ປີນີ້ ກອງທັບສ້າງແພດໃໝ່ 59 ຄົນ

  ໃນສົກປີ  2019 ນີ້, ກະຊວງປ້ອງກັນປະເທດສ້າງແພດ ໃໝ່ໄດ້ 59 ສະຫາຍ ເພື່ອປະກອບໃຫ້ບັນດາກໍາລັງຫຼວງ ແລະກໍາລັງທ້ອງຖິ່ນຂອງກອງທັບປະຊຊົນລາວ ແລະໃນລະຫວ່າງວັນທີ 24-30 ກໍລະກົດ 2019 ຜ່ານມານີ້ ໂຮງຮຽນສ້າງແພດຂອງໂຮງໝໍບໍລິເວນກອງທັບ 109 ທີ່ແຂວງສະຫວັນນະເຂດ ແລະໂຮງໝໍບໍລິເວນກອງທັບ106 ທີ່ແຂວງຈໍາປາສັກ ໄດ້ຈັດຕັ້ງການສອບ ເສັງຈົບຊັ້ນໃຫ້ແກ່ບັນດານັກສຶກສາ ແພດ ແລະພະຍາບານຊັ້ນກາງລະ ບົບ 3 ປີ ຊຸດທີ 1 ຢ່າງເປັນທາງ ການ ໂດຍການເປັນປະທານຂອງສະຫາຍພັນໂທ ດຣ. ສີທະວົງ ບຸນປະສົງຮອງຫົວໜ້າກົມເສນາຮັກກົມໃຫຍ່ພະລາທິກາກອງທັບ;ຈາກນັ້ນກໍ່ໄດ້ມີການສະຫຼຸບວຽກງານການຮຽນ-ການສອນ ໃນໄລຍະ 3 ປີ ຜ່ານມາ ພ້ອມທັງປະດັບຊັ້ນ-ເລື່ອນຊັ້ນ ແລະມອບ ໃບຍ້ອງຍໍຂັ້ນກະຊວງ ແລະກົມໃຫຍ່ການເມືອງໃຫ້ແກ່ຄະນະຮັບຜິດຊອບ, ຄູ-ອາຈານ ແລະນັກສຶກສາຜູ້ທີ່ມີຜົນງານດີເດັ່ນໃນວຽກ ງານຂອງ 2 ໂຮງຮຽນ.

ໃນສົກຮຽນ 2019 ນີ້ຢູ່ 2 ໂຮງໝໍບໍລິເວນດັ່ງກ່າວມີນັກສຶກສາຈຳນວນ 59 ສະຫາຍຊຶ່ງສາມາດສອບເສັງໃນວິຊາພະຍາດພາຍໃນລວມ,ພາຍນອກລວມ, ປະສູດພະຍາດຍິງ-ເດັກທັງພາກທິດສະດີ ແລະພາກປະຕິບັດຕົວຈິງກັບຄົນເຈັບ ແລະສໍາລັບຢູ່ໂຮງ ໝໍບໍລິເວນກອງທັບ 109 ມີນັກສຶກສາທີ່ຮຽນຈົບ 30 ສະຫາຍ, ເສັງໄດ້ 100%, ແຂງເກັ່ງ 18% ແລະໂຮງໝໍບໍລິເວນກອງທັບ 106 ມີນັກສຶກສາເຂົ້າສອບເສັງ 29  ສະຫາຍ, ເສັງໄດ້ 100% ແລະແຂງ ເກັ່ງ 17%.

ໃນໂອກາດດັ່ງກ່າວໄດ້ມີພິທີມອບໃບປະກາສະນິຍະບັດໃຫ້ແກ່ ບັນດານັກສຶກສາ ໂດຍການໃຫ້ ກຽດມອບຂອງສະຫາຍພັນໂທດຣ. ສີທະວົງ ບຸນປະສົງ ຮອງຫົວໜ້າກົມເສນາຮັກ; ສໍາລັບຢູ່ໂຮງຮຽນແພດໂຮງໝໍ 109 ມີການເຂົ້າຮ່ວມຂອງສະຫາຍ ພັນເອກບຸນທ່ຽງ ຈັນພົມມາເລຂາຄະນະພັກ, ຫົວໜ້າການເມືອງໂຮງໝໍ 109 ພ້ອມດ້ວຍບັນດາຄະນະ ພະແນກເສນາຮັກທີ່ມາຈາກແຂວງ ສະຫວັນນະເຂດ, ແຂວງຄຳມ່ວນ,ກອງພົນທີ 4 ແລະກົມກອງອ້ອມ   ອ້ອມຂ້າງ; ສຳລັບຢູ່ໂຮງໝໍບໍລິເວນ ກອງທັບ 106  ມີສະຫາຍ  ພັນເອກ ດຣ. ພູແກ້ວ ດວງພຽງແສງ ຫົວ ໜ້າອໍານວຍການໂຮງໝໍ,ພ້ອມນີ້ ກໍ່ມີຄະນະພັກ-ຄະນະບັນຊາຈາກກອງບັນຊາການທະຫານແຂວງຈຳປາສັກ, ອັດຕະປື, ສາລະວັນ, ແຂວງເຊກອງ, ກອງພົນທີ 5  ແລະກົມກອງອື່ນໆອ້ອມຂ້າງເຂົ້າ ຮ່ວມ.

ໃນແຕ່ລະແຫ່ງ,ສະຫາຍຮອງ ຫົວໜ້າກົມເສນາຮັກຍັງໄດ້ໃຫ້ກຽດໂອ້ລົມ ໂດຍສະຫາຍໄດ້ຮຽກຮ້ອງໃຫ້ບັນດາແພດໝໍໃໝ່ທີ່ຈະອອກໄປປະຕິບັດໜ້າທີ່ຈົ່ງນໍາໃຊ້ບັນດາບົດຮຽນຢ່າງປະດິດສ້າງ ເພາະວຽກງານການປິ່ນປົວ-ພະຍາບານແມ່ນມີຄວາມສໍາຄັນຍ້ອນວ່າໄດ້ເຮັດວຽກ ໂດຍກົງກັບຄົນ; ສະນັ້ນ, ມັນຈຶ່ງເລັ່ງທວງໃຫ້ມີ ຄວາມຮູ້ທາງດ້ານວິຊາການທີ່ແນ່ ນອນ ແລະຕ້ອງມີຈັນຍາບັນ-ຈັນ ຍາທໍາ ແລະຖືຄົນເຈັບຄືກັບຍາດຕິພີ່ນ້ອງຄອບຄົວດຽວກັນ, ຕ້ອງເດັດດ່ຽວຕ້ານສິ່ງທີ່ບໍ່ຖືກຕ້ອງ ແລະບໍ່ ເອົາວິຊາຊີບຊອກຫາຜົນປະໂຫຍດ ສ່ວນຕົວ.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์