ມອບ-ຮັບໜ້າທີ່ ຫົວໜ້າພະແນກສືກສາອຸດົມໄຊ

ວັນທີ  29  ກໍລະກົດ  2019  ໄດ້ມີພີິທີມອບ-ຮັບໜ້າທີ່ ຫົວໜ້າ ພະແນກສຶກສາທິການ ແລະກີລາແຂວງອຸດົມໄຊ ໂດຍເຂົ້າຮ່ວມຂອງທ່ານ ຄຳພຽງ ຢາຈົງວາຮອງເລຂາພັກແຂວງຮອງເຈົ້າ ແຂວງອຸດົມໄຊ,ມີຄະນະຈັດຕັ້ງ ແຂວງ, ຄະນະພະແນກສຶກສາ-ກີລາແຂວງ,ພະນັກງານພາຍໃນພະແນກສຶກສາ-ກີລາ, ຫົວໜ້າຫ້ອງການສຶກສາ-ກິລາເມືອງ ແຕ່ລະເມືອງ,ອຳນວຍການໂຮງຮຽນອ້ອມຂ້າງພ້ອມດ້ວຍແຂກເຊີນເຂົ້າຮ່ວມ.

ທ່ານ ພົມມາ ວັນນະກຳ ຕາງໜ້າຄະນະຈັດຕັ້ງແຂວງໄດ້ຜ່ານຂໍ້ ຕົກລົງຂອງກະຊວງສຶກສາທິການ ແລະກີລາວ່າດ້ວຍການອະນຸມັດໃຫ້ ທ່ານ ສົມດີ ສີລາທອດ ຫົວໜ້າ ພະແນກສຶກສາທິການ ແລະກີລາແຂວງເພື່ອເຂົ້າຮັບເບ້ຍບຳນານ  ແລະໄດ້ຜ່ານຂໍ້ຕົກລົງຂອງທ່ານ ເຈົ້າແຂວງວ່າດ້ວຍການແຕ່ງຕັ້ງທ່ານ ພວງວິໄລ ອິນທະວົງ ຮອງ ຫົວໜ້າພະແນກສຶກສາທິການ  ແລະ ກີລາແຂວງ ເປັນຜູ້ຮັກສາການແທນ ຫົວໜ້າພະແນກ  ແລະປະກາດແຕ່ງ ຕັ້ງທ່ານ ສົມສັກ ສຸພິໄລ ຜູ້ອຳນວຍການໂຮງຮຽນສາມັນກິນນອນ ຊົນເຜົ່າອຸດົມໄຊ  ເປັນຮອງຫົວໜ້າ ພະແນກສຶກສາທິການ ແລະກີລາ ແຂວງອຸດົມໄຊຜູ້ໃໝ່.

ໃນໂອກາດທ່ານ ຄຳພຽງ ຢາຈົງວາ ຮອງເຈົ້າແຂວງອຸດົມໄຊ ໄດ້ມີຄຳເຫັນໂອ້ລົມພ້ອມທັງຍ້ອງ ຍໍຊົມເຊີຍຜົນງານທີ່ທ່ານ ສົມດີສີລາທອດໄດ້ປະກອບສ່ວນເຫື່ອ ແຮງ, ສະຕິປັນຍາເຂົ້າໃນການປົກປັກຮັກສາ ແລະສ້າງສາພັດທະນາປະເທດຊາດ ກໍຄືວຽກງານການ ສຶກສາ-ກີລາຕະຫຼອດໄລຍະທີ່ຜ່ານມາພ້ອມທັງເຊື່ອໝັ້ນວ່າຄະນະຊຸດໃໝ່ຈະພ້ອມກັນສືບຕໍ່ເຮັດໃຫ້ວຽກ ງານສຶກສາ ແລະກີລາພາຍໃນ ແຂວງມີການພັດທະນາ ແລະດີຂຶ້ນ ໄປເລື້ອຍໆ.

 ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

• 30/07/2019