ຫຼວງນ້ຳທາຈະເປີດນຳໃຊ້ລະບົບທັນສະໄໝ ຄຸ້ມຄອງລາຍຮັບສ່ວຍສາອາກອນ

  ວັນທີ 30 ກໍລະກົດ 2019 ຜ່ານມາທີ່ສະໂມສອນແຂວງຫຼວງນໍ້າທາ ໄດ້ຈັດພິທີເຜີຍແຜ່ການນຳໃຊ້ລະບົບຂໍ້ມູນຂ່າວສານຄຸ້ມຄອງເກັບລາຍຮັບສ່ວຍສາອາ ກອນ (Tax RIS )ໃຫ້ແກ່ບັນດາອົງການຈັດຕັ້ງລັດ ແລະຫົວໜ່ວຍທຸລະກິດທົ່ວແຂວງຫຼວງນໍ້າທາ, ໂດຍການເປັນປະທານຂອງ ທ່ານ ອ່ອນຈັນ ຄຳພາວົງ ຫົວໜ້າພະແນກການເງິນແຂວງ, ມີກົມສ່ວຍສາອາກອນ, ສະຖາບັນການເງິນ ແລະຄັງເງິນແຫ່ງຊາດ ແລະບັນດາອົງການຈັດຕັ້ງລັດ ແລະ ຫົວໜ່ວຍທຸລະ ກິດທົ່ວແຂວງເຂົ້າຮ່ວມ.

  ເພື່ອອໍານວຍຄວາມສະດວກໃນການແຈ້ງມອບອາກອນຂອງຜູ້ເສຍອາກອນໃຫ້ນັບມື້ນັບດີຂຶ້ນທຽບເທົ່າກັບສາກົນ, ປັບປຸງກົນໄກການແຈ້ງມອບໃຫ້ທຸກຊັ້ນຄົນ ທຸກຊົນເຜົ່າໄດ້ຮັບຄວາມຍຸຕິທໍາ ຕາມລະບຽບກົດໝາຍ, ຮັບປະກັນ ໃຫ້ທຸກເມັດເງິນອາກອນຈາກຜູ້ເສຍອາກອນເຂົ້າງົບປະມານແຫ່ງລັດຢ່າງລວມສູນ, ມີຄວາມຖືກ ຕ້ອງໂປ່ງໃສ ແລະສາມາດກວດສອບໄດ້, ແຂວງຫຼວງນໍ້າທາຈິ່ງໄດ້ເປີດການນຳໃຊ້ລະບົບຂໍ້ມູນຂ່າວສານຄຸ້ມຄອງລາຍຮັບສ່ວຍສາອາກອນ (Tax RIS ) ຂຶ້ນ ຢ່າງເປັນທາງການ, ຊຶ່ງເປັນວຽກ ງານໜຶ່ງໃນການພັດທະນາທີ່ທັນ ສະໄໝຂອງກະຊວງການເງິນທີ່ ໄດ້ນໍາໃຊ້ທຶນຢ່າງຫຼວງຫຼາຍໃນການພັດທະນາລະບົບດັ່ງກ່າວ ແລະຜັນຂະຫຍາຍລະບົບລົງສູ່ແຂວງ ແລະເມືອງອີງຕາມນະໂຍບາຍຂອງລັດຖະບານໃນການປັບປຸງວຽກງານບໍລິການຂອງອົງການຈັດຕັ້ງຂອງພັກ-ລັດ, ໃນປະ ຈຸບັນທີ່ມີຄວາມສັບສົນຫຼາຍຂອດ ຂັ້ນຕອນທ່ວງດຶງເວລາໃຫ້ມີ ຄວາມສະດວກວອງໄວ ແລະຕອບ ສະໜອງຄວາມຮຽກຮ້ອງຕ້ອງການຂອງພາກທຸລະກິດໃນຍຸກເສດຖະກິດດີຈິຕອລ, ເປົ້າໝາຍລວມແມ່ນເພື່ອເພີ່ມລາຍຮັບງົບປະມານການແຈ້ງມອບອາກອນໃຫ້ມີຄວາມຊັດເຈນ, ສ້າງຄວາມໂປ່ງ ໃສຍຸດຕິທໍາ ແລະສາມາດກວດຄືນໄດ້ນອກຈາກກະຊວງການເງິນ ແລ້ວກະຊວງອຸດສາຫະກໍາ ແລະ ການຄ້າກໍ່ໄດ້ປັບປຸງຫຼຸດລົງຫຼາຍຂັ້ນຕອນ ແລະ ເອກະສານປະກອບຂໍອະນຸຍາດສ້າງຕັ້ງວິສາຫະກິດເວົ້າສະເພາະແມ່ນວຽກງານຄຸ້ມຄອງ ແລະອອກໃບທະບຽນວິສາຫະກິດລະບົບ ERC ໃນປະຈຸບັນແມ່ນເສື່ອມຕໍ່ຂໍ້ມູນໃນການອອກ ເລກປະຈໍາຕົວ, ຜູ້ເສຍອາກອນ ຮ່ວມກັນກັບລະບົບ (Tax RIS) ສ່ວນຂະແໜງທະນາຄານທຸລະກິດແມ່ນນໍາໃຊ້ລະບົບທັນສະໄໝຫຼາຍຮູບແບບໃນການຊໍາລະເງິນຜ່ານລະບົບທະນາຄານ ແລະ ປະຈຸບັນມີ 4 ທະນາຄານທຸລະກິດເຊື່ອມຕໍ່ຂໍ້ມູນການມອບພັນທະກັບຄັງເງິນແຫ່ງຊາດຢູ່ສູນກາງ ແລະ ທ້ອງ ຖິ່ນ, ສໍາລັບແຂວງຫຼວງນໍ້າທາຈະເປິດການນໍາໃຊ້ລະບົບຂໍ້ມູນຂ່າວສານຄຸ້ມຄອງເກັບລາຍຮັບສ່ວຍສາອາກອນ TaxRIS ເລີ່ມແຕ່ເດືອນສິງຫາປີ  2019 ເປັນຕົ້ນໄປ.

