ສະເທືອນທະນາຄານທົ່ວໂລກ! ເປີດໂຕ “Libra” ສະກຸນເງິນດິຈິທັລຂອງເຟຊບຸກ

   ຫຼັງຈາກເປັນຂ່າວລືມາຫຼາຍປີໃນທີ່ສຸດ Facebook ກໍໄດ້ປະກາດຢືນຢັນເຖິງການເປີດ ໂຕ Libra (ລິບຣ້າ) ສະກຸເງິດິຈິທັລ(Cryptocurrency)ຢ່າງເປັນທາງການແລ້ວ ໂດຍຈະເປີດໃຫ້ບໍລິການຈິງຢ່າງເຕັມຮູບ ແບບໃນປີ 2020.

ສຳລັບ  Libra ນັ້ນຈະຖືກຄວບຄຸມດູແລໂດຍ The Libra Association ອົງກອນບໍ່ສະແຫວງຫາຜົນກຳໄລຊຶ່ງມີສະມາຊິກຮ່ວມກໍ່ຕັ້ງເປັນ 27 ບໍລິສັດຊັ້ນນຳຢ່າງຫຼວງຫຼາຍເຊັ່ນ Mastercard, Visa, eBay, Paypal, Sportify,Uber, Lyft, Stripe, BookingHolding, Facebook, ບໍລິສັດບລ໊ອກເຊນຄື  Coin base,  Anc horage ລວມທັງກອງທຶນຮ່ວມ ທຶນ Andreessen Horowitz, Breakthrough Initiatives.

ທັງນີ້  Libra ມີຂຶ້ນເພື່ອຫຼຸດຄວາມຫຍຸ້ງຍາກໃນການເຮັດທຸລະກຳການເງິນໃຫ້ຜູ້ໃຊ້ງານສາມາດຮັບສົ່ງເງິນໄດ້ທົ່ວໂລກງ່າຍດາຍແບບບໍ່ຕ້ອງມີຄ່າທຳນຽມລວມທັງມຸ່ງສູ່ຫຼຸດການໃຊ້ເງິນສົດ ແລະໃຫ້ ຄວາມຊ່ວຍເຫຼືອຜູ້ທີ່ບໍ່ສາມາດເຂົ້າເຖິງແຫຼ່ງເງິນທຶນຄືທະນາຄານ ຫຼື ສະຖາບັນການເງິນເນື່ອງຈາກໂຄງສ້າງພື້ນຖານທາງການເງິນທີ່ຫຍຸ້ງ ຍາກໃນປະຈຸບັນ ໂດຍ  Libra  ເປັນສະກຸນເງິນດິຈິທັລແບບໂອເພນຊອສທີ່ເປີດໂອກາດໃຫ້ນັກພັດທະນາທົ່ວໂລກສາມາດສ້າງແພລຕຟອມ ຫຼື ບໍລິການອື່ນໆມາເຊື່ອມຕໍ່ໄດ້ດ້ວຍນອກເໜືອຈາກ Libra ແລ້ວ  Facebook  ຍັງເປີດໂຕ Cali bra ກະເປົ໋າເງິນດິຈິທັລ (digital wallet) ທີ່ມີໄວ້ຮອງຮັບການ ຮັບສົ່ງເງິນສະກຸນ Libra ຜ່ານແອພແຊທ ຄື Messenger,WhatApp ຊຶ່ງຈະເຮັດໃຫ້ການຮັບສົ່ງເງິນ Libra ນັ້ນສາມາດ ເຮັດໄດ້ທັນທີເໝືອນສົ່ງຂໍ້ຄວາມຮູບພາບໃຫ້ຄູ່ສົນທະນາ ໂດຍບໍ່ມີຄ່າທຳນຽມໃດໆທັງສິ້ນ ແລະໃນ ອະນາຄົດ Facebook ລະບຸວ່າຕ້ອງການເພີ່ມບໍລິການເຮັດທຸລະກຳການເງິນໃຫ້ຊັບຊ້ອນຂຶ້ນເຊັ່ນການເພີ່ມປຸ່ມຈ່າຍບິລລາຍເດືອນ,ຈ່າຍເງິນຊື້ກາເຟຜ່ານການສະແກນຄິວອາຣໂຄດ ໄປຈົນເຖິງການ ຊຳລະຄ່າໂດຍສານບໍລິການສາທາລະນະ ໂດຍບໍ່ຕ້ອງຖືເງິນສົດ ຫຼື ປີ້ໂດຍສານອີກຕໍ່ໄປ.

ສຳລັບ Calibra ນັ້ນ Facebook ຢືນຢັນວ່າຈະເປັນກະເປົ໋າເງິນດີຈິທັລທີ່ມີຄວາມປອດໄພໃນການໃຊ້ງານສູງ ໂດຍສະເພາະການເຂົ້າເຖິງ ແລະແຊຣຂໍ້ມູນທາງການເງິນຈາກເຈົ້າຂອງກະເປົ໋າເງິນດັ່ງກ່າວນັ້ນຈະມີຂະບວນການຢືນຢັນຢ່າງຮັດກຸ່ມແບບດຽວກັບທີ່ທະນາຄານ ແລະບັດເຄຣດິດໃຊ້ຢູ່ໃນປະຈຸບັນພ້ອມກັນນີ້ຜູ້ໃຊ້ງານຍັງສາມາດຕິດຕໍ່ສອບຖາມ ຫຼື ຂໍຄວາມ ຊ່ວຍເຫຼືອກັບທາງໜ່ວຍງານສະ ແຕນບາຍຂອງ Calibra ຜ່ານ ແອັບແຊທ Messenger ແລະ WhatApp ຕະຫຼອດ 24 ຊົ່ວ ໂມງບໍ່ມີມື້ພັກ.

ພາບ  ແລະຂາ່ວຈາກ: ໜັງສືພິມເສດຖະກິດ-ສັງຄົມ

 

แชร์