ຢູ-12 ວຽງຈັນ ພ້ອມຈະປ້ອງກັນແຊ້ມສະໄໝທີ 3 ບານເຕະສາຍພົວພັນອາຊຽນ+ສປ ຈີນ

ໃນວັນທີ 1 ສິງຫາ ຜ່ານມາ ຄະນະນຳ, ຄູຝຶກ ແລະນັກກີລາຂອງສະໂມສອນວຽງຈັນ ອາຄາ ເດມີ້ ເອັບທີ ຈຳນວນ 18 ຄົນ, ໃນນັ້ນຄະນະນຳ 3 ຄົນ ແລະນັກກີລາ 15 ຄົນ ໄດ້ອອກເດີນທາງ ເຂົ້າຮ່ວມການແຂ່ງຂັນລາຍການ ຊູຊີງລິງຄັບ 2019 ຈັດຂຶ້ນທີ່ ສປ ຈີນ ນຳພາໂດຍທ່ານບຸນລັບ ເຄນ ກິຕິສັກອະດີດນັກກີລາບານເຕະທິມຊາດລາວ ທັງເປັນຫົວໜ້າຄູຝຶກ ຢູ-12 ວຽງຈັນ ເອັບທີ ມີຜູ້ຕາງ ໜ້າສະຫະພັນບານເຕະແຫ່ງຊາດ ລາວ ແລະບັນດາພໍ່ແມ່ຜູ້ປົກຄອງ ເຂົ້າຮ່ວມອວຍພອນໃຫ້ເດີນທາງ ດ້ວຍຄວາມປອດໄພ ແລະສະຫວັດ ດີພາບ.

ທ່ານ ບຸນລັບ ເຄນກິຕິສັກ ໃຫ້ສຳພາດວ່າ: ການເດີນທາງຄັ້ງນີ້ ຈະໃຊ້ເວລາເດີນທາງ  2 ຖ້ຽວກ່ອນຈະຮອດແຂວງຫາງໂຈ ສປ ຈີນ ຊຶ່ງນັດທຳອິດຈະປະເດີມສະໜາມ ພົບກັບທິມມາເລເຊຍ ໃນວັນທີ 3 ສິງຫາ 2019  ເວລາ 17:00 ໂມງ ນັກກີລາຊຸດນີ້ ໂດຍເບື້ອງຕົ້ນ ມີນັກກີລາເຂົ້າຮ່ວມຄັດເລືອກ 20 ຄົນ  ແຕ່ຕາມຕົວຈິງກຳນົດ 15 ຄົນ ແລະຄະນະນຳ 3 ຄົນ ເຂົ້າຮ່ວມ ແຂ່ງຂັນຈຸດພິເສດຂອງທິມແມ່ນເນັ້ນລະບົບບານສັ້ນຕໍ່ບານທີ່ແນ່ນອນ ແລະຈົບສະກໍທີ່ສຽບຄົມທຸກຄົນມີສັກກະຍະພາບທີ່ດີ ແລະມີຄວາມພ້ອມເຕັມຮ້ອຍເປີເຊັນ ແລະ ການເຂົ້າຮ່ວມຄັ້ງນີ້ພວກເຮົາຈະ ພະຍາຍາມສູ້ຊົນເຮັດໃຫ້ດີທີ່ສຸດເພື່ອເຮັດແນວໃດຈະສາມາດປ້ອງກັນແຊ້ມສະໄໝໄວ້ໄດ້ອີກ 1 ສະ ໄໝ.

ສ່ວນທ້າວ ພູສົມບູນ ປັນຍາວົງຫົວໜ້າທິມຢູ-12 ວຽງຈັນ ເອັບທີ ບອກວ່າ: ຕະຫຼອດໄລຍະທີ່ພວກ ຫຼານເກັບຕົວຝຶກຊ້ອມເດືອນກວ່າພວກເຮົາທຸກຄົນມີຄວາມພ້ອມ ແລ້ວຢ່າງເຕັມຮ້ອຍເປີເຊັນ ແລະ ຂໍໃຫ້ເຊື່ອໝັ້ນວ່າຈະພະຍາຍາມ ເຮັດໃຫ້ດີທີ່ສຸດເພື່ອສ້າງຜົນງານ ໃນການຄວ້າແຊ້ມລາຍການນີ້ໃຫ້ສົມກັບນັກກີລາບານເຕະຮຸ່ນອ້າຍທີ່ເຄີຍສ້າງຜົນງານຄອງແຊ້ມລາຍການນີ້ມາ 2 ປີຊ້ອນ ສຸດທ້າຍຂໍຝາກເຖິງພໍ່ແມ່ຊາວລາວກໍຄືຊາວນະຄອນຫຼວງວຽງຈັນທຸກຄົນຈົ່ງ ສົ່ງແຮງເຊຍເພື່ອເປັນກຳລັງໃຈໃຫ້ ພວກເຮົາດ້ວຍ. 

ການແຂ່ງຂັນບານເຕະຊູຊີງລິງຄັບ 2019 ມີບັນດານັກກີລາ ທີ່ຕາງໜ້າໃຫ້ຊາດໃນຂົງເຂດອາ                                                             ຊຽນ ເຂົ້າຮ່ວມ 9 ທິມ ແລະທິມເຈົ້າພາບ ສປ ຈີນ 1  ທິມ ລວມກັນເປັນ 10 ທິມ ແບ່ງອອກເປັນ 2 ກຸ່ມ ແຕ່ລະກຸ່ມແຂ່ງຂັນພົບກັນໝົດຄັດເອົາທີ 1-2 ຜ່ານເຂົ້າໄປຫຼິ້ນໃນຮອບຕໍ່ໄປສຳລັບກຸ່ມເອປະກອບມີ ສປ ຈີນ, ຟິລິບປິນ, ມາເລເຊຍ, ສິງກະໂປ ແລະສປປ ລາວ ສ່ວນ ທິມ ບີ ຫວຽດນາມ, ໄທ, ມຽນມາ, ອິນໂດເນເຊຍ ແລະກຳປູເຈຍ.  

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์