  ໃນໄລຍະຜ່ານມາພັກ ແລະລັດທະບານກໍ່ຄືກະຊວງການເງິນໄດ້ ສຸມທຶນຮອນເຂົ້າໃນການພັດທະນາການຄຸ້ມຄອງລາຍຮັບຂອງສ່ວຍສາອາກອນໃຫ້ທັນສະໄໝ ໂດຍນຳໃຊ້ລະບົບ TMIS ແລະ Easy Tax ທີ່ນຳໃຊ້ໃນປະຈຸບັນຊຶ່ງເປັນລະບົບທີ່ໄດ້ພັດທະນາຕໍ່ຍອດຈາກໂຄງການ 96/005 ເປັນລະບົບເກົ່າ ແລະໄດ້ຊ່ວຍໃຫ້ວຽກງານຂະແໜງການເງິນກໍ່ຄືສ່ວຍສາອາກອນປະສົບຜົນສໍາເລັດຫຼາຍດ້ານໂດຍພື້ນຖານ, ເຖິງຢ່າງໃດກໍ່ຕາມຄຽງຄູ່ກັບຜົນສຳເລັດ, ການອໍານວຍຄວາມສະດວກໃຫ້ແກ່ຜູ້ເສຍອາກອນ ແລະການແຈ້ງມອບອາກອນເມື່ອທຽບກັບສາກົນແມ່ນຍັງຢູ່ໃນລະດັບຕໍ່າ, ລັດຖະບານຈິ່ງໄດ້ລົງທຶນເງິນກູ້ຜ່ອນຜັນຂອງ ED CF ຂອງລັດ ຖະບານ ສ ເກົາຫຼີ ມູນຄ່າເງິນກູ້  28 ,5 ລ້ານໂດລາ ແລະທຶນສົມທົບ ຂອງລັດຖະບານລາວ 4 ລ້ານໂດລາ ລວມມູນຄ່າທັງໝົດຂອງໂຄງການ 32.5 ລ້ານໂດລາສະຫະລັດ,ເພື່ອຫັນວຽກງານການຄຸ້ມຄອງລາຍຮັບສ່ວຍສາອາກອນເປັນທັນສະໄໝຕາມແຜນຍຸດທະສາດຂອງກະຊວງການເງິນ ແລະ ວຽກ ງານຫັນເປັນທັນສະໄໝຂອງສ່ວຍສາອາກອນຕື່ມອີກ, ສ່ວນການຈັດຕັ້ງຜັນຂະຫຍາຍໂຄງການພັດທະນາລະບົບຂໍ້ມູນຂ່າວສານຄຸ້ມຄອງເກັບລາຍຮັບສ່ວຍສາອາກອນ TaxRIS, ມາຮອດປະຈຸບັນນີ້ໄດ້ມີການນໍາໃຊ້ລະບົບດັ່ງກ່າວຢູ່ກົມສ່ວຍສາອາກອນ, ສ່ວຍສາອາກອນປະຈໍາ 5 ແຂວງ (ນະຄອນຫຼວງວຽງຈັນ, ວຽ ງຈັນ, ນະຄອນຫຼວງພະບາງ, ສະຫວັນນະເຂດ ແລະຈໍາປາສັກ) ແລະສ່ວຍສາອາກອນປະຈໍາ 5 ເມືອງ (ເມືອງຈັນທະບູລີ, ສີໂຄດ, ໄຊເສດຖາ, ສີສັດຕະນາກ ແລະນະ ຄອນຫຼວງພະບາງ).

 --------------------

ຂຽນໂດຍ: ມຸນຕີ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์