ມານວດຮ້ານສະປານະວຽງຈັນມື້ນີ້ ມີສ່ວນຫຼຸດ 20%

ຮ້ານສະປານະວຽງຈັນ ຖືເປັນອີກໜຶ່ງທີ່ໃຫ້ບໍລິການນວດພື້ນເມືອງລາວ ແລະສະປາດ້ວຍສະໝຸນໄພທຳມະຊາດຊຶ່ງມີໝໍນວດຜູ້ທີ່ມີປະສົບການ ແລະຄວາມຊຳ ນິຊໍານານຫຼາຍປີມານວດເພື່ອເຮັດໃຫ້ມີຄວາມຜ່ອນຄາຍຈາກອິດເມື່ອຍກັບການເຮັດວຽກໜັກ ແລະ ຜ່ອນຄາຍຄວາມຕຶງຄຽດໃນຮ່າງກາຍໃນໂອກາດສະ ເຫຼີມສະຫຼອງວັນເປີດຮ້ານຄົບຮອບ 2 ປີລູກຄ້ ທີ່ເຂົ້າໃຊ້ບໍລິການໃນເດືອນກໍລະກົດນີ້ແມ່ນຈະມີສ່ວນຫຼຸດ 20% ຂອງລາຍການສະປາໜ້າ ແລະ ສະປາຜີວ.

ທ່ານ ນາງ ແພງສີ ນໍລິນທາ ອຳນວຍການຮ້ານສະປານະວຽງຈັນ ໃຫ້ສຳພາດວ່າ: ຮ້ານເຮົາເປີດບໍລິການເດືອນມິຖຸນາ 2017 ແຮງບັນດານໃຈຢາກເຮັດທຸລະ ກິດນີ້ພາະວ່າເມື່ອກ່ອນຕົນເອງເຄີຍໄດ້ເຮັດວຽກໜັກຈົນເກີດມີບັນຫາປວດຫົວ, ເຈັບເສັ້ນຕາມຮ່າງກາຍຈາກນັ້ນໄດ້ມາໃຊ້ບໍລິການນວດຜ່ອນຄາຍໃນຮ້ານນວດສະປາແຫ່ງໜຶ່ງແລ້ວເກີດມີຄວາມປະທັບໃຈເລີຍຕັດສິນໃຈມາເປີດທຸລະກິດສະປານີ້ເປັນຂອງຕົນເອງເພື່ອຜ່ອນຄາຍຄວາມອິດເມື່ອຍ ແລະຄວາມຕຶງຄຽດໃຫ້ຜູ້ທີ່ເຮັດວຽກໜັກໄດ້ມີສຸຂະພາບແຂງແຮງໃນນີ້ຊຶ່ງຈະມີນວດພື້ນເມືອງລາວ, ນວດຫຼັງ-ບ່າໄລ່, ນວດຕີນ, ນວດປະຄົບ, ແວັກ ຂົນ, ຕົບໜ້າທ້ອງ, ນວດນໍ້າມັນນອກນັ້ນຍັງມີສະປາໜ້າ ແລະສະປາຜີວ-ຮົມຢາ ດ້ວຍສະໝຸນໄພໂດຍມີລາຄາເລີ່ມຕົ້ນ 70 ພັນກີບ ຫາ 3 ແສນກີບ.

ຮ້ານສະປານະວຽງຈັນເປັນຮ້ານນວດແບບບູຮານໂດຍໃຊ້ສະໝຸນໄພທຳມະຊາດ ແລະເປັນສະຖານທີ່ອອກແບບຕົບແຕ່ງແບບບູຮານລາວທີ່ປະສົມປະສານກັບຍຸກໃໝ່ເປັນສະຖານທີ່ສະອາດມີບັນຍາກາດເຢັນສະບາຍ, ງຽບສະຫງົບດີເວລາລູກຄ້າເຂົ້ານວດຈະມີສຽງດົນຕີພື້ນເມືອງຂັບກ່ອມແບບເບົາໆ ເໝາະສົມແກ່ການພັກຜ່ອນສິ່ງສໍາຄັນກວ່ານັ້ນທາງຮ້ານແມ່ນເນັ້ນການບໍລິການທີ່ມີຄຸນນະພາບ ແລະ ປະທັບໃຈຊຶ່ງສາມາດເຮັດໃຫ້ຄວາມອິດເມື່ອຍຫາຍໄປພ້ອມທັງເປັນຜົນດີຕໍ່ສຸຂະພາບຮ່າງກາຍຜີວພັນອີກດ້ວຍຜ່ານການດຳເນີນທຸລະກິດຈົນຮອດປະຈຸບັນຜົນຕອບຮັບຈາກລູກຄ້າຖືວ່າໄດ້ດີພໍສົມຄວນໂດຍສະເພາະໄລຍະທີ່ມີລູກຄ້າຫຼາຍທີ່ສຸດແມ່ນໄລຍະຕົ້ນປີ ແລະທ້າຍປີ.

  ປະຈຸບັນແມ່ນມີໂປຣໂມຊັນສ່ວນຫຼຸດໃຫ້ແກ່ລູກຄ້າ 20% ຂອງລາຍການສະປາໜ້າ ແລະສະປາຜີວພ້ອມມີລາຄາພິເສດເມື່ອເຂົ້າເປັນສະມາຊິກຄື: ເມື່ອຊື້ແພັກເກັດຂອງລາຍການໃດໜຶ່ງ 10 ຊົ່ວໂມງ ທາງຮ້ານຈະນວດໃຫ້ຕື່ມອີກ 2 ຊົ່ວໂມງ ແພັກເກັດແມ່ນກໍານົດ ໃຊ້ເປັນເວລາ 1 ປີ ທັງໝົດນີ້ຮ້ານເຮົາຍິນດີເປັນຜູ້ຊ່ວຍດູແລເບິ່ງແຍງສຸຂະພາບດ້ວຍການບໍລິການນວດຜ່ອນຄາຍໃຫ້ແກ່ສົງຄົມ ແລະ ສ້າງຄວາມພຶງພໍໃຈໃຫ້ແກ່ລູກຄ້າຕະຫຼອດໄປສຳລັບທ່ານໃດຢາກມາຜ່ອນຄາຍຄວາມຕຶງຄຽດໃນຮ່າງກາຍກໍ່ສາມາດລອງໃຊ້ບໍລິການນຳຮ້ານສະປານະວຽງຈັນໄດ້ທີ່ບ້ານທາດຫຼວງໃຕ້ ເມືອງໄຊເສດຖາ ນະຄອນຫຼວງວຽງຈັນ ຫຼື ຕິດຕໍ່ທາງເຟດສ໌ບຸກ: Spa na Vientiane ເບີໂທລະສັບ: 021 265553, 020 55711662 ແລະ020 23888803.

-------------------------

ໂດຍ: ສົມຄິດ ແກ້ວນວນລາ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์