ບໍ່ຢົກມຽນມາຖະຫຼົ່ມເສຍຊີວິດ 18 ຄົນ

   ເກີດເຫດບໍ່ຢົກຖະຫຼົ່ມໃນລັດກະສິ່ນທາງພາກເໜືອຂອງ ມຽນມາ, ກຳມະກອນ ແລະເຈົ້າໜ້າທີ່ຮັກສາຄວາມປອດໄພເສຍຊີວິດຢ່າງໜ້ອຍ 18 ຄົນ ເຈົ້າໜ້າທີ່ກູ້ໄພກຳລັງເລັ່ງຄົ້ນຫາຜູ້ສູນຫາຍ.

ຕາມຂ່າວຕ່າງປະເທດລາຍ ງານວ່າ ຫຼ້າສຸດເຈົ້າໜ້າທີ່ກູ້ໄພລາຍງານການເກີດເຫດດິນເຈື່ອນທີ່ບໍ່ ຢົກໃນເມືອງຜາກັ້ນສູນກາງທຸລະກິດຢົກເຈົ້າໜ້າທີ່ຊ່ວຍຊີວິດຊາຍ ບາດເຈັບໄດ້ 2 ຄົນ ພ້ອມທັງສົ່ງຕົວໄປໂຮງໝໍທ້ອງຖິ່ນແລ້ວ ແລະ ມີຜູ້ເສຍຊີວິດ 18 ຄົນ, ຕຳຫຼວດເປີດເຜີຍວ່າຝົນຕົກໜັກໃນພື້ນທີ່ ແຫ່ງນີ້ໃນອາທິດທີ່ຜ່ານມາເປັນເຫດເຮັດໃຫ້ດິນເຈື່ອນທາງເໜືອຂອງບໍ່ຢົກແລ້ວຕົກມາປະມານ 200 ແມັດທັບກຳມະກອນທີ່ນອນຫຼັບຢູ່ດ້ານລຸ່ມທັງທີ່ກົດໝາຍໃໝ່ ຫ້າມຂຸດຄົ້ນບໍ່ແຮ່ໃນລະດູຝົນລະຫວ່າງເດືອນກໍລະກົດຫາເດືອນກັນຍາແຕ່ຍັງມີກຳມະກອນຈຳນວນໜຶ່ງເຮັດວຽກຢູ່ພາຍໃນຂະນະນີ້ເຈົ້າໜ້າທີ່ຍັງເດີນໜ້າຄົ້ນຫາຜູ້ສູນຫາຍ.

ຍອດຈຳໜ່າຍຢົກໃນມຽນມາມີມູນຄ່າ 671 ລ້ານເອີໂຣ (750  ລ້ານໂດລາສະຫະລັດ) ໃນປີ 2017- 2018 ຕາມຂໍ້ມູນການ ເຜີຍແພ່ ໂດຍລັດຖະບານແຕ່ນັກວິເຄາະເຊື່ອວ່າມູນຄ່າທີ່ແທ້ຈິງຂອງອຸດສາຫະກຳທີ່ສ່ວນໃຫຍ່ສົ່ງອອກຢົກໄປ ສປ ຈີນ ມີຫຼາຍ ກວ່າທີ່ລະບຸໄວ້.

ພາບ ແລະຂາ່ວຈາກ: ໜັງສຶພິມເສດຖະກິດ-ສັງຄົມ

• 30/07/2019