ໄຊພູທອງ ຍົກລະດັບຫຼັກໝັ້ນຄຸນທາດການເມືອງ

  ຫວ່າງບໍ່ດົນຜ່ານມາ, ທີ່ສະ ໂມສອນຂອງຫ້ອງວ່າການປົກ ຄອງເມືອງໄຊພູທອງ ແຂວງສະ ຫວັນນະເຂດ ໄດ້ເປີດຊຸດຝຶກອົບຮົມທິດສະດີການເມືອງ-ການປົກຄອງ ໄລຍະສັ້ນ 45 ວັນ ຊຸດທີ IV ໃຫ້ ແກ່ສະມາຊິກພັກ-ພະນັກງານຈາກ ບັນດາໜ່ວຍພັກອອ້ມຂ້າງເມືອງ  ແລະໜ່ວຍພັກຮາກຖານທົ່ວເມືອງ ໄຊພູທອງ ຊຶ່ງມີຈໍານວນຜູ້ເຂົ້າ ຮ່ວມຄົ້ນຄວ້າຮໍ່າຮຽນທັງໝົດ 68 ສະຫາຍ, ຍິງ17 ສະຫາຍ ໂດຍ ການເປັນປະທານຂອງສະຫາຍທອງທ່ຽງ ສີດາວົງ ຄະນະປະຈໍາພັກແຂວງ ຫົວໜ້າຄະນະຈັດຕັ້ງ ແຂວງ ມີບັນດາຄະນະປະຈໍາພັກ ເມືອງ, ກຳມະການພັກເມືອງ, ຫົວໜ້າຫ້ອງການ-ຄະນະຫ້ອງ ການ, ເລຂາໜ່ວຍພັກ-ນາຍບ້ານ ແລະນັກສໍາມະນາກອນເຂົ້າຮ່ວມ.

 ຈຸດປະສົງຂອງການເປີດຊຸດຝຶກອົບຮົມຄັ້ງນີ້ ເພື່ອຍົກສູງຄວາມຮູ້ພື້ນຖານທາງດ້ານທິດສະດີການເມືອງ-ການປົກຄອງເປັນຕົ້ນແມ່ນຫຼັກມູນພື້ນຖານທິດສະດີມາກ-ເລ ນິນ ໃຫ້ແກ່ສະມາຊິກພັກ-ພະນັກງານ, ເຊື່ອມຊຶມກໍາແໜ້ນ ແນວທາງນະໂຍບາຍຂອງພັກທັງເປັນການປັບປຸງແລະຍົກລະດັບທາງດ້ານແນວຄິດການເມືອງ, ທັດສະນະຊົນຊັ້ນກໍາມະກອນ, ເຊື່ອໝັ້ນຕໍ່ການນໍາພາຂອງພັກ; ແນໃສ່ສ້າງສະມາຊິກພັກ-ພະນັກງານຫຼັກແຫຼ່ງນຳພາລຸ້ນສືບທອດປ່ຽນແທນໃຫ້ມີທັດສະນະຫຼັກໝັ້ນການເມືອງທີ່ໜັກແໜ້ນ, ມີຄຸນສົມບັດສິນທໍາປະຕິວັດ, ສ້າງແບບແຜນດໍາລົງຊີວິດທີ່ປອດໃສ,ມີຄວາມຮັບຜິດຊອບສູງຕໍ່ໜ້າທີ່ວິຊາສະເພາະ,ມີຄວາມຮູ້ຄວາມສາມາດປະກອບສ່ວນເຂົ້າໃນການເຄື່ອນໄຫວແລະປະຕິບັດໜ້າທີ່ວຽກງານໃຫ້ມີຄຸນນະພາບ ແລະປະສິດທິຜົນດີ.

  ເນື້ອໃນການຝຶກອົບຮົມຄັ້ງນີ້ລວມມີ 2 ພາກໃຫຍ່ຄື: ພາກທິດສະດີ, ພາກແນວທາງການເມືອງຂອງລັດລວມມີທັງໝົດ 39 ບົດ, ພາກທີ 1 ພາກທິດສະດີປະກອບ ມີ 3 ວິຊາ,ມີຈໍານວນ 26 ບົດຄື: ວິຊາຄວາມຮູ້ພື້ນຖານປັດສະຍາມີ 8 ບົດ, ວິຊາຄວາມຮູ້ພື້ນຖານ ກ່ຽວກັບເສດຖະກິດ-ການເມືອງມີ 10 ບົດ ແລະວິຊາລັດທິສັງຄົມ ນິຍົມວິທະຍາສາດມີ 8 ບົດ, ພາກທີ 2 ພາກແນວທາງການເມືອງຂອງພັກມີ 2 ວິຊາ, ມີຈໍານວນ13 ບົດ, ໂດຍປະຕິບັດໂຄງການໄລຍະສັ້ນໃຊ້ເວລາ 45 ວັນ ບໍ່ນັບ ວັນພັກລັດຖະການ.

  ພ້ອມດຽວກັນນັ້ນ, ກອງປະຊຸມຍັງໄດ້ຮັບຟັງການໂອ້ລົມ ແລະໃຫ້ທິດຊີ້ນໍາຂອງ ສະຫາຍ ທອງທ່ຽງ ສີດາວົງ ຫົວໜ້າຄະນະ ຈັດຕັ້ງແຂວງ ຊຶ່ງສະຫາຍໄດ້ມີຄໍາເຫັນບາງຕອນສໍາຄັນວ່າ: ການຝຶກ ອົບຮົມຄັ້ງນີ້ ເປັນການຍົກລະດັບ ຫຼັກໝັ້ນຄຸນທາດການເມືອງໃຫ້ ໜັກແໜ້ນ, ຄຸນສົມບັດສິນທໍາປະຕິວັດກໍຄືຈັນຍາບັນຈັນຍາທໍາຂອງພະນັກງານທີ່ຖືກມອບໝາຍຈາກພັກ-ລັດກໍຄືປະຊາຊົນ; ພ້ອມທັງສະເໜີໃຫ້ຄະນະຮັບຜິດຊອບພະນັກງານໃຫ້ບັນດານັກຝຶກອົບຮົມຕີບັນຫາໃຫ້ອອກ ແລະເປັນການແລກປ່ຽນຖອດຖອນບົດຮຽນເຊິ່ງກັນ ແລະກັນ; ສະເໜີໃຫ້ນັກຝຶກອົບຮົມປະຕິບັດລະບຽບວິໄນໃນການຝຶກອົບຮົມຢ່າງເຄັ່ງຄັດ, ຕັ້ງໃຈຮໍ່າຮຽນໃຫ້ໄດ້ຄຸນນະພາບຢ່າງແທ້ຈິງ; ສະເໜີໃຫ້ຄະນະຮັບຜິດຊອບລາຍງານຜົນເກັບກ່ຽວການຝຶກອົບຮົມໃຫ້ໄດ້ຄຸນນະພາບຕົວຈິງ.

----------------------

ຂຽນໂດຍ: ພັນທະມິດ ວົງສຸທິ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์