ມາເລເຊຍສືບຕໍ່ດຳເນີນໂຄງການເສັ້ນທາງລົດໄຟ

   ມາເລເຊຍສືບຕໍ່ດຳເນີນໂຄງການລົດໄຟສາຍຝັ່ງຕາເວັນອອກ ໂດຍທາງມາເລເຊຍຊີ້ວ່າການກໍ່ສ້າງຈະໃຊ້ແຮງງານທ້ອງຖີ່ນ 70%.

ຕາມຂ່າວຕ່າງປະເທດລາຍງານວ່າ ມາເລເຊຍສືບຕໍ່ດຳເນີນໂຄງການເສັ້ນທາງລົດໄຟທີ່ໄດ້ຮັບການສະໜັບສະໜູນຈາກສປ ຈີນມູນຄ່າ 10 ຕື້ໂດ ລາສະຫະລັດພາຍຫຼັງຢຸດຕິໂຄງການດັ່ງກ່າວເມື່ອປີກາຍນີ້ ໂດຍມີ ທ່ານ ແອນໂທນີໂລດລັດຖະມົນຕີວ່າການກະຊວງການຂົນສົ່ງມາເລເຊຍເຂົ້າຮ່ວມ ເປັນປະທານໃນພິທີເລີ່ມການກໍ່ສ້າງໂຄງການເສັ້ນທາງລົດໄຟໃນລັດຕຣັງການູ. ໂຄງການດັ່ງກ່າວ ມີຄວາມຍາວ 640 ກິໂລແມັດຈາກພາກຕາເວັນອອກສ່ຽງເໜືອຂອງປະເທດໃກ້ກັບຊາຍແດນໄທໄປຍັງຊ່ອງແຄບມາລາກາຊຶ່ງເປັນສ່ວນໜຶ່ງຂອງ ເຄືອຂ່າຍເສັ້ນທາງຄົມມະນາຄົມຈາກພາກໃຕ້ຂອງຈີນຜ່ານອາຊີຕາເວັນອອກສຽງໃຕ້(ອາຊຽນ).

ໂຄງການເສັ້ນທາງລົດໄຟນີ້ປະກອບມີ 20 ສະຖານີ, ມູນຄ່າການກໍ່ສ້າງ44 ຕື້ຣິງກິດ, ໂດຍງົບປະມານ 85% ເປັນການສະໜັບສະໜູນຈາກທະນາຄານເພື່ອການສົ່ງອອກແລະນຳເຂົ້າຂອງຈີນ ແລະຈະສ້າງສຳເລັດໃນປີ 2026.

ພາບ ແລະຂາ່ວຈາກ: ໜັງສຶພິມເສດຖະກິດ-ສັງຄົມ

แชร์