ສືບຕໍ່ໃຫ້ທຶນໂຄງການວັດທະນະທຳໃນລາວ

  ລັດຖະບານສະວິດເຊີແລນ ເປີດຮັບສະໝັກໂຄງການກອງທຶນ ວັດທະນະທຳ  Lao Culture Fund-LCF ເພື່ອສະໜອງທຶນສະໜັບສະໜູນດ້ານງົບປະມານ  ແລະການຝຶກອົບຮົມໃຫ້ແກ່ອົງການທຸລະກິດ, ອົງການຈັດຕັ້ງທາງສັງຄົມເພື່ອສົ່ງເສີມສິນລະປະທາງດ້ານວັດທະ ນະທຳໃນ ສປປ ລາວ ພາຍໃຕ້ຫົວ ຂໍ້: “ວັດທະນະທໍາ, ໂດຍ ແລະ ເພື່ອປະຊາຊົນລາວ” ພິທີຖະແຫຼ່ງ ຂ່າວເປີດກອງທຶນດັ່ງກ່າວໄດ້ຈັດ ຂຶ້ນວັນທີ 30 ກໍລະກົດ 2019 ທີ່ນະຄອນຫຼວງວຽງຈັນ ນຳສະເໜີໂດຍທ່ານ ຄຣິດສະຕົຟ ບືເກີນ ເນີ ຜູ້ອຳນວຍການຫ້ອງຫານເພື່ອ ພັດທະນາ ແລະຮ່ວມມືກັບປະເທດ ສະວິດເຊີແລນປະຈຳລາວ ມີບັນດາແຂກທີ່ຖືກເຊີນ ແລະສື່ມວນ ຊົນເຂົ້າຮ່ວມ.

ທ່ານ ຄຣິດສະຕົຟ ບືເກີນເນີ ໄດ້ກ່າວວ່າ: ປະເທດສະວິດເຊີ ແລນມີນະໂຍບາຍໃຫ້ 1% ຂອງ ງົບປະມານເພື່ອແນ່ໃສ່ການສະ ໜັບສະໜູນສົ່ງເວັດທະນະທຳຊຶ່ງນະໂຍບາຍດັ່ງກ່າວຖືກຈັດຕັ້ງ ປະຕິບັດພາຍໃຕ້ງົບປະມານໂຄງ ການຂອງຫ້ອງການເພື່ອພັດທະນາ ແລະຮ່ວມມືກັບປະເທດສະວິດເຊີ ແລນ ທີ່ໄດ້ເລີ່ມສ້າງຕັ້ງແຕ່ປີ 2017-2021 ຊຶ່ງມີມູນຄ່າທັງ ໝົດ 26 ລ້ານໂດລາ ຫຼື ປະມານ 223,6 ຕື້ກີບ ກອງທຶນດັ່ງກ່າວນີ້ແມ່ນໄດ້ສະໜັບສະໜູນໃຫ້ແກ່ອົງກອນທຸລະກິດ ແລະອົງກອນຈັດ ຕັ້ງທາງສັງຄົມທີ່ເຄື່ອນໄຫວກ່ຽວ ກັບຜະລິດຕະພັນທາງດ້ານວັດ ທະນະທຳໃນລາວບໍ່ວ່າຈະເປັນ ການສະແດງບົດຟ້ອນ, ຮ້ອງເພງ ທີ່ເປັນສິລະປະເສີມສ້າງເອກະລັກຂອງທ້ອງຖິ່ນຂອງຊາດລາວເພື່ອ ຊຸກຍູ້ໃຫ້ສົ່ງເສີມໃຫ້ມີບົດບາດ, ພັດທະນາດ້ານວັດທະນະທຳ ແລະຍົກລະດັບຂອງສັງຄົມລາວສູງຂຶ້ນ.

ເພື່ອໃຫ້ອົງການທີ່ເຄື່ອນໄຫວທາງດ້ານວັດທະນະທຳໃນລາວທີ່ ຍັງຂາດທຶນໄດ້ດຳເນີນກິດຈະການຕໍ່ໄປຫ້ອງການເພື່ອພັດທະນາ ແລະຮ່ວມມືກັບປະເທດສະວິດເຊີແລນ ໄດ້ສືບຕໍ່ເປີດກອງທຶນພ້ອມສະໜັບ ສະໜູນໂຄງການວັດທະນະທຳອີກ ຕໍ່ໄປ ໂດຍເປີດຮັບສະໝັກແຕ່ວັນທີ 30 ກໍລະກົດຈົນຮອດວັນທີ 30 ສິງຫາ 2019, ສຳລັບໂຄງການຄັ້ງ ນີ້ແມ່ນພາຍໃຕ້ຫົວຂໍ້ “ວັດທະນະທຳລາວ, ໂດຍ  ແລະເພື່ອປະຊາຊົນ ລາວ” ຊຶ່ງໄດ້ແບ່ງອອກເປັນ 2 ຮູບ ແບບຄື: ທຶນສະໜັບສະໜູນ ແລະ ການຝຶກອົບຮົມນັບແຕ່ປີ 2014 ຜ່ານມາຫ້ອງຫານເພື່ອພັດທະນາ ແລະຮ່ວມມືກັບປະເທດສະວິດເຊີ ແລນໄດ້ສະໜັບສະໜູນໃນການຜະ ລິດ, ໂຄສະນາ, ການກະຈາຍຂະ ແໜງວັດທະນະທຳລາວ, ການຝຶກ ອົບຮົມ ແລະການສ້າງກິດຈະກໍາ ຕ່າງໆທົ່ວປະເທດທັງໝົດມີ 30 ໂຄງການ ແລະມີສ່ວນຮ່່ວມເປັນ ມູນຄ່າ 5 ແສນກວ່າໂດລາ ຫຼື ປະ ມານ 4,3 ຕື້ກີບ

ພາບ  ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์