ຫວຽດນາມຢຶດນໍແຮດ 125 ກິໂລກຣາມ ໃນສະໜາມບິນ

  ສສ ຫວຽດນາມເດີນໜ້າທຳລາຍເສັ້ນທາງການຄ້າສັດປ່າຢ່າງຕໍ່ເນື່ອງຫຼ້າສຸດຢຶດນໍແຮດໄດ້ 55 ນໍຫຼໍ່ດ້ວຍສີມັງພາສເຕີໄດ້ກາງສະໜາມບິນນານາຊາດໂນ້ຍບາຍ.

ຕາມຂ່າວຕ່າງປະເທດລາຍງານວ່າທາງການຫວຽດນາມເປີດເຜີຍ ເມື່ອບໍ່ດົນມານີ້ວ່າ ເຈົ້າໜ້າທີ່ພົບວັດຖຸທີ່ຕ້ອງສົ່ງໄສຫຼໍ່ດ້ວຍສີມັງພາສເຕີຢ່າງດີຈຶ່ງຢຶດໄວ້ ແລະແກະອອກມາເບິ່ງພົບວ່າເປັນນໍແຮດ 55 ນໍ ນໍ້າ ໜັກ 125 ກິໂລກຣາມ ຕົ້ນທາງມາຈາກອາຟຣິກາແຕ່ຍັງບໍ່ທັນຮູ້ແຈ້ງ ເທື່ອວ່າເປັນປະເທດໃດ,ໃນວັນດຽວກັນນີ້ເຈົ້າໜ້າທີ່ຫວຽດນາມໄດ້ຈັບກຸມຜູ້ຕ້ອງສົງໄສລັກລອບຄ້າສັດປ່າຄົນສຳຄັນ ແລະຜູ້ຮ່ວມຂະບວນການ ອີກ 2 ຄົນພ້ອມດ້ວຍຊາກເສືອແຊ່ແຂງໃນລົດສ່ວນອາທິດທີ່ຜ່ານມາສິງກະໂປຫາກໍຢຶດງາຊ້າງໄດ້ເກືອບ 9 ໂຕນ ແລະເກັດໂຕລິ່ນຈຳນວນໜຶ່ງ ກຽມສົ່ງໄປຫວຽດນາມ.

ທັງນີ້ລັດຖະບານຫວຽດນາມໃຫ້ຄຳໝັ້ນມາດົນແລ້ວວ່າຈະກຳຈັດການລັກລອບຄ້າສັດປ່າຂ້າມຊາຍແດນແຕ່ຜູ້ຊ່ຽວຊານຊີ້ວ່າການບັງຄັບໃຊ້ກົດໝາຍອ່ອນແອເຮັດໃຫ້ຕະຫຼາດມືດຍັງມີຢູ່ຫຼວງຫຼາຍໃນຫວຽດນາມ.

ພາບ ແລະຂາ່ວຈາກ: ໜັງສຶພິມເສດຖະກິດ-ສັງຄົມ

• 30/07/2019