ຈີນພັດທະນາລົດໄຟແລ່ນໄດ້ທຸກລາງ

      ສປ ຈີນ ພັດທະນາລົດໄຟ ແລ່ນໄດ້ທຸກລາງ ຊຶ່ງແລ່ນດ້ວຍ ຄວາມໄວ 400 ກິໂລແມັດຕໍ່ຊົ່ວ ໂມງ ຊ່ວຍເດີນທາງຂ້າມທະວີບ ໄດ້ງ່າຍຂຶ້ນ.

ຕາມຂ່າວຊິນຮວາລາຍງານວ່າບໍລິສັດຊີອາອາຊີຄໍເປີເຣຊັນ ລິມິເຕັດ (CRRC) ຜູ້ຜະລິດລົດໄຟລາຍໃຫຍ່ທີ່ສຸດຂອງຈີນເປີດເຜີຍການພັດທະນາລົດໄຟທີ່ແລ່ນໄດ້ເທິງລາງທຸກຂະໜາດ (variable-gauge) ແລະແລ່ນດ້ວຍຄວາມໄວສູງສຸດ 400 ກິໂລແມັດ ຕໍ່ຊົ່ວໂມງ. ທ່ານ ອະວີ່ເວີຜິງຮອງປະທານບໍລິສັດ CRRC ກ່າວວ່າລົດໄຟລຸ້ນໃໝ່ຈະສາມາດແລ່ນເທິງລາງມາດຕະຖານ, ລາງແຄບ ແລະລາງກ້ວາງຊຶ່ງຊ່ວຍອຳນວຍ ຄວາມສະດວກຕໍ່ການເດີນທາງຂ້າມທະວີບໄດ້ງ່າຍດາຍຂຶ້ນ, ໂດຍ ຊີອາອາຊີກຳລັງປະຍຸກໃຊ້ເຕັກໂນໂລຊີການກວດຈັບອັດສະລິຍະ,ຄັງຂໍ້ມູນຂະໜາດໃຫຍ່,ປັນຍາປະ ດິດ (AI) ແລະເຕັກໂນໂລຊີອື່ນໆ ເພື່ອສ້າງການເດີນທາງທີ່ປອດ ໄພ,ສະດວກສະບາຍ ແລະເປັນມິດກັບຜູ້ໂດຍສານຫຼາຍຂຶ້ນ.

ທັງນີ້ຊີອາອາຊີມີສຳນັກງານໃຫຍ່ຢູ່ນະຄອນຫຼວງປັກກິ່ງຖືເປັນຜູ້ຜະລິດອຸປະກອນລົດໄຟລາຍໃຫຍ່ທີ່ສຸດໃນໂລກໂດຍມີລົດໄຟຄວາມໄວສູງເປັນສັນຍາລັກສຳຄັນທີ່ສະແດງຄວາມສຳເລັດໃນການພັດທະນາຂອງຈີນສູ່ສາຍຕາຊາວໂລກ.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์