ຕຸຕູ່ ໄຜ່ທິດາ ຄວ້າລາງວັນນາງສາວ ຮູບຮ່າງດີ ມິສເຟນຊິຟ ອິນເຕີເນເຊີນນໍ

  ນາງ ໄຜ່ທິດາ ໂພທິສານ ຫຼື ຕຸຕູ່ Miss Friendship Laos 2019, ທີ່ໄດ້ເປັນຕົວແທນຂອງປະເທດລາວເພື່ອເຂົ້າປະກວດໃນເວທີ MisFriendship Internatio nal 2019 ທີ່ເສິນຕູປະເທດຈີນ ໃນຄໍ່າຄືນວັນທີ 27 ກໍລະກົດ ທີ່ຜ່ານມາ, ໂດຍ ຕຸຕູ່ ສາມາດຄວ້າ ໜຶ່ງລາງວັນກັບມາຝາກປະເທດ ລາວ  ກໍຄືລາງວັນ The Best Figure (ນາງສາວ ຮູບຮ່າງດີ).

ຊຶ່ງກ່ອນໜ້າທີ່ຈະສົ່ງ ຕຸຕູ່ ໄຜ່ທິດາ ໂພທິສານ ເຂົ້າໄປປະກວດໃນ ເວທີ Miss Friendship International 2019 ທີ່ເສິນຕູ ປະ ເທດຈີນ,ທາງຄະນະກອງປະກວດ ຂອງໂຄງການງານສາວລາວ ກໍໄດ້ມີການຖະແຫຼງຂ່າວກ່ຽວກັບ ການກະກຽມຄວາມພ້ອມໃນດ້ານ ຕ່າງໆໃຫ້ກັບ ຕຸຕູ່ ແລະໃນນາມສ່ວນຕົວຂອງ ຕຸຕູ່ ກໍໄດ້ບອກກັບສື່ມວນຊົນວ່າໃນການກຽມຕົວ ຂອງເພີ່ນແມ່ນພ້ອມ 99%, ພ້ອມທັງບອກຕື່ມວ່າໃນການປະກວດຄັ້ງນີ້ເຖິງແມ່ນວ່າປະເທດເຮົາຈະເປັນປີທຳອິດໃນການສົ່ງນາງສາວ Friendship ເຂົ້າປະກວດໃນເວທີ Miss Friendship International 2019 ກໍຕາມ, ແຕ່ຕົນກໍຈະເຮັດສຸດຄວາມສາມາດ ແລະຈະຍາດໃຫ້ໄດ້ລາງວັນໃດລາງ ວັນໜຶ່ງເພື່ອເອົາກັບມາຝາກຄົນລາວທັງປະເທດ ແລະພາຍຫຼັງທີ່ ໄດ້ມີການປະກວດໃນຄໍ່າຄືນຂອງວັນທີ 27 ກໍລະກົດ ທີ່ຜ່ານມາ,ຕຸຕູ່ ໄຜ່ທິດາ ກໍສາມາດຍາດໄດ້ ໜຶ່ງລາງວັນຄື The Best Figure(ນາງສາວຮູບຮ່າງດີ) ເພື່ອເປັນຂວັນກຳລັງໃຈ ແລະແຮງໃຈທີ່ສົ່ງໄປຊ່ວຍເພີ່ນໃນການປະກວດຄັ້ງນີ້ ດ້ວຍ.

ໃນເຟສບຸກສ່ວນຕົວຂອງ ຕຸຕູ່ ໄຜ່ທິດາ ໂພທິສານ ຍັງກ່າວຕື່ມ ວ່າ: ເຖິງວ່າ ຕຸຕູ່ ບໍ່ໄດ້ຜ່ານເຂົ້າ ຮອບເລິກໆແຕ່ ຕຸຕູ່ ກໍຍາດມາໄດ້ລາງວັນໜຶ່ງໃນຖານະຕົວແທນຂອງປະເທດລາວ ແລະທຸກຢ່າງຈະບໍ່ສາມາດເກີດຂຶ້ນໄດ້ຫາກບໍ່ໄດ້ຮັບການສະໜັບສະໜູນຈາກທຸກຝ່າຍ ລວມທັງແຮງໃຈແຮງເຊຍທີ່ສົ່ງໃຫ້ຕະຫຼອດໄລຍະຂອງການປະກວດໃນຄັ້ງນີ້,ພ້ອມທັງຜູ້ໃຫຍ່ໃຈດີທີ່ໃຫ້ໂອກາດ ຕຸຕູ່ ເປັນຕົວແທນ ຂອງປະເທດເພື່ອຮ່ວມແລກປ່ຽນບົດຮຽນຈາກເວທີປະກວດເທື່ອ ນີ້ນຳ.

ພາບ  ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์