ອີຢູຮຽກຮ້ອງສະມາຊິກຕ້ານໄພຟອກເງິນ

    ອີຢູ ຮຽກຮ້ອງບັນດາປະ ເທດສະມາຊິກຊຸກຍູ້ການປະຕິຮູບ ແນໃສ່ຕ້ານໄພຟອກເງິນ ເພື່ອສະ ກັດກັ້ນເງິນຜິດກົດໝາຍ.

ຕາມຂ່າວສານຫວຽດນາມ ລາຍງານວ່າວັນທີ 24 ກໍລະກົດຄະນະກຳມະການ ເອີຣົບ (EC)  ໄດ້ກ່າວເຕືອນບັນດາປະເທດສະຫະພາບເອີຣົບ (ອີຢູ)ວ່າຄວນ ເພີ່ມທະວີບັນດາມາດຕະການແນໃສ່ສະກັດກັ້ນກະແສເງິນຜິດກົດ ໝາຍທີ່ເພີ່ມຂຶ້ນເຖິງຫຼາຍຕື້ເອີໂຣທີ່ໄດ້ມີການພົວພັນແລກປ່ຽນຢູ່ບັນ ດາທະນາຄານໃນກຸ່ມນີ້ໃນສະພາບການທີ່ເກີດມີຊ່ອງວ່າງໃນການແກ້ໄຂໄພຟອກເງິນຂອງບັນດາທະນາຄານ ແລະລັດຖະບານບັນດາປະເທດ.

ຕາມວົງການເຈົ້າໜ້າທີ່ເອີຣົບ ແລ້ວ, ຕາມປົກກະຕິບັນດາທະນາ ຄານຈະບໍ່ປະຕິບັດຕາມຂໍ້ກຳນົດກ່ຽວກັບການຕ້ານການຟອກເງິນໃນຂະນະທີ່ບັນດາອົງການຄຸ້ມຄອງຢູ່ບັນດາປະເທດອີຢູບໍ່ແກ້ ໄຂສະພາບການດັ່ງກ່າວຢ່າງເຖິງຖອງ ແລະຍັງບໍ່ທັນແກ້ໄຂໄດ້ບັນດາຊ່ອງວ່າງໃນຂໍ້ກຳນົດທີ່ພວມນຳໃຊ້. EC ຖືວ່າ: ການຂາດຕົກບົກຜ່ອງນີ້ໄດ້ສະແດງໃຫ້ເຫັນບັນດາບັນຫາທີ່ມີລັກສະນະໂຄງປະ ກອບຂອງບັນດາຂໍ້ກຳນົດກ່ຽວ ກັບການຕ້ານການຟອກເງິນ.

ພາບ ແລະຂາ່ວຈາກ: ໜັງສືພີມເສດຖະກິດ-ສັງຄົມ

แชร์