ກຳປູເຈຍເຜີຍຄວາມຄືບໜ້າການກໍ່ສ້າງ ສະໜາມກີລາແຫ່ງຊາດ

ທ່ານ ຮຸນເຊນ ນາຍົກລັດ ຖະມົນຕີຂອງກຳປູເຈຍ ແລະທ່ານ ຫວັງເອກອັກຄະລັດຖະທູດ ສປ ຈີນ ປະຈຳກຳປູເຈຍ ໄດ້ເຂົ້າຢ້ຽມຊົມຄວາມຄືບໜ້າການກໍ່ສ້າງສະໜາມກີລາແຫ່ງຊາດແຫ່ງໃໝ່ຂອງກຳປູເຈຍທີ່ໄດ້ຮັບການສະໜັບສະໜູນເງິນທຶນຈາກຈີນ.

ຕາມຂ່າວຕ່າງປະເທດລາຍງານ ວ່າສະໜາມກີລາແຫ່ງນີ້ພັດທະນາ ຂຶ້ນໂດຍບໍລິສັດ  China StateConstruction Engineering Corporation (CSCEC) ພາຍໃຕ້ຄວາມຊ່ວຍເຫຼືອລ້າມູນຄ່າ 1,1 ຕື້ຢວນ (ປະມານ 160 ລ້ານ ໂດລາສະຫະລັດ) ໂດຍທ່ານ ຮຸນ ເຊນ ກ່າວໃນພິທີສະຫຼອງຄວາມ ສຳເລັດວ່າໂຄງການເລີ່ມຕົ້ນຂຶ້ນ ໃນເດືອນສິງຫາປີ 2017 ແລະມີ ກຳນົດການກໍ່ສ້າງໃຫ້ແລ້ວສຳເລັດ ໃນປີ 2020,ຈົນເຖິງປະຈຸບັນນີ້ ການກໍ່ສ້າງສຳເລັດຮຽບຮ້ອຍໄປ ແລ້ວຫຼາຍກວ່າເຄິ່ງໜຶ່ງ ແລະຂ້າພະເຈົ້າເຊື່ອວ່າສະໜາມກີລາແຫ່ງ ນີ້ຈະກໍ່ສ້າງແລ້ວສຳເລັດຕາມກຳ ນົດ,ນາຍົກລັດຖະມົນຕີຂອງກຳປູ ເຈຍກ່າວວ່າ ສະໜາມກີລາແຫ່ງນີ້ ເກີດຂຶ້ນຈາກຄວາມຮ່ວມມືອັນດີງາມລະຫວ່າງກຳປູເຈຍ ແລະຈີນພາຍໃຕ້ກອບຄວາມຮ່ວມມືຄວາມ ເປັນຮຸ້ນສ່ວນຍຸດທະສາດຮອບ ດ້ານ ແລະຄວາມລິເລີ່ມໜຶ່ງແລວ ໜຶ່ງເສັ້ນທາງ.

ໂຄງການສະໜາມກີລາດັ່ງກ່າວກວມເນື້ອທີ່ປະມານ 16 ເຮັກຕາ, ສະໜາມຫຼັກມີເນື້ອທີ່ກໍ່ສ້າງ 80 ພັນກວ່າຕາແມັດ,ສາມາດບັນຈຸຜູ້ຊົມໄດ້ 60 ພັນຄົນ ແລະຄາດວ່າຈະສ້າງສຳເລັດໃນທ້າຍປີ 2020. ຫຼັງຈາກສ້າງສຳເລັດແລ້ວ, ສະ ໜາມກີລາ ດັ່ງກ່າວຈະສາມາດຈັດງານກີລາລະດັບທະວີບ ແລະ ການແຂ່ງຂັນເຕະບານສາກົນຂະໜາດໃຫຍ່ໄດ້, ຍັງສາມາດຈັດກິດຈະກຳຂະໜາດໃຫຍ່ຕ່າງໆລະ ດັບຊາດໄດ້ເປັນຕົ້ນ.

  • ພາບ  ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์