕະຫຼອດໄລຍະຜ່ານມາພະແນກແຜນການ ແລະການລົງ ທຶນແຂວງອັດຕະປື ໄດ້ເປັນເຈົ້າການໃນການຄົ້ນຄວ້າສັງລວມວິໄຈສ້າງແຜນ ແລະຄຸ້ມຄອງການຈັດຕັ້ງແຜນພັດທະນາເສດຖະກິດ-ສັງຄົມ, ການລົງທຶນຂອງລັດການລົງທຶນພາຍໃນ ແລະ ຕ່າງປະເທດເພື່ອພັດທະນາໃຫ້ສອດຄ່ອງກັບແນວທາງນະໂຍບາຍຂອງພັກ ແລະ ລະບຽບກົດໝາຍຂອງລັດວາງອອກແຕ່ລະໄລຍະ. ສະເພາະປີ 2019 ນີ້ແຂວງອັດຕະປື ມີໂຄງການລົງທຶນທີ່ສະພາຮັບຮອງທັງໝົດມີ 150 ໂຄງ ການ, ມູນຄ່າ 727 ຕື້ກວ່າກີບ, ປະຕິບັດໄດ້ 26 ຕື້ກວ່າກີບ, ໃນນັ້ນຢູ່ຂັ້ນເມືອງຄຸ້ມຄອງມີ 49 ໂຄງການ, ມູນຄ່າ 117 ຕື້ກວ່າກີບ,ປະຕິບັດໄດ້ 8 ຕື້ກວ່າກີບຊຶ່ງບັນດາໂຄງການລົງທຶນທັງໝົດປະກອບມີ 4 ບ້ວງຄື: ບ້ວງປົກກະຕິມີ 109 ໂຄງການ, ມູນຄ່າ 648 ຕື້ກວ່າກີບ, ປະຕິບັດໄດ້ແລ້ວ 16 ຕື້ກວ່າກີບ, ບ້ວງຈັດສັນພູມລໍາເນົາ ແລະ ບ່ອນທໍາມາຫາກິນມີ 4 ໂຄງການ, ມີມູນຄ່າ 18 ຕື້ກວ່າກີບ, ປະຕິບັດໄດ້ແລ້ວ 90 ລ້ານກີບ, ບ້ວງພັດທະນາຊົນນະບົດ ແລະລຶບລ້າງຄວາມທຸກຍາກມີ 7 ໂຄງການ,ມູນຄ່າ 27 ຕື້ກວ່າກີບ,ປະຕິບັດໄດ້ແລ້ວ 2 ຕື້ກວ່າກີບ, ບ້ວງແຜນຟື້ນຟູໄພພິບັດມີ 30 ໂຄງການ, ມູນຄ່າ 22 ຕື້ກວ່າກີບ, ປະຕິບັດໄດ້ແລ້ວ 7 ຕື້ກວ່າກີບ.

  ທ່ານ ສຸລິຈັນ ພອນແກ້ວ ຫົວໜ້າພະແນກແຜນການ ແລະການລົງທຶນ ແຂວງອັດຕະປື ຍັງໄດ້ກ່າວຕື່ມວ່າ: ສໍາລັບໂຄງການທີ່ສໍາເລັດ 100% ແລະ ສີ້ນສຸດສັນຍາໃນປີ 2019 ນີ້ມີທັງໝົດ 32 ໂຄງການ, ມີມູນຄ່າ 200 ຕື້ກວ່າກີບ, ປະຕິ ບັດໄດ້ແລ້ວ 199 ຕື້ກວ່າກີບ, ຊໍາລະແລ້ວ 126 ຕື້ກວ່າກີບ, ຍັງຄ້າງຊໍາລະ 73 ຕື້ກວ່າກີບ.

-------------------

ຂຽນໂດຍ: ຫຼວງອາໄພ 

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์