ຮ້ານເພັດພະໄທ ຈີວເວີລີ້ ຮັບລາງວັນນັກທຸລະກິດດີເດັ່ນ

ຮ້ານເພັດພະໄທ ຈິວເວີລີ້ (Phetphathai Jewelry) ເປັນຮ້ານຈຳໜ່າຍເພັດ, ພອຍ, ມຸກ, ຄຳທີ່ມີສິນຄ້າຫຼາຍລາຍການເປັນຕົ້ນແຫວນເພັດ, ແຫວນຄູ່, ເຄື່ອງປະດັບອື່ນໆຊຶ່ງມີເກືອບພັນລາຍການ, ສາມາດຈັບໄດ້ງ່າຍພ້ອມໃຫ້ບໍລິການຫຼັງການຂາຍ ແລະ ໃຫ້ຄຳປຶກສາແກ່ລູກຄ້າກ່ຽວກັບຄວາມຮູ້ຕ່າງໆ ສຳ ລັບເຄື່ອງ ປະດັບດັ່ງກ່າວ ແລະໃນປີນີ້ຮ້ານ ເພັດພະໄທ ຈິວເວີລີ້ ກໍໄດ້ຮັບລາງ ວັນນັກທຸລະກິດດີເດັ່ນປະຈຳປີ 2019 ໃນກອງປະຊຸມລັດຖະມົນຕີຊາວໜຸ່ມອາຊຽນຄັ້ງທີ 11 ແລະ ກອງປະຊຸມລັດຖະມົນຕີຊາວໜຸ່ມອາຊຽນບວກ 3 ຄັ້ງທີ 7 ທີ່ ສປປ ລາວ ເປັນເຈົ້າພາບຈັດຂຶ້ນທີ່ນະຄອນຫຼວງວຽງຈັນ.

ທ່ານ ນາງ ຈັນໂສ ຈິດຕິວົງ ເຈົ້າຂອງຮ້ານເພັດພະໄທ ຈິວເວີລີ້ ກ່າວວ່າ: ການທີ່ໄດ້ຮັບລາງວັນນັກທຸລະກິດດີເດັ່ນປະຈຳປີ 2019 ແມ່ນເປັນຄັ້ງທຳອິດ ແລະເປັນອີກ ບາດກ້າວໜຶ່ງແຫ່ງຄວາມພາກພູມໃຈທີ່ທາງພັກ-ລັດໄດ້ຊີ້ນຳພ້ອມທັງເຫັນເຖິງຄວາມຕັ້ງໃຈພະຍາຍາມບຸກບືນຂອງຊາວໜຸ່ມລາວກໍຄືນັກທຸລະກິດໜຸ່ມລາວທີ່ມີຫົວ ຄິດປະດິດສ້າງພັດທະນາ, ສ້າງ ຫົວໜ່ວຍທຸລະກິດຂະໜາດນ້ອຍ ແລະກາງໃຫ້ເຕີບໃຫຍ່ຂະຫຍາຍຕົວ, ໃນນາມເປັນເຈົ້າຂອງຮ້ານເພັດພະໄທ ຈິວເວີລີ້ ທີ່ໄດ້ຮັບລາງ ວັນອັນຊົງກຽດນີ້ກໍຂໍສະແດງຄວາມຮູ້ບຸນຄຸນຢ່າງລົ້ນເຫຼືອມາຍັງພັກ-ລັດທີ່ໃຫ້ທິດທາງ, ສົ່ງເສີມ ແລະສະໜັບສະ ໜູນສ້າງເງື່ອນໄຂ ອຳນວຍຄວາມສະດວກໃຫ້ແກ່ການດຳເນີນງານຂອງພວກເຮົາຕະຫຼອດມາໂດຍສະເພາະແມ່ນບັນດາລູກຄ້າທີ່ໃຫ້ການສະໜັບສະໜູນ, ໄວ້ເນື້ອເຊື່ອໃຈຊ່ວຍຮ້ານເພັດ ພະໄທ ຈິວເວີລີ້ ກ້າວຂຶ້ນສູ່ເວທີທີ່ ມີກຽດລະດັບຊາດຄັ້ງນີ້.

