ຊີຣີສຸດຮິດຈີນຫົງໂຫຼວເມິ່ງ ກຽມສາຍໃນອາຊຽນອີກຄັ້ງ

    ຊີຣີສຸດຄລາສສິກເລື່ອງຫົງ ໂຫຼວເມິ່ງ ຫຼື ຄວາມຝັນໃນຫໍແດງ (A Dream of Red Mansions)  ທີ່ສາຍໄປຄັ້ງທຳອິດໃນປີ 1987 ຈະກັບມາອອກອາກາດອີກ ເທື່ອໜຶ່ງໃນປະເທດສະມາຊິກອາ ຊຽນເລີ່ມຕັ້ງແຕ່ເດືອນສິງຫາ ນີ້ ເປັນຕົ້ນໄປ.

ບໍລິສັດເຄືອຂ່າຍຂໍ້ມູນວິທະຍຸ ແລະໂທລະພາບກວ່າງຊີຈ້ວງຈຳກັດໃຫ້ຂໍ້ມູນຄາດວ່າຊີຣີເລື່ອງນີ້ຈະເປີດໂຕຢູ່ມຽນມາໃນວັນທີ 12 ສິງຫາທີ່ຈະມາເຖິງນີ້ສ່ວນຢູ່ ສປປ ລາວ ແລະສສ ຫວຽດນາມຈະອອກອາກາດພາຍໃນປີນີ້ ແລະຄາດວ່າອະນາຄົດອາດຈະສາຍຢູ່ກຳປູ ເຈຍອີກດ້ວຍ,ຊຶ່ງການກຳນົດການອອກອາກາດໃນຫຼາຍປະເທດເປັນຜົນມາຈາກຄວາມຮ່ວມມືລະຫວ່າງສະຖານີໂທລະພາບ ແລະສະຖານີ ອອກອາກາດຂອງຈີນ ແລະສື່ ຕ່າງໆໃນກຸ່ມປະເທດອາຊຽນ.      ສ່ວນກິດຈະກຳການອົບຮົມກ່ຽວ ກັບການແປ ແລະການພາກຈະຖືກ ຈັດຂຶ້ນຢູ່ໃນກຳປູເຈຍ, ລາວ ແລະ ຫວຽດນາມ ໃນເດືອນສິງຫານີ້ ເພື່ອປັບປຸງຄຸນນະພາບການແປ ແລະອຸ່ນເຄື່ອງກ່ອນອອກອາກາດ.

ຊີຣີເລື່ອງນີ້ດັດແປງມາຈາກນະວະນິຍາຍຈີນເລື່ອງຄວາມຝັນໃນຫໍແດງຂຽນໂດຍເສົາສຽງສິນໃນໄລຍະຣາດຊະວົງຊິງ  (ປີ  1644-1911) ມີເນື້ອໃນກ່ຽວກັບຊ່ວງຊີວິດທີ່ຜົກຜັນຂອງຜູ້ຄົນທັງສີ່ຕະກູນ. ໃນໄລຍະບໍ່ທໍ່ໃດປີທີ່ຜ່ານມາ ຊີຣີ ເລື່ອງນີ້ມີຄວາມສຳຄັນຂຶ້ນເລື່ອຍໆ ຈົນກາຍເປັນເໝືອນທູດທາງວັດທະ ນະທຳຂອງຈີນສຳລັບກຸ່ມປະເທດ ອາຊຽນ ກວ່າງຊີມີຊາຍແດນຕິດ ກັບຫວຽດນາມ ໄດ້ອອກອາກາດ ຊີຣີທາງໂທລະພາບຈີນເກືອບ 1 ພັນຕອນໃນກຸ່ມປະເທດອາຊຽນ ທຸກປີ.

ພາບ  ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์