ເອຊີລີດາ ລາວ ປ່ອຍກູ້ສູ່ຂະແໜງກະສິກຳ ເພີ່ມຂື້ນເຖີງ 45 ເທົ່າ

 ກະສິກຳແມ່ນຂະແໜງການຫຼັກສຳລັບປະຊາຊົນ ແລະປະກອບສ່ວນເຂົ້າໃນການຂະຫຍາຍຕົວຂອງລວມຍອດຜະລິດຕະພັນພາຍໃນ ແລະເສດຖະກິດ-ສັງຄົມຂອງລາວ, ທະນາຄານເອຊີລີດາ ລາວ ຈຳກັດ, ປະຊາທະນາຄານທີ່ທ່ານໄວ້ວາງໃຈ ແລະວິໄສທັດໃນການເປັນທະນາຄານ SME ຊັ້ນນຳໃນລາວຈິ່ງເຫັນໂອກາດ ແລະໄດ້ໄດ້ປ່ອຍສິນເຊື່ອເພີ່ມຂຶ້ນເກືອບ 45 ເທົ່າ ເລີ່ມແຕ່ປີ 2010 ເຖິງປະມານເດືອນທັນວາ 2019 ໃຫ້ແກ່ພາກສ່ວນກະສິກຳໂດຍມີລູກຄ້າເພີ່ມຂຶ້ນຈາກ 276 ຄົນ ມາເປັນ 8,9 ພັນຄົນ ແລະຍອດສິນເຊື່ອຈາກເຄິ່ງລ້ານມາເປັນ 24 ລ້ານໂດລາ ຕາມຄາດໝາຍໃນທ້າຍປີນີ້.

 ທະນາຄານ ເອຊີລີດາ ລາວ ຈຳກັດ ໄດ້ກຳນົດຍຸດທະສາດການຂະຫຍາຍສິນເຊື່ອ 5 ປີ ໂດຍສະເລ່ຍຫຼາຍກວ່າ 20% ໂດຍສະເພາະໃນຂະແໜງກະສິກຳ,ນອກ ຈາກນີ້ທະນາຄານຍັງໄດ້ມີການຍົກລະດັບຫ້ອງການສຳນັກງານໃຫຍ່ ແລະສາຂາໃຫ້ເປັນສຳນັກງານທີ່ທັນສະໄໝເພື່ອໃຫ້ການບໍລິການລູກຄ້າທຸກລະດັບໄດ້ຢ່າງມີປະສິດທິພາບ. ທະນາຄານໄດ້ສະໜອງຜະລິດຕະພັນທີ່ຫຼາກຫຼາຍລວມທັງແອັບເທິງມືຖືເຊິ່ງເປັນທີ່ຮູ້ດີໃນນາມເອຊີລີດາທັນໃຈ, ເງິນຝາກສ່ວນບຸກຄົນ ແລະອົງກອນ,ສິນເຊື່ອດ່ວນ SME, ສິນເຊື່ອສຳລັບທຸລະກິດຂະໜາດໃຫຍ່ທີ່ໃຫ້ວົງເງິນກູ້ສູງສຸດເຖິງ 17 ຕື້ກີບ (ປະມານ 2 ລ້ານໂດລາ), ບໍລິການເບີກຈ່າຍເງິນເດືອນ, ຄຸ້ມຄອງເງິນສົດ, ໂອນເງິນພາຍໃນ ແລະຕ່າງປະເທດ.

 ທ່ານ ຮາຍ ສະວາຍ ຜູ້ອຳນວຍການໃຫຍ່ຂອງທະນາຄານ ເອຊີລີດາ ລາວ ຈຳກັດ ໄດ້ກ່າວວ່າ: ເພື່ອເປັນທະນາຄານ SME ຊັ້ນນຳ, ທະນາຄານເອຊີລີດາໄດ້ໃຫ້ການບໍລິການແບບຄົບວົງຈອນ ແລະບໍລິການດ່ຽວຕາມຄວາມຕ້ອງການຂອງລູກຄ້າທຸກໆພາກສ່ວນດ້ວຍການດຳເນີນງານທີ່ມີປະສິດທິພາບ ແລະ ວ່ອງ ໄວ, ລູກຄ້າສາມາດນຳໃຊ້ຜະລິດຕະພັນ-ການບໍລິການຂອງທະນາຄານ ເອຊີລີດາ ລາວ ຈຳກັດ ແລະພາກພື້ນໄດ້ຢ່າງສະດວກສະບາຍ ພວກເຮົາເນັ້ນໜັກໃສ່ຂະແໜງການກະສິກຳຫຼາຍຂຶ້ນດ້ວຍການຂະຫຍາຍວົງເງິນສິນເຊື່ອໃຫ້ມີຍອດສິນເຊື່ອປະມານ 130 ລ້ານໂດລາ ແລະ ຈະເພີ່ມຂຶ້ນອີກສອງເທົ່າໃນອີກ 5 ປີຂ້າງໜ້າ.