 ທ່ານ ນາງ ຈັນໂສ ຈິດຕິວົງ ກ່າວຕື່ມວ່າ: ການພັດທະນາຂອງຮ້ານເພັດພະໄທ ຈິວເວີລີ້ ແມ່ນມີຄວາມກ້າວກະໂດດນັບທັງດ້ານຮູບແບບຂອງຜະລິດຕະ ພັນທີ່ເນັ້ນຄວາມທັນສະໄໝປະສົມປະສານກົມກຽວແບບລາວປະຍຸກອັນໄດ້ສ້າງຄວາມຈັບອົກຈັບໃຈຂອງລູກຄ້າຜູ້ມາໃຊ້ບໍລິການເປັນຢ່າງດີພ້ອມນັ້ນທາງຮ້ານຍັງໄດ້ເນັ້ນ ການພັດທະນາຄວາມຮູ້ຄວາມສາມາດດ້ານວິຊາການ ແລະທັດສະ ນະຄະຕິຂອງພະນັກງານໃຫ້ນັບມື້ສູງຂຶ້ນ, ເພື່ອສາມາດຮອງຮັບບໍລິການສັງຄົມດີຂຶ້ນ ແລະຄາດວ່າອີກບໍ່ດົນຮ້ານເພັດພະໄທ ຈິວເວີລີ້ ຈະເປີດຮ້ານໃໝ່ຂອງຕົນທີ່ໃຫຍ່ກວ່າເກົ່າເພື່ອຮອງຮັບຖານລູກຄ້າທີ່ນັບມື້ເພີ່ມຂຶ້ນເລື້ອຍໆ ພ້ອມດຽວກັນນີ້ຮຽກຮ້ອງມາຍັງພາກ-ລັດໃຫ້ມີນະໂຍບາຍສົ່ງເສີມບົດບາດຂອງໄວໜຸ່ມຍິງຫຼາຍຂຶ້ນເພື່ອສາມາດພັດທະນາຕົນເອງໃຫ້ຢູ່ຄຽງຄູ່ກັບເພດຊາຍຕະຫຼອດໄປ.

  ໃນຊ່ວງໄລຍະເຂົ້າພັນສານີ້ທາງຮ້ານເພັດພະໄທ ຈິວເວີລີ້ ໄດ້ມີໂປຣໂມຊັນພິເສດໃຫ້ລູກຄ້າທີ່ກຳລັງກະກຽມງານແຕ່ງ-ງານໝັ້ນເຂົ້າມາຊື້ແຫວນຄູ່ທາງຮ້ານຈະມີສ່ວນຫຼຸດເລີ່ມຕົ້ນແຕ່ 15% ຂຶ້ນໄປ ແລະລຸ້ນສ່ຽງໂຊກຮັບເງິນສົດໃນທຸກໆເດືອນ 5 ລ້ານກີບ ຜ່ານໄລຟສົດທາງເຟສບຸກ (Phetpha thai Jewel ry) ຮ້ານເພັດພະໄທ ຈິວເວີລີ້, ສຳລັບລູກຄ້າທ່ານໃດສົນໃຈເຄື່ອງປະດັບດີມີຄຸນນະພາບກໍສາມາດຕິດຕໍ່ພົວພັນ ຫຼື ເຂົ້າໄປເບິ່ງໄດ້ຮ້ານຕັ້ງຢູ່ບ້ານສີດຳດວນ ເມືອງຈັນທະບູລີ ນະຄອນຫຼວງວຽງຈັນ, ເບີໂທລະສັບ 030 5556555, 020 99939789.

-----------------------------

ພາບ ແລະຂ່າວຈາກ: ໜັງສືພີມເສດຖະກິດ-ສັງຄົມ

แชร์