ຄວາມເຊື່ອຂອງຄົນບູຮານກ່ຽວກັບຕາຂະເໝັ່ນ

  ເຊື່ອວ່າຫຼາຍທ່ານອາດຈະເຄີຍພົບກັບບັນຫາຕາຂະເໝັ່ນຕາ ຫຼື ເສັ້ນຂອບຕາກະຕຸກ ຊຶ່ງຖ້າເວົ້າຕາມຫຼັກວິທະຍາສາດແລ້ວກໍຄືເສັ້ນປະສາດເກີດການກະຕຸກນັ້ນເອງແຕ່ເມື່ອເວົ້າເຖິງຄົນບູຮານແລ້ວເພິ່ນພັດມີຄວາມເຊື່ອເລື່ອງ ລາງບອກເຫດຕ່າງໆທີ່ອາດຈະ ເກີດຂຶ້ນໃນປະຈຸບັນ ແລະອະນາຄົດ.

ສໍາລັບຄວາມເຊື່ອຂອງຄົນບູຮານກ່ຽວກັບຕາຂະເໝັ່ນ (ອາ ການກ້າມຊີ້ນຂອບຕາເຕັ້ນ, ກະຕຸກເປັນບາດຄ່ອຍໆ) ໂດຍເພິ່ນມີ ຄວາມເຊື່ອວ່າ:“ຂວາຮ້າຍຊ້າຍ ດີ”. ຊຶ່ງຕາມຫຼັກຄວາມເຊືື່ອຂອງ ຄົນບູຮານເພິ່ນໄດ້ຈໍາແນກອອກ ເປັນ 2 ໄລຍະຄື: ໄລຍະທີ 1) ຖ້າຕາຂະເໝັ່ນໃນຕອນເຊົ້າ-ສວາຍຄົນບູຮານເວົ້າວ່າ: ຖ້າເປັນເບື້ອງ ຂວາຈະມີໂຊກ, ຈະໄດ້ຮັບຂ່າວດີ ເອີ້ນໄດ້ວ່າ: ຈະສົມຫວັງໃນເລື່ອງ ໃດເລື່ອງໜຶ່ງທີ່ກໍາລັງຖ້າຢູ່ ແລະຖ້າເປັນຕາເບື້ອງຊ້າຍທ່ານຈະໄດ້ຮັບເຄາະຮ້າຍ, ໂຊກຮ້າຍເລື່ອງໃດ ເລື່ອງໜຶ່ງຢ່າງແນ່ນອນເຊັ່ນ: ມີ ການຜິດຖຽງກັນເກີດຂຶ້ນ ຫຼື ຕ້ອງ ສູນເສຍຂອງຮັກບາງຢ່າງໄປ.

ສ່ວນໄລຍະທີ 2) ຖ້າຕາຂະເໝັ່ນໃນຕອນແລງ-ກາງຄືນໃນ ໄລຍະນີ້ບໍ່ວ່າຈະເປັນເບື້ອງຊ້າຍ ຫຼື ຂວາ ໃນຕອນແລງຈະມີໂຊກຈະ ໄດ້ພົບຍາດພີ່ນ້ອງຄົນສະໜິດມິດຮັກມາຫາແຕ່ຖ້າເປັນຕອນກາງຄືນຖ້າຂະເໝັ່ນຕາຂວາຈະມີເລື່ອງດີໆ ເກີດຂຶ້ນແຕ່ກົງກັນຂ້າມຖ້າເປັນຕາຊ້າຍຈະມີເຄາະຮ້າຍເກີດຂຶ້ນ.

ສະເພາະຄົນທົ່ວໄປຈະມັກເວົ້າ ກັນແບບງ່າຍໆວ່າ:ຖ້າຕາຂະເໝັ່ນຊ້າຍຈະໄດ້ໂຊກຈາກໝູ່ຄົນສະໜິດສົມຫວັງໃນສິ່ງທີ່ລໍຖ້າ ຫຼື ທີ່ມັກ  ເອີ້ນກັນວ່າ “ຂວາຮ້າຍຊ້າຍດີ”ເຫດການຕາຂະເໝັ່ນນີ້ເຊື່ອກັນວ່າ ເປັນລາງບອກເຫດທີ່ຖືກຕ້ອງຫຼາຍ ພາຍໃນ 3 ມື້ເຫັນຜົນຢ່າງແນ່ນອນ.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์