  ທ່ານໄດ້ກ່າວເພີ່ມວ່າ: ລູກຄ້າ ແລະ ສາທາລະນະຊົນມັກເວົ້າວ່າ: “ຕ້ອງການ ການບໍລິການທີ່ວ່ອງໄວ, ຄິດເຖິງທະນາຄານ ເອຊີລີດາ ລາວ” ຂໍຂອບໃຈສຳ  ລັບຄຳເວົ້າທີ່ມີຄຸນຄ່າ ແລະການສະໜັບສະໜູນດ້ວຍດີຕະຫຼອດມາເພື່ອເຕີບໃຫຍ່ໄປພ້ອມໆກັນ.

  ທ່ານ ຖະໜອມຈິດ ວາຣິນທຣະສັກ ຫົວໜ້າພະແນກສິນເຊື່ອກ່າວວ່າ: ທະນາຄານມີສ່ວນແບ່ງທາງການຕະຫຼາດທີ່ໃຫຍ່ສຳລັບໃຫ້ບໍລິການຜະລິດຕະພັນທີ່ເໝາະສົມສຳລັບລູກຄ້າທຸກລະດັບຕາມເຄືອຂ່າຍ 39 ສຳນັກງານໃນທົ່ວປະເທດເຊິ່ງມີສິນເຊື່ອເງິນດ່ວນ SME, ສິນເຊື່ອຂະໜາດກາງ ແລະ ໃຫຍ່ທີ່ມີວົງເງິນກູ້ສູງເຖິງ 17 ຕື້ກີບ. ເພື່ອຕອບສະໜອງຄວາມຕ້ອງການ ແລະ ເປັນທີ່ພໍໃຈສຳລັບລູກຄ້າພວກເຮົາດ້ຂະຫຍາຍຜະລິດຕະພັນສິນເຊື່ອສຳລັບທຸກພາກສ່ວນໃນລາວໂດຍເນັ້ນໃສ່ຂະແໜງກະສິກຳ ແລະ SME ໂດຍສະເພາະພະນັກງານສິນເຊື່ອຂອງທະນາຄານທີ່ຜ່ານການຝຶກອົບຮົມມາເປັນຢ່າງດີ ແລະ ເປັນມືອາຊີບມີຄວາມຍິນດີຕ້ອນຮັບ ແລະ ໃຫ້ບໍລິການລູກຄ້າດ້ວຍຄວາມໂປ່ງໃສ, ໃຫ້ຄຳປຶກສາ ແລະ ການປະເມີນທີ່ຖືກຕ້ອງເໝາະສົມ. ດ້ວຍຄວາມເຄົາລົບລູກຄ້າທຸກທ່ານທີ່ໃຊ້ຜະລິດຕະພັນສິນເຊື່ອກັບທະນາຄານ ເອຊີລີດາ ລາວ ຈຳກັດ ພວກເຮົາຈະເຕີບໂຕຢ່າງຍືນຍົງໄປພ້ອມໆກັນ.

  ທະນາຄານ ເອຊີລີດາ ລາວ ຈຳກັດ ດຳເນີນທຸລະກິດໃນລາວມາໄດ້ 11 ປີ ແມ່ນໄດ້ຮັບການຍອມຮັບເປັນທະນາຄານອັນດັບທີ 1 ໃນການສ້າງວຽກເຮັດ ງານທຳໃນຂະແໜງການດັ່ງກ່າວໃຫ້ແກ່ປະຊາຊົນລາວແອັບເທິງມືຖືທີ່ມີເທັກໂນໂລຢີທີ່ກ້າວໜ້າທັນສະໄໝທີ່ຮູ້ດີໃນນາມເອຊີລີດາທັນໃຈທີ່ຊ່ວຍໃຫ້ລູກຄ້າສາມາດເຮັດທຸລະກຳໄດ້ທຸກວັນທຸກເວລາທຸກສະຖານທີ່.

-------------------

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์