ບໍລິສັດ ນິວຈິບເຊັງ ມອບໂຊກໃຫ້ລູກຄ້າ

  ບໍລິສັດນິວຈິບເຊັງຈຳກັດ ໄດ້ແຈກໂຊກໃຫ້ກັບລູກຄ້າທີ່ໄດ້ສົ່ງຄຳຕອບແບບສອບຖາມການນຳໃຊ້ລົດຈັກຊຶ່ງຜູ້ໂຊກດີທີ່ໄດ້ຮັບລາງວັນລົດຈັກຮອນດ້າເວບ 100 ຈຳນວນ 1 ຄັນມູນຄ່າ 11,79 ລ້ານກີບ ແມ່ນນາງ ລັດສະໝີ ອຸດົມຈັນ ໃຫ້ກຽດມອບໂດຍ ທ່ານ ສົມສັກ ຈະເລີນ ຜົນຜູ້ອຳນວຍການໃຫຍ່ບໍລິສັດນິວຈິບເຊັງຈຳກັດ.

 ການຈັບສະຫຼາກລາງວັນຄຳຕອບແບບສອບຖາມຂໍ້ມູນການນຳໃຊ້ລົດຈັກໄດ້ຈັດຂຶ້ນໃນວັນທີ 19 ເດືອນກໍລະກົດ 2019 ທີ່ຜ່ານມາຊຶ່ງຜູ້ໂຊກດີຊື່ນາງ ລັດສະໝີ ອຸດົມຈັນ ອາຍຸ 42 ປີ. ຢູ່ບ້ານສົມຫວັງເໜືອ ເມືອງຫາດຊາຍຟອງ ນະຄອນຫຼວງວຽງຈັນ ໄດ້ຊື້ລົດຈັກຮອນດ້າເວບ100 ໃນປີ 2018.

  ກິດຈະກຳຄຳຕອບແບບສອບຖາມການນຳໃຊ້ລົດຈັກມີລູກຄ້າສົ່ງໃບສະຫຼາກຫຼາຍກວ່າ 12 ພັນ ໃບນັບແຕ່ປີ 2016-2018 ແຕ່ລະຄົນສົ່ງມາ 1 ໃບ ເທົ່ານັ້ນຖືວ່າ ເປັນຜູ້ໂຊກດີແທ້ໆສຳລັບຜູ້ທີ່ໄດ້ຮັບລາງວັນດັ່ງກ່າວ.

---------------------

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

• 30/07/2019