ທະນາຄານຮ່ວມພັດທະນາ ສະຫຼຸບຜົນງານກາງປີ

  ວັນທີ 20 ກໍລະກົດ 2019 ຜ່ານມາ ທີ່ທະນາຄານຮ່ວມພັດທະນາໄດ້ມີພິທີສະຫຼຸບຜົນງານ 6 ເດືອນຕົ້ນປີ ແລະ ວາງແຜນການ 6 ເດືອນທ້າຍປີ 2019 ເປັນກຽດເຂົ້າຮ່ວມພິທີດັ່ງກ່າວມີທ່ານ ເອກະພັນ ພະພິທັກ ປະທານສະພາບໍລິຫານທະນາຄານຮ່ວມພັດທະນາ ແລະຜູ້ບໍລິຫານລະດັບສູງຕະຫຼອດເຖິງຫົວໜ້າໜ່ວຍບໍລິການທີ່ມາຈາກທົ່ວປະເທດກໍ່ໄດ້ເຂົ້າຮ່ວມຢ່າງພ້ອມພຽງ.

  ໃນພິທີດັ່ງກ່າວໄດ້ສະຫຼຸບຜົນງານໃນໄລະຍະ 6 ເດືອນທີ່ຜ່ານມາ ແລະວາງແຜນການ 6 ເດືອນທ້າຍປີ 2019 ໃຫ້ບັນລຸເປົ້າໝາຍທີ່ວາງໄວ້ໃນກອງປະຊຸມ  ຄັ້ງນີ້ໄດ້ມີການປັບປຸງໂຄງຮ່າງການຈັດຕັ້ງຄືນໃໝ່ເພື່ອເຮັດໃຫ້ການຂັບເຄື່ອນທຸລະກິດຂອງທະນາຄານຮ່ວມພັດທະນາໄດ້ມີການຂະຫຍາຍຕົວຢ່າງບໍ່ຢຸດຢັ້ງ ແລະໃຫ້ບຸກທະລຸເປົ້າໝາຍການປ່ອຍສິນເຊື່ອເພື່ອພັດທະນາເສດຖະກິດຂອງປະເທດຊາດ ແລະຍົກສູງລະດັບຊີວິດການເປັນຢູ່ຂອງປະຊາຊົນບັນດາເຜົ່າ ແລະພະນັກງານລັດຖະກອນໃຫ້ດີຂຶ້ນເທື່ອລະກ້າວ.

  ທ່ານ ເອກະພັນ ພະພິທັກ ປະທານສະພາບໍລິຫານທະນາຄານຮ່ວມພັດທະນາໄດ້ອອກຂໍ້ຕົກລົງແຕ່ງຕັ້ງ ທ່ານ ວິໄລ ສີພະພອນ ເປັນຜູ້ອໍານວຍການໃຫຍ່ຄົນ ໃໝ່ ແລະແຕ່ງຕັ້ງ ທ່ານ ບຸນສະຫວ່າງ ພິລາໄຊພິທັກ ຜູ້ອໍານວຍການໃຫຍ່ຄົນເກົ່າໄປເປັນສະມາຊິກສະພາບໍລິຫານທະນາຄານຮ່ວມພັດທະນາ.

 ທະນາຄານຮ່ວມພັດທະນາ (JDB) ເປັນທະນາຄານທີ່ບໍລິການລູກຄ້າດ້ວຍມາດຕະຖານສາກົນ ISO:9001:2015, ບໍລິການດ້ວຍຄວາມສະດວກ, ວ່ອງ ໄວຮັບປະກັນຄວາມປອດໄພ, ສ້າງຄວາມປະທັບໃຈໃຫ້ລູກຄ້າ ແລະ ລູກຄ້າກໍ່ມີຄວາມເຊື່ອໝັ້ນຕໍ່ທະນາຄານ ແລະ ມານໍາໃຊ້ບໍລິການນັບມື້ນັບເພີ່ມຂຶ້ນອັດຕາການຂະຫຍາຍຕົວສະເລ່ຍຕໍ່ປີໃນໄລຍະ 6 ປີຜ່ານມາຍອດຊັບສິນເພີ່ມຂຶ້ນ 33%, ເງິນຝາກຂະຫຍາຍຕົວ 37%, ເງິນກູ້ ຂະຫຍາຍຕົວ 43% ແລະ ກໍາໄລຂະຫຍາຍຕົວ 49% ເຫັນວ່າໃນໄລຍະ 6 ປີຜ່ານມາທະນາຄານ JDB ໄດ້ມີການເຕີບໃຫຍ່ຂະຫຍາຍຕົວໄວຮອບດ້ານ.

  ປະຈຸບັນກໍາລັງພັດທະນາໃຫ້ກາຍເປັນທະນາຄານທີ່ບໍລິການລູກຄ້າດ້ວຍລະບົບ Digital ຫຼື ເອີ້ນວ່າ Digital Banking ມີຜະລິດຕະພັນທີ່ຫຼາກຫຼາຍ, ມີລະບົບຕາໜ່າງການບໍລິການກວ້າງຂວາງ ແລະມີການເຊື່ອມໂຍງກັບສາກົນ, ເປັນທີ່ຍອມຮັບຂອງລູກຄ້າທັງລູກຄ້າພາຍໃນປະເທດ ແລະ ລູກຄ້າຕ່າງປະເທດ , ຊື່ສຽງຂອງ JDB ນັບມື້ນັບເພີ່ມຂຶ້ນ.

  ທັງໝົດກໍ່ແມ່ນຜົນງານຂອງພະນັກງານທັງໝົດທີ່ໄດ້ທຸ້ມເທທຸກເຫື່ອແຮງ, ສະຕິປັນຍາພັດທະນາທະນາຄານ JDB ໃຫ້ມີການເຕີບໃຫຍ່ຂະຫຍາຍຕົວ ແລະບໍລິການລູກຄ້າດ້ວຍມາດຕະຖານສາກົນ,ທະນາຄານຮ່ວມພັດທະນາມຸ່ງໝັ້ນໃນການບໍລິການທາງດ້ານການເງິນແບບຄົບວົງຈອນໃຫ້ແກ່ປະຊາຊົນບັນດາເຜົ່າໄດ້ມີຄວາມສະດວກສະບາຍໃນການເຂົ້າຫາແຫຼ່ງທຶນທີ່ໝັ້ນຄົງ ແລະ ການບໍລິການທີ່ສະດວກສະບາຍ, ທະນາຄານຮ່ວມພັດທະນາມີແຫຼ່ງທຶນພຽງພໍທີ່ຈະສະ ໜອງໃຫ້ລູກຄ້າເພື່ອສະໜັບສະໜູນທຸລະກິດຂອງລູກຄ້າໃຫ້ມີຄວາມເຕີບໃຫຍ່ຂະຫຍາຍຕົວຂຶ້ນໄປເລື້ອຍໆ, ສົມກັບຄຳຂວັນທີ່ວ່າ “ເຕີບໃຫຍ່ໄປພ້ອມກັນ”.

------------------

ຂຽນໂດຍ: ຄໍາຕົ້ນ ວໍລະຈັກ

 ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์