ຫວຽດນາມກຽມຮັບມືສິ່ງທາ້ທາຍຈາກຂໍ້ຕົກລົງການຄ້າເສລີເອີຣົບ

  ທ່ານ ເຈິ່ນ ຍືຕຸງ ຮອງປະ ທານບໍລິສັດThanh Cong Textile Garment Investment Trading (TCM)  ຢູ່ນະຄອນ ໂຮຈີ່ມິນກ່າວວ່າ ຂໍ້ຕົກລົງການຄ້າ ເສລີສະບັບໃໝ່ທີ່ສສຫວຽດນາມ ລົງນາມກັບສະຫະພາບເອີຣົບ (ອີ ຢູ) ເປັນທັງໂອກາດທີ່ຍິ່ງໃຫຍ່ ແລະສິ່ງທີ່ທ້າທາຍໃນເວລາດຽວ ກັນ.

ຕາມຂ່າວຕ່າງປະເທດລາຍ ງານວ່າ ບໍລິສັດ TCM  ກຳລັງວາງ ແຜນທີ່ຈະຂະຫຍາຍກິດຈະການ ໂດຍຄາດວ່າຈະໄດ້ຮັບຄຳສັ່ງຊື້ເຂົ້າມາເປັນຈຳນວນຫຼາຍທີ່ເປັນ ຜົນມາຈາກຂໍ້ຕົກລົງການຄ້າເສລີ ສະຫະພາບເອີຣົບ-ຫວຽດນາມ (EVFTA), ຊຶ່ງຂໍ້ຕົກລົງນີ້ເປັນ ຕົວປ່ຽນເກມທີ່ຈະປູທາງສຳລັບເຄື່ອງນຸ່ງຫົ່ມຂອງຫວຽດນາມເຂົ້າຄອງຕະຫຼາດເອີຣົບ, ນັກວິເຄາະ ກ່າວວ່າ ເຄື່ອງນຸ່ງຫົ່ມທີ່ມີມູນຄ່າ ປະມານ 10% ຂອງການສົ່ງອອກຂອງຫວຽດນາມແລະປະຈຸບັນຢູ່ ພາຍໃຕ້ອັດຕາພາສີອາກອນຂອງອີຢູປະມານ 9% ມີທ່າອຽງທີ່ຈະ ໄດ້ຮັບຜົນປະໂຫຍດຫຼາຍສຸດຈາກຂໍ້ຕົກລົງເອຟທີເອ, ໂດຍຜູ້ຜະລິດເຄື່ອງແບບບໍລິສັດ ແລະຊຸດກີລາຈະໄດ້ຮັບຄຳສັ່ງຊື້ເພີ່ມຂຶ້ນ 15%, ຊຶ່ງຈາກຂໍ້ຕົກລົງການຄ້າເສລີຫຼາຍ ກວ່າ 12 ສະບັບ ເຮັດໃຫ້ຫວຽດນາມກາຍເປັນຈຸດເຊື່ອມຕໍ່ສຳຄັນໃນຕ້ອງໂສ້ອຸປະທານການຜະລິດຂອງໂລກ.

ຂໍ້ຕົກລົງການຄ້າເສລີສະຫະ ພາບເອີຣົບຫວຽດນາມຍັງນໍາມາອີກໜຶ່ງຄວາມທ້າທາຍສຳລັບອຸດສາຫະກຳເຄື່ອງນຸ່ງຫົ່ມຂອງຫວຽດນາມຄືກົດລະບຽບທີ່ເຂັ້ມງວດ ກ່ຽວກັບປະເທດຕົ້ນທາງຂອງວັດຖຸດິບຫຼືການປ່ຽນແປງສະພາບສິນຄ້າສອງເທື່ອ.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์